شنو يهمج بصحتهم...؟؟

[HearT ChocolaTe]

السلام عليكم ورحمة الله وبركاته

فديتكم بدخل بالموضوع بدون مقدمات .. كل وحده تكتب أهم الأدويه االمهمه في
صيدلية عيالنا وبناتنا من ذوي الإحتياجات الخاصة


نبي الهمه والتفاعل يا أمهاتنا الحبيبات
حتى لو كنتي ضيفه علينا .. وما عندج مريض أفيدينا باللي تعرفينه

 

[الصابرة المحتسبة]

هلا يالغالية

يمكن سالفة الأدوية شوي حساسة لان مو كل مريض يناسبه أي دوا بس إذا قصدج الأدوية المعتادة مثل تخفيض الحرارة وغيره .

 

[نونا العتيبى]

بالنسبه لبنتي فدوا خافض الحراره ما يخلص عندنا نشتريه بالدرزن ,,وبعد الزيرتك والأريس ,,وأهم شي الكمام وين ما نسافر معانا

صج نسيت أهم دوا ضروري بنتي تآخذه كل يوم عشان التشنج وأهوه الديباكين ,,

والحمدلله علي كل حال

 

[الصابرة المحتسبة]

هلا بنونا النعنوعة شلونها فديتها؟؟؟

 

[HearT ChocolaTe]

صاجه يا الصابرة .. بس في أدويه ( ضروريه تكون معاج )
على سبيل المثال اللي قلتيه : خافض للحرارة أهم نوع واللي لازم كل أطفالنا يستخدمونه كبدايه هو :
كبدايه هو البنادول ومشتقاته ... البنادركس .. أمول .. أدول .. التحاميل اللي من نفس النوع

ليش أنا قلت هالكلام لأن أنا دايما أستخدمه وما عندي غيره ولما كنت اراجع الخاص كانوا دايما يصرفون لي
(تيمبرا) تحاميل إذا كانت حرارتها 38 وأكثر وتعودت عليهم مع الوقت وقبل سنتين تقريبا انقطع فترة من الصيدليات
ومو كل صيدليه ألقى فيها ... الحاصل أن الصيدلي إستبدله بالبروفين .... ونكس حالة ولدي !!!
هذا لأن البروفين ومشتقاته ما يصلح للي يعانون من إلتهاب الشعب الهوائيه ... فزاد عليه الشي حبيبي

فالمهم بالموضوع نتبادل الخبرات ونعرف أخطائنا ونستفيد من بعضنا البعض ... وهذا لمحبتي لكم

أحب أقولكم اللي اعرفه عن أدوية الحرارة .. أن من خلال أستخدامي للبنادركس وأدول سواء تحاميل أم حرارة
لا تخفض الحرارة إلا بعد ساعتين بالتمام .. وهذا كلام ممرضة الحكومه وبصراحه أصدقهم أكثر من الدكاترة
لأن خبرتهم أكثر مع المرضى .. واللي أشوفه أنهم هم اللي يوجهون الدكاترة
ومن يوم قالت لي هالشي وأنا التمبرا معاي وين ما أروح

<<<<<< قررررررررررر قرررررررررر وااااااجد

 

[مشاعل الشمري]

ياحلات هالقرقر والله
عسل على القلب
وفيه فايده لعيالنا

 

[HearT ChocolaTe]

والله محد عسل غيرج يا شمر مر

علمينا عاد صيدليتج

 

[HearT ChocolaTe]

بالنسبه لبنتي فدوا خافض الحراره ما يخلص عندنا نشتريه بالدرزن ,,وبعد الزيرتك والأريس ,,وأهم شي الكمام وين ما نسافر معانا

صج نسيت أهم دوا ضروري بنتي تآخذه كل يوم عشان التشنج وأهوه الديباكين ,,

والحمدلله علي كل حال

يا بعد قلبي قلبها ... صاجه جنج أنا وتنقل معاي كلش ولا الحرارة
:0bee2e8d89:

بس ترى الزيرتك نفس الإريس ديري بالج تعطينهم مع بعض ؟؟
نفس المفعول والأحسن الإريس ...

 

[مشاعل الشمري]

يا بعد قلبي قلبها ... صاجه جنج أنا وتنقل معاي كلش ولا الحرارة
:0bee2e8d89:

بس ترى الزيرتك نفس الإريس ديري بالج تعطينهم مع بعض ؟؟
نفس المفعول والأحسن الإريس ...

يقلبي ما ابخل عليج بصيدليتي
بس تقريبا نفس الدوا
خو احنا بالكويت يعني الزيرتك-للحساسيه
التيمبرا او الادول للحراره
بس انا اكتشفت المتليوم شراب اذا كان الياهل يرجع وانتي بكرامه وايد زين
بس لازم استشارة طبيب

 

[HearT ChocolaTe]

صاجه فديتج واايد ممتاز .. بس هذا مو لعيالنا من الإحتياجات الخاصه
المتيليوم على طول بالثلاجه لعيالي الباقين ومالي غنا عنه .. مرة انصحتني في دكتورة لولدي العود
قالت على طول تخلينه بالثلاجه للإحتياط

 

[الصابرة المحتسبة]

هلا والله حبايبي افتحوا لهم صيدلية أي غلطة بسكرها لكم بالشمع الأحمر ديروا بالكم.

 

[الأماني]

هلاا خواتي الصابرات بالنسبه لي انا ما أستخدم إي علاج من غير استشاره الطبيب لأن اعيالي مو أي علاج يمشي معاهم

وانااا أعطيهم علاجهم اليومي سبتريم للمناعه والله يحفظهم بحفظه ويشفي جميع اعيالنا ومرضي المسلمين .. اللهم آمين

 

[HearT ChocolaTe]

هلا والله حبايبي افتحوا لهم صيدلية أي غلطة بسكرها لكم بالشمع الأحمر ديروا بالكم.

:eh_s(1): :eh_s(1): لا لا بليززز شمع ما نبي :eh_s(1): :eh_s(1):

 

[HearT ChocolaTe]

هلاا خواتي الصابرات بالنسبه لي انا ما أستخدم إي علاج من غير استشاره الطبيب لأن اعيالي مو أي علاج يمشي معاهم

وانااا أعطيهم علاجهم اليومي سبتريم للمناعه والله يحفظهم بحفظه ويشفي جميع اعيالنا ومرضي المسلمين .. اللهم آمين

صح لسانج فديتج ... بس أنا ما أقصد الدوا الخاص بالمرض .. واللهم آمين يحفظ عيال الجميع

 

[HearT ChocolaTe]

بالنسبه لعزوزي هذي صيدليته

1- دوا شراب البنادركس ، تحاميل التيمبرا المناسب لعمره وهذا إذا كانت 38 حرارته.
2- دوا الزيرتك طبعا بالليل بس إذا فيه كحه أو سيلان للأنف .
3- قطارة الأنف ماء وملح 3 - 4 مرات باليوم .
4- كريم خاص للحساسيه الشديدة ( ألفاكورت - فوسودين - ميبو )
5 - تحاميل جلسرين لحالات الإمساك .
6- كمادات الجل للحرارة .
7- مرهم دكتارين لإلتهابات اللسان .
8- الفيتامين أوميجا 3
وطبعا أدويته الخاصة هذي ما في شك موجودة .. لكن بمراجعه الطبيب
وسلامتكم

 

[الصابرة المحتسبة]

قواج الله يالغالية

 

[HearT ChocolaTe]

يقويج فديتج

هذا كريم للتسلخات .. بصراحه وايد عجيب .. حاش ولدي (( إسهال )) وأنتوا بكرامه
وضميته للصيدليه
panderm والشي الحلو أن مافيه كورتزون

 

[HearT ChocolaTe]

جل بالصيدليات يبيعونه وصفته لي الدكتورة عفاف الرومي حق عزوزي
من زمان عندي هو يدهن مكان الإبرة عشان يمنع التورمات ولطفها وما شاء الله ذاك اليوم
طعمت عزوزي وتذكرته قمت أحطه له وخفف عليه واايد قلت أحطه لكم إسمه (( Reparil-Gel N ))
وبما أني أمس سويت دبقت << يعني طحت وتشخلت هههههههههههه
ورمت أيدي شوي قمت بسرعه حطيتها بماي حار شوي والله إيدي صارت نفس باباي تنبض خخخخخخ
وبعدين كمادات باردة وآخر شي حطيت لها هذا الجل والحمد لله وااايد خففت علي

 

[نونا العتيبى]

سلامات ما تشوفين شر,,ديري بالج ,,علي فكره وايد تصير لج أصابات ,,شالسالفه؟؟؟؟ عييييييييين ما صلت عالنبي (أسم الله عليج )
وعلميني هالكريم حق شنو بالضبط؟؟؟ عشان تكمل الصيدليه خخخخخخخ
والله صار فيني أدمان ماغير رايحه وراده عالصيدليه

 

[HearT ChocolaTe]

هههههههههههههه شفتي يا نونا الحمد لله على كل حال أنا إذا مو فيني في عيالي .. الله خير حافظ علينا
وهو مو كريم حياتي هو جل تحطينه على المنطقه المتأثرة بالصدمه ، أو التشنجات تحت الجلد .. المهم مو جرح مفتوح

(( التورم بعد التطعيم )) (( الرضوض أو الكدمات ))

خليني أقولج أقرب مثل .. قبل يومين عزوزي عض أخوه عضه ورم خده خخخخخخخخخ
فتذكرته بصراحه أنصدمت من مفعوله ما شاء الله ... أختفت حتى بدون أي علامه
أنصحكم فيه والله وايد ممتاز