شهر العسل وماعندي غير هاليومين ساعدوني

[روووعة التكوين]

مرحبا بنات اشحالكم ان شاءلله بخير !!

انا وريلي محتارين بشهر العسل الي بيكون من 17-12 الى 27-12
بين باريس وميلان

المشكله بعد ماحجزنا وكل شي الكل يقول من صدقكم يتسافر بهالوقت وبهالبرد
انا اسوفه وناسه تجربه حلوه وانا مسافره قبل بهالوقت

اتم على رايي ولالا

في حد سافر بهالوقت وكان وناسه جي !
ياليت تردون علي ماعندي غير هاليومين وعرسي اسبوع الياي
السموحه منكم

 

[عزاااه]

هلا وغلا توكلي على الله باريس ميلان حلوين دام مدن مو ريف روحي تدفي عدل

 

[!amorra!]

دام حجزتي خلاص روحي

باريس اتينن كل شي فيها حلووو والاكل عجيب والمناظر الطبيعيه موصج

روحي كاتدرائية نوتردام مالت احدب

والحي اللاتيني والشانز واخذي قارب على نهر السين وتمشي عند برج ايفيل

اهم شي قومي مبجر من الـ9 عشان تستمتعين بالجووو

البرد باوروبا اكثر شي بالليل يذبح بس اذا لبستي قلوفز وجاكيت وملابس دافيه ماتبردين لانه مو مثل برد الخليج اللي يدخل بالعظم :\

 

[روووعة التكوين]

مشكوراآت حبيباتي ربي ﻻيحرمني من هالآراء

 

[law love]

سسسسسسساااااااافري ما عليج من كلام الناس
حلاته السفر بالبرد اصلا يصير الجو رومانسي و اوربا احتفالات بهالوقت صج زحمه و موسم بالنسبه للاجانب بس هم وناسه تشوفين اللويه و الناس و الزينه

 

[روووعة التكوين]

مشككورة حبيبتي

 

[Meeesh]

الف مبروك والله يوفقكم
روحي واستانسي بالعكس حلو السفر بالبرد

 

[nhafez]

ماعليج من حجي الناس حتى لو برد لبسي شوي ثقيل اصلا هالوقت احلى وقت حق اوروبا لان جو الكريسماس والزينة وزحمة الناس عجيبة وحلوة ومبروك مقدما

 

[شيخة ستايل]

صباح الخيررر


موفقه حبيبتي احلى جووو ناسه عجيب الله يوفقج

وكرسمس رأس السنه عجيب


والتزيين بالشوااارع والمجمعات والإضاءة

كل شي رووووعه


والله موفقه عليكم بالعافية الله يهنيكم يأرب

 

[شيخة ستايل]

وعندك التنزيلات عجيب حق التسوووق


وأخذذي جاكيتات ودسوووس وايس كب وسكارفاات *

 

[نـعـومـه]

اذا تحبينشزق اسيا روحي

ترا صح اوربا حده برد بهالفتره اذا حيل بخاطرج اوربا روحي تدفي عدل واهم شي ان ماعندكم تحاتونهم يعني تخون انتو كبار تتحملون البرد