شهادتج علم نفس وعاشج 800 دخلي بارك الله فيج

[أبراركو]

السلام عليكم حبيباتي انا حبيت استفسر عن اللي شهادتها علم نفس بكالوريوس وراتبها 800 وفوق لان والله زهقت كل ما أسال اي وزارة 630 والله حرام وانا بكالوريوس ففيدونا الله ايوفقكم ويهنيكم

 

[السجينة]

نفس الحالة انا علم نفس ولي الحين ما حطوا لي رقم بالديوان :/ الله كرييم
يا ليت احد يفيدني وياااج بمكان زيين ومعاشه قوي

 

[q8ia7]

انا نفس حالتتكم.. علم نفس

وزارة الدفاع كل البكلريوس حول 780 وزارة الماليه 800 وشي بعد .. هذا بالنسبة للوزرات (وما يبونا على فكره بس اذا عندج واسطه يوظفونج) وفيه بعد الهيئات والمؤسسات مثل المعلومات المدنية والتامينات الاجتماعية وهيئة الصناعة والرعاية السكنية كلهم من 800 وفوق تقريبا


انا طلع اسمي بالصحه والشؤون ورفضت ..

 

[هامتي]

وزاره الاسكان واالماليه ووالهيئه للمعلومات المدنيه والجامعه احسن الاماكن بس يبيلهم واسطه

شوفي اي معاش من 800 وفوق لازم واسطه اما وزارات اللي طايح سوقها يقبلونج وانتي مغمضه

 

[نـعـومـه]

وزاره الاسكان واالماليه ووالهيئه للمعلومات المدنيه والجامعه احسن الاماكن بس يبيلهم واسطه

شوفي اي معاش من 800 وفوق لازم واسطه اما وزارات اللي طايح سوقها يقبلونج وانتي مغمضه

صح كلامها هالاماكن راتبج فوق 800 وبضيف بعد ديوان الخدمه المدنيه معاشهم حلو

وقدمي موشرط قبولهم بالواسطه ترا نصيب

 

[نـعـومـه]

حرام نطري لاتروحين اي مكان

كلش كلش صيري مدرسه حرام تروحين مكان راتبج تحت ٧٥٠*

 

[عيش و مرق]

عندج بعد شؤون القصر زينه ومعاشات قويه ولجان ودوام خفيف ........ والتطبيقى بعد معاشاتهم نفس الجامعه نفس الكادر بالضبط واحسن بعد عندهم عطله الربيع مثل المدارس وعطله بالصيف بس مو كل الادارات سألي

 

[أبراركو]

مشكورين بنات على هالردود بس مثل ما تفضلتوا لازم الوااااسطة والله صايرلي سنة وشي وأنا ناطرة وبالنسبة للي تقول صيري مدرسة وزارة التربية مكتفية شسوي يعني الله كريم

 

[أبراركو]

السلام عليكم مشكورين بنات على هالردود بس الواااسطة اذبحتنا في كل شي حتن التدريس مكتفين شنسوي الله كريم صارلي سنة وشي ناطرة

 

[q8ia7]

^^

صح ما يبونا حق التدريس

مالج الا تكونين اخصائية المعاش اعلى من 630 بس مادري شكثر .. 700 وشوي اظن

الله يعين ..

 

[هامتي]

قبل كانوا يرضون علم نفس مجال تدريس بس اكتفو وعممو انه علم نفس تكون اخصائيه فقط في التربيه

نصيحه بنااااااااااااات لا تستسلمون واصيرون اخصائيات لانه حراااااااام جامعيه واخرتها اخصائيه مهضوم حقها وغير التعب ويكفي شي يتعلق بالتربيه

صبرو لين الله يفرجها لكم ان شاءالله وادعووو ربكم عسى ربي يوفقكم ويرزقكم بالوظيفه السنعه

 

[السجينة]

مشكوريييين بنااااات .. وصاااجة الاخصاائية حدده مو شي ومعاشهم 760 تقريبا
ننطر وامرنا لاللله .. واللي عندها واااسطة ختساااااعدني بلييييييييز

 

[فوفه 82]

آنا انصحج بالاوقاف صح نفس معاش التربيه لكن اريح وافضل وبالنهايه عطله يعني نفس مزايا التربيه لكن اررررررررريح والله يوفقج وويوفقنا اجمعيييييييييين​

 

[q8ia7]

مشكوريييين بنااااات .. وصاااجة الاخصاائية حدده مو شي ومعاشهم 760 تقريبا
ننطر وامرنا لاللله .. واللي عندها واااسطة ختساااااعدني بلييييييييز

الحين استقالت الحكومه يعني حتى لو بتدبرين واسطه لازم توقيع الوزير فمراح تضبط السالفة ..:/

 

[أبراركو]

الله يجزاكم خير على هالدعاوي بس حتن لي الحين ما وصل معاشها 760 تو صار حول 700 وكسور بس مو لدرجة 60 شهالمصخرة والتطبيقي والجامعة وكل مكان زين صعب اتوظفين فيه يبيلج وااااسطة جايدة

 

[فوفه 82]

إختي ردت بنكي
والحين انا برد
وعلى فكره احنا خوات وثنتينا اخصائيات اجتماعيات

لاتفكرين تروحين لتربيه

 

[أبراركو]

أبد إذا بموت أروح التربية أشرفلي أداوم بوظيفة معاشها 100ولا أني أداوم بالتربية
ومشكورة أختي عالنصيحة

 

[q8ia7]

ويييه الله يعينا !

لهالدرجه التربية ارففف ؟؟

انا الحين رفضت الشؤون والصحه وطلع اسمي بالتربية قلت يمكن ارضى بالواقع المرير واروح التربية بعد شنسوي ياحيل الله ..

بس انتو حيل خوفتوني منها

 

[يارحيم إغفرلي]

نصيحه انحاشي انا اخصائيه بالتربيه كرف وتعب وكرفج مايقل عن المدرسه يمكن العن بعد وراتبج مثل سكرتيره روحي اي وزاره ارحم مليون مره
واذا تقدرين روحي تدريس وانتي مغمظه لايقولون لج تعب نفس الشي بس تعب الاخصائيه بدون مقابل والمدرسه تعيين يديد راتبها 1125

 

[عبث طفله]

انا علم نفس بس لي الحين ما تخرجت وناويه تدريس بس حبطتني اللي تقول فيه اكتفاء