شنو هالحل مع هالاشكال؟؟؟

[نونو جين]

:eh_s(13): السلام عليكم ورحمة الله وبركاته

تحياتي لكم واتمنى انكم بخير وعافيه وهنا

حبيباتي الناس اجناس صح؟؟؟
وماتعرفين حق الكل صح؟؟؟
زين اذا انتي تعرفين وحده وفجأه يصير منها تصرف انتي مو متوقعته منها
اذا كانت قريبه منج تقدرين تسالين عن الاسباب بس البعيده !!!!

يعني مثلا انتي تسولفين عن شي فجأه عصبت وزعلت والا قطت عليج كلام جارح
شتسوون مثلا تصير هذي بالدوام بينا كزميلات تقول كلام جارح او كلمه قويه <<< وانتي متنحه تقولين هذي شفيها

شنو الاحسن يابنات هل ؟؟؟؟؟
1. تردين عليها الكلمه بعشر وتهزئينه << بس راح تهزئين نفسج بعد
2. تقوليلها كلمه وحده او ثنتين بس قويه يعني وتخلينها وتمشين
3. ماتردين عليها <<< بس ماتتوقعون انج بتخلين غيرها يتجرأ عليج ؟

شنو احسن شي واذا عندكم افكار لاتقصرون

تحياتي يابعد قلبي

 

[@ الرسامة @]

شوفي انا دايم اتنحش من هالسوالف
وايد على نياتي
وللاسف اللي جدامي مو مقدر الشغلة
قبل كنت اتنحش
بس الحين شفت اللي لسانه طويل اهو اللي يعيش


وللاسف طبعا

 

[نونو جين]

شفتي شتقول الرسامه يالقطه البريئه عشان تعرفين ان كلامي صح
شرفني تواجد يالرسامه تحياتي ياقلبي

 

[لازوردي]

اكيد راح اختار الحل الثاني . تقوليلها كلمه وحده او ثنتين بس قويه يعني وتخلينها وتمشين

لأنه ماينفع مع هالأشكال الا هالأسلوب ....

 

[الكويتـ80ـية]

السلام عليكم ورحمة الله وبركاته
أنا الصراحة ما اسوي الثلاث , بالعكس تردين على حسب الموقف ..
إذا كنت تقولين سالفه و قاطعتج ... تردين) حبيبتي ما خلصت كلامي ..
إذا حاولت تجرحج بشي فيج أنتي تردين ( أنا رب العالمين خلقني جذي ,, الله يسامحج)
يعني بكل الأحوال ما تسبين و لا تعلين صوتج لأنه بالمواقف هذي يبين الزين و الشين و صدقيني بتكبرين بعين زميلاتج و راح يعرفون مستوى الثانية .

أتمنى ما طولت عليكم ..
سلامتكم ,,. و عسى الله يوقف بطريقنا عيال الحلال و يبعد عيال الحرام.. اميـــــــــــــــــــــــــــــــــــــــــــــــــــــــــــــن

 

[نونو جين]

السلام عليكم ورحمة الله وبركاته
أنا الصراحة ما اسوي الثلاث , بالعكس تردين على حسب الموقف ..
إذا كنت تقولين سالفه و قاطعتج ... تردين) حبيبتي ما خلصت كلامي ..
إذا حاولت تجرحج بشي فيج أنتي تردين ( أنا رب العالمين خلقني جذي ,, الله يسامحج)
يعني بكل الأحوال ما تسبين و لا تعلين صوتج لأنه بالمواقف هذي يبين الزين و الشين و صدقيني بتكبرين بعين زميلاتج و راح يعرفون مستوى الثانية .

أتمنى ما طولت عليكم ..
سلامتكم ,,. و عسى الله يوقف بطريقنا عيال الحلال و يبعد عيال الحرام.. اميـــــــــــــــــــــــــــــــــــــــــــــــــــــــــــــن

والله فكره حلوه
شرفني تواجدج يالراقيه

 

[الجــادل]

على حسب الموقف


يعني لو كانت معروف عنها لسانها طويل احقرها وامشي .. لان مو كفو انزل نفسي لها وارد عليها.. لانها تبيني ارد وتكبر السالفة عساس نفسها المريضة تتغذي بهالطريقة
فبالحقران اكون حرمتها من غذاءها وقهرتها هههههههه


اما اذا كانت صاحبة الموقف وحدة علاقتي فيها عادية ومو معروف انها راعية مشاكل .. اقولها كلمتين انقدها على نفسها وبنفس الوقت ما تنحسب على غلطة
يعني بالعربي رد فاحم ودبلوماسي


واذا كانت صاحبة الموقف تعز على اسكت وما اناقشها بالوقت اللي هي معصبة فية .. انطر لين تهدا واناقشها


وبالثلاث حالات اللي ذكرتهم اذا انا الغلطانة اعتذر واذا مو غلطانة اتعامل مع كل موقف بنفس الطرق اللي سبق وشرحتها

 

[نونو جين]

يووووووووووه يالجادل منو الي يفكر وقتها
بصراحه انا عن نفسي اتنح وانصدم والا ارد باسلوب موحلو بصراحه
يعني نادرا ماافشلها

 

[الجــادل]

انا مو كنت اتنح الا يطقني عقر بقر خخخخخخخخ


وكنت اتحسف وانقهر واقول يا ليتني قلت جذي

بس الحياة تعلم

وان لم تكن ذئبا اكلتك الذئااب


هههههههههههههههههه

 

[نونو جين]

انا مو كنت اتنح الا يطقني عقر بقر خخخخخخخخ


وكنت اتحسف وانقهر واقول يا ليتني قلت جذي

بس الحياة تعلم

وان لم تكن ذئبا اكلتك الذئااب

هههههههههههههههههه

ابيه والله انا جذي اقول ليتني قلت وليتني سويت

بس والله صج الدنيا تعلم
كل طراق بتعلومه
والانسان كل ماكبر تسنع
الحمدلله ياااااااااااااااارب

 

[منورة]

انا مو كنت اتنح الا يطقني عقر بقر خخخخخخخخ


وكنت اتحسف وانقهر واقول يا ليتني قلت جذي

بس الحياة تعلم

وان لم تكن ذئبا اكلتك الذئااب


هههههههههههههههههه

اشوا موبس انا خخخخخخخخخ



ساعات اتنح بشكل مو طبيعي


وبالبيت نقعد نلوم نفسنا ليش وليش ووووووووو؟





بس صدقيني ما ينفع الا الكلام القوي بيت شعر عالماشي بالصميم


ولا حديث او ابسط كلمة مااقول الا اللة يسامحج وربي راح يا خذ حقي منج





الحين انا قاعدة اسمع شعر في بيوت شعر قوية بالصميم


اللة يعينا بالدوام الظاهر راح استعملها حيل الحريم ما يرحمون ابد

 

[عنابه]

أحيانا النظرة تكفي وترفقينها ب ( الحمدالله الذي عافانا ) أو الحمدالله والشكر , وانا أفضل أني ماأرد بنفس الأسلوب يعني مو حلوه صوتي يلعلع بالدوام .

 

[روزالكويت]

يعجبنى اسلوب عنابه اكثر اذا كان في الدوام شباب عشان الفضايح لان الرياييل عندهم اللي يطلع صوتها عوبه ووصخه لو انها على حق.

اما اذا القسم حريم بس لا والله الا برد عليها كلمتها وزياده شوى حبيبتى انا شبعت من بنات الدوام والطيبه ماتنفع فيهم اخذتها قاعده اعامل كل وحده مثل ماتعاملنى وارتحت وايد على جذى المحترمه احطها على راسي والرقله اوقفها عند حدها من غير شوشره وبكل احترام صدقينى اذا ما حطيتى لج هيبه بالدوام راح تأذين حيل حيل وياخذون حقج وتنظلمين بكل شى,

 

[أميرة الورد]

روز الكويت صح لسااااااانج

بس انا أتبع أسلوب النظرة القاتله هههههههه وبعدين اعطيها كلمة تخليها تفتشل على نفسها بدون صراخ ولا لويه صراحه ما تسوي أصرخ بالداوم شنو هيليقيه

 

[نونو جين]

شرفني تواجدكم
وكلامج صح بس هم في بنات يحبون تردين عليها عشان ترد عليج وتكبر الموضوع وماتخلصين وفي لايوقفون عند حدهم :eh_s(10): يعني شي ماينعرفله !!!!!

 

[LaSt WoMeN]

على حسب الموقف و مزاجي .. و اذا كنت متريقة و مصحصحة و الا لي الحين دايخة < والله صج

و الحمدلله ما صار لي موقف جذي .. بس لو صار لا سمح الله .. انا مو متعودة اصرخ و عيب اصلا اصرخ بمكان عام .. يعني يا انني ارد بكلمة ثنتين .. او انني احقر و اعطيها نظرة .. و افضل الحل الأخير .. ما هو خوف بس انا ما احب انزل نفسي لهالمستوى و ويين ؟ بمكان عام ..

 

[دهن عود مبخر]

اقط عليها جم كلمه جامده وبكل هدوء وبعدين اتجاهلها واحقرها

لان الحقران يجيب نتيجه رهيبه والله

واقولها عن تجربه​

 

[نونو جين]

الله يكفينا وياكم شر هالهمج وهالاشكال الي الله يهديهم قصبن عليهم

 

[brettey]

حبيبتي انا لو منج اسوي الحل الاول وبالعكس ماراح اهزيء نفسي بس عشان توقف عند حدها وتتأدب

 

[أحلى الجياكر]

أنا عندى جمل مأثورة ما أغيرها
" ما أقدر أرد عليج ..ما تعودت على الهيلق "
" أنا أرد على وحدة مثلج !!! إالى بره و داخل ما يسمونها إلا البيعارية "
و الأخيرة
" إنتى وحدة دلالة ... ما ينرد عليج !!! هلاقة "

شفتو الأخيرة تييب الضغط
و كلهم ينقالون بصوت عادى مائل للهدوء