شهر العسل اوروبا 2012 لقطات وذكريات

[mi corazon]

السلام عليكم

من زمان ودي اشارككم رحلتي لشهر العسل بس النساة كانت مبهذلتني والحين تفرغت وبنزل لكم شوي شوي لانه من الايباد ويغث البرنامج انزل صوره صوره ويتسكر .. وطبعا اللي بنزلهم تقريبا 15٪ من الصور لان ماشيه واجكجك المهم ...!!!

الاماكن اللي رحتلها سويسرا والنمسا

البدايه زيوريخ

فندقنا كراون بلازا لاباس فيه بس كرهته لان تلفوني البيبي ضاع عندهم

ماطوف الورد تحيرت فيه ويبت هاذا اهداء لنفسي حبيبتي

القهاوي اللي بفريجنا جدام محطة المترو

شارع الماركات نسيت اسمه بس فيه حرف الاتش .. حبيت شانيل عندهم يصفر

اهني داخل زيورخ تمشينا عند البحيره

 

[mi corazon]

شرايكم بالمنظر وراي :eh_s(16):

يم محطة القطار الرئيسية اللي تودينا للمناطق الثانيه والاوتلت

وداخلها

 

[mi corazon]

محطات علشان نروح انترلاكن

انننننترلاكن :eh_s(22):

ونكمل ان شالله باجر من انترلاكن الى الاوتلت الى النمسا وزلمسي

اذا الصور وايد قولولي اقللها ترى انا مو حاسه قتلكم لاني مصوره وااااااااايد لو احطهم كلهم يفنقروني من المنتدى عرفتوا


يالله تصبحون ع خييييير :eh_s(7):

 

[ام فهودان]

يعطيك العافيه روووعه كملي حياتي

 

[قلب الزعابي]

ماشاء الله روعه
حطي صور قد ماتقدرين ههههه لأني أبا اعرف الاماكن اللي زرتها وأي شهر وكيف الجو
كملي متابعينج

 

[الغنج والدلع]

جم كلفتج السفره

 

[بنت^كآليفورنيآ]

عليج بالعافيه لا كملي وناسااا حلويييييين صورج

 

[mi corazon]

يعطيك العافيه روووعه كملي حياتي

:eh_s(7)::eh_s(7):

ماشاء الله روعه
حطي صور قد ماتقدرين ههههه لأني أبا اعرف الاماكن اللي زرتها وأي شهر وكيف الجو
كملي متابعينج

يحياتي من عيوني

انا رحت شهر اغسطس وكان الجو روعه ربيعيواحيانا برد شوي

حبيت سويسرا اكثر وفيها رحت انترلاكن وكانت حللللللم عجيبه ومريت على اماكن وايد تمنيت لو كنا ماجرين سياره ان شالله بسويها المره اليايه عجبتني مدينة اسمها زووق عجيبه وهم الاوتلت في سالزبيرق اعتقد بس بالصيف فاضيه ماشالله الناس مخلصه كلشي

جم كلفتج السفره

اناتشريت اللي بخاطري كله .. بس لو تبين التكاليفبدون مصاريفوتبذير اتوقع تكلف 2500 تذاكر وسكن ومواصلات واكل

عليج بالعافيه لا كملي وناسااا حلويييييين صورج

يسلمو حبيبتي الحين اكمل لعيونج

 

[mi corazon]

حبيبتي الغنج والدلال ترى سافرنا بعد بين سويسرا والنمسا بالطياره هم هاذي مع التكاليف واجرنا سياره بالنمسا خمس ايام وكنا نروح اماكن سياحيه ومتحف ورحلات سياحيه

 

[mi corazon]

انكمل باسم الله

شوفو اهني الجو ربيعي نفس جونا هاليومين والناس مصيفه

اهني كنا رايحين انترلاكن وطافنا اول قطار نطرناساعة تقريبا القطار الثاني بس المكان ونيس جنه قصص هايدي .. طوفوا القطوه كانت اول تجربه انتي اخش ويهي لول

ككاو سويسري بشارع الماركات ماجربته بس صورته

هالمحل ماكو منه فرع ثاني تحسفت طوفته لان هدومهم شكلها انيقه حدهابس باوروبا يسكرون الساعه ست دياي حدهم .. بس نصيحه مروا عليه اسمه موديسا

اهني شارع بالسنتر بس كله بارات وخمارات وصوبمحلات نايك وتومي ومحلات حلوه حيل .. واخر الشارع مطعم هندي اسمه خان ماذقت نفسه لا بالكويت حتى .. عجيييب وناطع ريلي يقول ودي حتى اتريق فيه لول

هاذا مطعم خان وربيانهم اللذيذ حتى سألوا مس هارودز عنه تعرفه

اهني هاذا مطعم سريع يعني نفس مطاعمنا الهنديه .. شكله نظيف بس ريلي ماخلاني اكلمنهم لان كنت حاملوكل شي يسممني :eh_s(1):

هالمحل همن مو موجود غير هالفرع في زيورخ بس واهما يصدرون للمحلات الكبيره

ماركة انا بلوم عجيبه حزمه وجنط خذيت منهم اسواره وكد ومد ماشالله

طبعا غني عن التعريف اخيرا لمسته وكليته كله قاصين علينا اهني بسكوت

خبز البريتزل

 

[mi corazon]

هاذي مسرحيه هزليه بالسكه .. مينن خرعونا

اهني صوب البحيره الساعه ١١ الظهر المكان رومانسي جدا

في رحلة بحريه

هاذي الحديقه اللي ورا فندقنا .. عجبتني ديرفه نبيطيه كنت منحاشه وريلي نايم وقمت اتمشى

وهاذا كان سبب نحشتي .. اشتهيت كريب فرنسي وطليت من دريشة الفندق لقيته جبالها .. ماطوفته

وبعدين جمعيتهم اللي مافيها هنود انتي تشيلين اغراضج وانتي تعبينهم بالجياس وانتي توزنين الفاكهه وتلزقين السعر وتجيسينه لللوووووول وناسه بس تعب

اخ يقلبي على هالمكان .. يم السنترال صوب الكنايس واالمتاحف منتهى الرومانسيه

توا منو هالمينون؟ اخيرا تصورت يمه

هاللوحه عجبتني بس نسيت الفنان اسمه

اخيييه عالجو الضحى

ريوقنا بالفندق

وغدانا في سب وي حبيبي

هالمزيونه في شارع الماركات رايحه تقز يحلوها

ممشى مشرف

 

[mi corazon]

ي الطريق الى انترلاكن الساحره

مقابرهم يم البحر شرايكم ع قولة ريلي المهم اللي تحت شخبارهم

وصلنا

بالتلفريك لي فوووووق

وانا حضرتي متهستره من الخرعه لان هالبلكونه معلقه بالهوا وريلي الا اتصور اهني

في الاعلى استقبلتنا هالمزيونه

واهنيمواعدين الظاهر ويغنيلها احب البر والمزيون

ويعنا ونبي انتغدى

وهم اخدم نفسك

وهالصورهدزيتها للماما

والقهوه موجوده ياسلااااام

واحنا اللي رادين عقب هالقعده الحلوه

 

[mi corazon]

اتغدى واكل الحسو اللي يلوع جبديوارجع اكمل انترلاكن

 

[غآب نورك ~]

ماشاء الله رووعه يازين هالطبيعه والجو
صورج حلوه

متآبعينج :ggdw:

 

[123tootaa_q8]

وناسه عليج بالعافية والفالي اسافر

 

[نادين العتيبي]

روعه

 

[GhaiR_iLNaS]

واو واايد حلو تقريرج ماشاالله ناطرين التكملة

 

[ماما ايمان]

رووووووووووووعة الصور يارب أسافر السنة