شنو يعني إفادة بنات؟

[fri2010]

السلام عليكم
اشلونكم شنو مسوين

امس كان علينا إشراف ومن الزهايمر الللي فيني وقعت حضور بدفتر الاشراف والانصراف بدفتر السجل

المهم الوكيله اليوم عطتني إفادة !!!!

شنو يعني افاده بنات ودي اعرف؟ وتأثر بشنو؟

 

[ابلة غزالة]

الافاده يعني مشكله انتي تسببتي فيها و يطلبون منج بالورقه شرح لسبب وقوع المشكله

مثلا طالب اشتكى عليج انج طقيتيه يعطونج افاده و انتي تكتبين فيها مثلا انج ما طقيتيه او انج عاقبتيه بالوقوف من غير طق

في حالات انج اتوقعين على مناوبه قبل بيوم و تنسين حزة المناوبه و ما تناوبين يعطونج افاده الي عليج تكتبين سبب عدم مناوبتج ممكن ما بلغوج او انج نسيتي او انج تخربطتي بالتاريخ على حسب

انزين الافاده شنو تسوي فيها الاداره بعد ما تتبين اسبابج فيها تاخذها الوكيله اتوديها للناظره تكتب رايها في الموضوع و بعدها على حسب
في ناظرات حبوبات تاخذ الافاده و تحطها بالدرج و اخر السنه تشق الورقه الا اذا ما صار في تكرار في افاداتج و كثرتها
وفي ناظرات لا حاطين ملف مجزء لكل معلمة تجمع الافادات فيه و اتحاسبج عليه في تقرير اخر السنه

واخيرا الافاده ما عليها خصم معاش بس اذا اكثرت افاداتج بخصوص موضوع معين مثل الطق تتحولين تحقيق و اهني يصير الخصم *

 

[fri2010]

وانا ينطبق علي هالشي ابله غزاله؟
انا كتبت اللي عندي ووقعت علي الافاده بس ما ادري وين حطوها!

 

[برنسيسة2007]

اانا انتقلت مدرسه ثانيه وطابت ملفي بشوف الدورات وهلامور ولقيت فيه افاااده قديمه من سنوات!!!
يحطونها بملفج وماهايها خصم او ماشابه حتى التقرير ماتأثر هليها بس عاد انتي ضبطي نفسج رفضي الافاده اخذيهم بكلام طيب

 

[ابلة غزالة]

وانا ينطبق علي هالشي ابله غزاله؟
انا كتبت اللي عندي ووقعت علي الافاده بس ما ادري وين حطوها!

على حسب ادارة مدرستج
في ناظرات يحطون الافادات في الملف مثل ما صار مع الاخت برنسيسه
وفي ناظرات مثل ناظرتي قبل تخلي الافاده بالدرج اذا مره وحده او مشاكل بسيطه و ما تحاسب عليها بس محد كان يدري انها تحطها بالدرج الا احنا رئيسات الاقسام
وفي ناظرات ما يحطونها في الملف بس يحاسبون عليها اثناء التقرير اخر السنه

عموما لا تحاتين و حاولي ثاني مره ان ما يكتبونج افاده علشان ما تكثر عندج الافادات

 

[fri2010]

اوكي عادي لان صج غلطه لا تغتفر
وان شاء الله ما تتكرر

 

[ام عفاف الكويت]

حبيبتي امر مشكك بالنسبه لهم انج وقعتي انصراف وماوقعتي حضور
هالشي لازم عشان تعرف السبب بس انتي يوم وقعتي حضور ماشافت الوكيله شي
جان تكون شاهده انه شافتج
بعدين الافاده نفس هالنوع ماعليها مشاكل قانونيه او خصومات
في ناس تحط بملفج وتكتب اخر السنه بتقريرج بس مو معناها تحرمج من الامتياز لا لا

 

[PuPa^^SWeeT]

صبر شللي صار بالضبط

يعني نسيتي اتوقعين حضور بالسجل ؟؟؟؟؟


اوكي ليش افادة فيها نسيت مافيها شي


افادة عاد



الافادة بالامكان رفض توقيعها افتكر


شنو هالتعسف ....