شهالتخلف ؟ لي هالدرجة وصلنا ؟

[Bedor-al.3taiby]

السلام عليكم

الصراحه ماحطيت هالموضوع الا وانا منقهره من اللي اشوفه :

شسالفة التخلف القبلي اللي هابين فيه هاليومين ؟

الحين كل واحد شاد الظهر بالمرشح اللي من قبيلته و المرشح اللي من طائفته

عشان بس يطلع اسم قبيلتنا بالمجلس ؟

زين وين الكفاءه ؟ ولا اسم قبيلته اهوه اللي مجحه ؟

هذا غير البيرسونال بالواتس اب اللي يفشل

و يدل ع تخلف البعض

اللي تكتب (( الصوت لxxx موتو قهر يا حاسدين ))

ووايد من هالكلمات

بالله ع شنو بنحسدج ولا ليش القهر ؟

xxxانا اتكلم عن جميع القبايل و الطوائف و اللي تقولي ليش ماتحجيتي عن العتبان. اقولكم هم العتبان نفس الحجي

و تذكروا ان صوتكم امانه ربكم بيحاسبكم عليها


و هالامانه بين ايدينكم لا تضيعونها


وان شالله النجاح للافضل و الانفع لمصلحة الكويت

 

[Bedor-al.3taiby]

ماقلتولي رايكم ؟!

 

[Eva-SS]

ايه شتقولين تخلف

والمصيبة الاكبر تقولج فلان - وهو من قبيلتها ولا طائفتها - يستاهل بصوت له نفعني وهي تدري انه قبيض وحرامي ولما تكلمينها تقول ايه بس نفعنا

شنو هالعقليات على فكرة هالكلام مو بس بدائرة معينة ولا عند فئة معينة كلهم جذي .. يتحجون بالوطنية ولما تصير الصجية ماكو فعل

انا بدويه والله العظيم كنت قايله قبل لو حسن جوهر بدائرتي جان صوتت له وهو شيعي بس بعد تقسيم الدوائر ظلمنا وعزز العنصرية وقسم المجتمع الكويتي دائرة اغلبها شيعة ودائرة لابناء القبايل يعني الحكومة تبي جذي

 

[لمعة سراب]

وعليكم السلام

امبيييييييه حده!!

تخيلي رفيجتي اقولها صوتكم لمنو؟

تقولي حق فلان الفلاني..

قلت ليش ؟؟ شنو شفتيه فيه ؟ قالت اهوا من قبيلتنا!! _!!!؟؟؟

جنها معطتني كف صج انصدمت الحين خليتي الزينين كلهم ووبتصوتين حق هذا عشانه من نفس القبيله
سالتها رحتي ندوته ؟ لآ زين السيره ماتعرفون عنها شي! هم لآ!!
ترى صوتكم امانه!

 

[بدورة القمورة]

ايه والله تخلف حدددددددددددددده..


صوتكم امانه خلي ولائك للكويت!!

 

[آلعناآأ]

كلام

 

[قمورهـ]

اي وحده راح تصوت لاي شخص مايستحق راح تتحاسب عنه

انا راح اصوت للي فعلا يستاهلون وفي ناس يصيرون لي نزلوا ماراح يشمون الصوت لانهم مايستحقووونه

 

[Hello_kitty]

شنسوي بعد قلتيها تخلف الناس تتطور واحنا نرجع زمن الجاهليه الأولى

 

[كويتية222]

كلام صحيح
لكن
وبنفس المكيااال قولي تخلف عن اللي تختااار بحسب طائفتها ​

اليوم ستدخلين لجنة التصويت وتأخذين الورقة من قاضي الأرض
ثم تذهبين خلف الستارة لتقفي أمام قاضي السماء! والشهود الملائكة
والقضية وطن ♥ ​

ونتمنى من العضوااات ما يدشون ويأججون الموضوع بالسب والشتم لمسمى قبيلة ويعممون لان هذا اسلوبهم هالايااام ​

 

[احساس ملكه]

كلام صحيح

لكن
وبنفس المكيااال قولي تخلف عن اللي تختااار بحسب طائفتها ​

اليوم ستدخلين لجنة التصويت وتأخذين الورقة من قاضي الأرض
ثم تذهبين خلف الستارة لتقفي أمام قاضي السماء! والشهود الملائكة
والقضية وطن ♥ ​

ونتمنى من العضوااات ما يدشون ويأججون الموضوع بالسب والشتم لمسمى قبيلة ويعممون لان هذا اسلوبهم هالايااام ​

اى والله صدقتى مو بس القبيله متهمه انا اعرف بنات ماراح تصوت الا لمذهبها من الطائفه الشيعيه نصره لهم مع انه منهم المؤزمين واهل سب شتم وبتقطع الصوت عن غيرهم

وفى بنات بدويات بس بتصوت للافضل مو مهم القبيله ولا الطائفه بيصوتون للقلاف وللحسن جوهر

انا بصوت ل 4 واحد منهم من قبيلتى لانى اشوفه الا فضل والى يستحق
والباجى باختار الافضل والقوى والامين

ويااااارب الكويت اهى الى تفوووز :yaaaaaarb:

 

[° ЯŎ7 ĥẽlώą ° ®]

لا هذي فئة قلييله الشعب واعي
انا مطيريه وبصوت لعجمي وامي بتصوت لذكرى الرشيدي
عادي كل وحده ورايها وطبعا مسلم وعبيد والوعلان وهايف مو لانهم مطران لا لانهم كفوو

 

[عادت ذكرياتي]

الله يختار الأصلح بإذن الله يااااااااااااااااااااااااااااااااااااااااااااااااااااااااارب

 

[اخت خالتهم]

الصـراحـة انا للحين مو مقيـده
لكن في 4 نواب دايما اقوول حق اهلي صوتولهم
2 من قبيلتي ولا همني انهم منها بس اهم زينين كفكر
واساسا مو موجودين بالتحالف نازلين بروحهم
+ واحد سني حضري + شيعي

لان هذول الاربع يستاهلون كفكر و مستوى
واهم

حسن جوهر
عيد الهيم
محمد الكندري
محمد الرشيد

 

[هُدوء]

والله تبين الصج !
الريياييل راح يصوتون لولد عمهم ، وعندهم المثل يقول اذ ماصوتت لولد عمك مافيك خير
اعرف شكثر عنوز راح يصوتون لعسكر مع انه يعرفون بلاويه ورشاويه لكن يقولون
مافينا خخير لو ماصوتنا له
ونفس الحجي ينطبق ع الطائفه الشيعيه عندهم البحارنه والشرازي وغيرهم

 

[bride2011]

اكثر تعصب اشوفه عند الشيعه
والتعصب بكل مكان مو بس القبيلين والبدو
حتى الحضر يتعصبون لااناس يدعون انهم اهل الكويت الاصيلين واهل السور الكلمه الي طلعها صاحب الفتنه الجويهل والفضل

 

[Om A7lam]

اكثر تعصب اشوفه عند الشيعه
والتعصب بكل مكان مو بس القبيلين والبدو
حتى الحضر يتعصبون لااناس يدعون انهم اهل الكويت الاصيلين واهل السور الكلمه الي طلعها صاحب الفتنه الجويهل والفضل

:eh_s(15):

 

[ساندريلا]

الي تقول ان اكثر تعصب عند الشيعه ليش حبيبتي اذا ماتدرين ترى الشيعه بالخامسه والرابعه يعطون قبليين مع ان في مرشحين من جماعتهم
اسمحيلي مااشوفكم انتو سويتوا نفس الشي والدليل حسن جوهر شكثر تمدحونه ووقت الصجيه كل وحده صوتت حق اهلها وكاهو الريال شكله بطيح

 

[Hi--class]

اللي يقولون الشيعه بس يصوتون لطائفتهم
حبايبي هالشي معروف

يعني مرشح شيعي وسيرته زينه الناخب الشيعي بيصوب طبيعي له
وكذلك السني يصوت للمرشح الافضل السني
القبلي يرشح من قبيلته
لي متى بنقص على روحنا و نقول هالفئه عنصريه وباجي الفئات لا؟!
يا ان نذكر الكل او نسكت

 

[هُدوء]

^^^
وانا ذكرتْ ألكل ، لان يقولج آلعرق يحن
وانا مع اني مو مطيريه صوت للمطرآن الاربع في آلدائره آلرآبعةة
ومآصوتت لحد من قبيلتي ، لان اشوف اللي صوت لهم يستحقون وبجداره
امثال مسلم وعبيد والوعلان ومحمد هآيف


,

 

[وآحشنــي زمآنـك]

والله حسااافه على جوووهر ..


أناا ماا أصوت لكن أهلي صوتوو لواحد من قبيلتي دكتوور وواعي و2 من المعـآرضه .......