شهر فبراير .. شهر التحدي والرشـاقه

[yummy]

بسم الله الرحمن الرحيم

السلام عليكم .. شلونكم بنات اتمنى تكونون بصحة وعافيه

طبعا اليوم 1-2 وانا ناوية بإذن الرحمن انه اليوم اول يوم رجيم لي .. وان شاءالله ربي يضعفني ويصير جسمي رشيق

طبعا راح ابدي برجيم السوائل لمدة 10 ايام .. بتقولون ليش وشمعنى رجيم السوائل لانه بصراحه اهوا اكثر رجيم فادني وضعفني واااايد ويضعف بالشكل اكثر ..

اهوا عباره كل شي سائل تشربينه .. عصائر .. قهوه .. جاي .. شوربه .. كل شي ساااااااااااااااااائل
وطبعا ماننسى الحركه والرياضه .. انا رياضتي ان شاءالله القاري .. وصعود الدري :weight_lift:
وراح استخدم كريمات شد وحق الخطوط

كريمات الشد
1- كريم دوف

2- شور جل هم لشد البشره من دوف .. صراحه مالقيتله صوره تلقينه بالجمعيه صوب الشور جل

3-كريم نيفيا لشد البشره

4- كريم للشتققات البيضا من بودي شوب

طبعا كلهم حطيتهم بعليه بلاستك وخلطتهم مع بعض واحطهم بعد الشور .. بس لازم اسوي سنفره حق جسمي بعدين احطهم عشان اشيل الجلد الميت والكريمات تعطي مفعول اسرع

وزني 89
طولي 163
هدفي الاول 80
هدفي الثاني 75

هذا كل اللي عندي وادعولي ربي يضعفني وينشد جسمي ويصير سمبتيييييييييييييييييك واللي تبي تبدي وياي حياها الله العين اوسع لها من المكان

انا الحين بروح اسويلي عصير برتقال فررررررررشششششش :rerrerek:

مع السلامه​

 

[سـكـر زيـادة]

موفقة حبيبتي

وان شاء الله تضعفين بصحة وسلامة



بس ممكن صورة التشققات البيضا اللي من بودي شوب


لانها مو طالعة عندي :/

 

[yummy]

كاهي حبيبتي

 

[سـكـر زيـادة]

مشكورة يا قلبيييييييي


ما قصرتي


انتي جربتي هالكريمات قبل ؟؟؟؟؟؟


او تعرفين احد استخدمهم وعطت نتيجة ؟؟؟

 

[شيــوخه]

موفقه حبيبتي

بس رجيم السؤال احسه صعب اشوي بس يلا ربي يعينج ان شاءالله

بنسبه لي انا مااقدر على السؤال لانه تيني دوخه ورجفه مو طبيعيه

 

[yummy]

اي انا مجربه هالكريمات وايد فادتني مالوت الشد

اما الستريج مارك اول مره اجربه وسمعت عنه انه زين

 

[@شمس الضحى@]

موووووووووفقه ان شاء الله

 

[yummy]

هاي بنات اليوم شربت عصير موز بالحليب وحليب ككاو وشوربة عدس وعصير كوكتيل كي دي دي

وبس والحمدالله احس بشبع

وتدهنت باللوشنات

 

[ام فجور 2008]

ممكن اتليقف معاكم هههههههههه

 

[كراميلا مرة]

بالتوفيق وان شاء الله تضعفين بصحة وسلامه

 

[شيخة الغراشيب]

الله يوفقج غناتي وتضعفين وانتي
بصحه وسلامه وربي يثبتج

 

[هـدوء]

الله يوفقج إن شاء الله ...وعندي سؤال عادي اشرب مثلا ميلك شيك وكوكتيل فيه حليب وكريمه وعسل ؟؟؟؟

 

[هـدوء]

وبعد لو تسمحين عندي سؤال ثاني ...شكثر نزلتي عليه ؟؟

 

[*يارا*]

الله يوفقج إن شاء الله وتضعفين بصحه وعافيه

أنا باديه من أسبوع رجيم وايد حلو اليوم أخر يوم

أهوا مو رجيم بمعنى الكلمه أهوا تنظيف وغسل للجسم وتصحيح عادات غلط وبنفس الوقت ينزل الوزن شوي شوي عشان جذي يعتبر صحي المفروض 10 أيام بس أبي أضعف حق عرس أخر 17 فبراير ودي 5 كيلوات على الأقل عشان أفرق

حبيبتي رجييم السوائل لي تسوينه شكثر ضعفج أول مرة

ودي أبتدي معاج ونشجع بعض شرايج؟؟

 

[yummy]

حياكم الله حبايبي

ام فجوره: حياج حبيبتي المكان مكانج

هدوء: اي عادي تشربين كوكتيل وميلك شيك .. المهم كل شي يدش جسمج يكون ساااااااااااائل

يارا: صح كلامج حبيبتي اهوا ينظف الجسم ومفيد .. وبلغينا جم ضعفتي عليه ناطرينج

والصراحه انا قبل جربته اسبوع ونزلت 2 كيلو بس بالشكل بين علي اكثر .. انا الصراحه يهمني الشكل اهم شي يكون جسمي متناسق اما الكيلوات ماتهمني وايد

 

[yummy]

اي ونسيت اقولكم ترى كل يوم اسويلي مطارة جاي اعشاب

زعتر ودارسين وحبه حلوه وشاي اخضر بالنعناع والصراحه وااااااااااايد مفيده

 

[yummy]

هاااااااااااي بنات شلووووووونكم

اليوم شربت شوربة عدس وبعدين حليب ككاو والاعشاب
وتدهنت بكريماتي

ادعووووووووووليييييييييييييييييييييييييييي عفيه

 

[هـدوء]

مشكوره على الرد ....

شكلي بسويه معاج ...نزين عادي شوربه دجاج مالت المطاعم ؟؟؟يكون فيها الدجاج منتف؟؟؟؟

 

[login]

هااااي انا داشه متاخره بس بشارك معاج ممكن

بس انا رجيم مع دكتور وباجر ببدا في اول يوم

 

[سآق نملة]

موفقه حبيبتي ,,,,