شودي للياهل وانا رايحه اولد!!! والقيصريه يفحصون فيها بعد؟

[Lady-_-fushia]

السلااااااااااام عليكم
شلونكم كروشات
سوووووووووووووووووووري بس راح ااذيكم بالاسئله هاليومين
لان باقي اقل من 20 يوم على ولادتي و قلبي بيوقف من المحاتاة
مو قادره لا انام مثل الناس ولا شي
وبس احس اني ناسيه شي

الحين اول سؤال : شنو اودي حق البيبي وياي؟؟؟؟؟ يعني شنو الاغراض اللي لازم اخذها له؟!
هدوم البيبي اللي شاريتهم يديده لازم اغسلهم ؟ يعني بيسون حساسيه اذا لبسوهم البيبي ومو مغسلتهم بس اهما يدد؟

السؤال الثاني مادري الثالث: الحين الكل يتكلم عن الفحص والفحص
يفحصون حق القيصريه بعد؟؟ شلون تبلش الولاده القيصريه يعني شنو الخطوات! انا بجريه مادري شسالفه .... ماقصد العمليه نفسها اقصد يعني قبل العمليه شنو يسوون عشان بس ماكو حدي ضايعه بالطوشه!!؟


واي بنات ادعولي والله خايفه وايد واااااااااااايد :"(

 

[om MaRyooM]

الله يهون عليج

عادي سهالات لاتحاتين

اذا رايحة ومقرر الدكتور من قبل انج عملية طبعا مارح يفصحج ..

واول شي رح يسوولج تحليل دم ويلبسونج لبس الميانين لوول .. ويسدحونج عالسرير
ويعقمون بطنج بالدوا الاصفر
وبعدين ينقلونج لغرفة العمليات .. عادي انتي تشهدي <<<لوووول قاعدة اتقشمر
وحزتها بيي دكتور التخدير ويبنجج

وتقومين انشالله بتلاقين نفسج بغرفتج ويمج البيبي






وبالنسبة لهدوم البيبي
اي غسليهم افضل .. والاحسن لو تغسلينهم بتايد اليهال الوردي اللي اسمه فليتي
واخذي 4 اطقم كاملة ... او 5 لأنج قيصري وبتقعدين اطول
يعني كل طقم اخذي معاه كبوسه ومهاده وجذي

وسلامتج

 

[Lady-_-fushia]

om maryoom
الله يهون علي وعليج ياربي
انا موعدي الياي للدكتوره بنحدد موعد القيصريه ان شاء الله
فان شاء الله خير بس حدي متوتره ومادري شسوي وشخلي
احس اني حايسه وايد
وكل شوي انسى شي واحط لسته و ارد اسوي ثانيه

 

[April 29]

انا مع ام مريوم
والله يسهل عليج

 

[توحه1]

ان شاء الله تروحين موعدج الياي ويقول ماتحتاجين عمليه وتولدين طبيعي قولي امين

 

[شقرا كويتيه]

ان شاءالله ماتحتاجين قيصري ان شاءالله تولدين طبيعي يارب والله يسهل عليج ياقلبي

 

[FuSheYa]

الله يسهل عليج يارب
ان شاءالله طبيعي

هدووم البيبي لاازم تغسلينهم
اكو صابون البيبي اللي لونه وردي وعليه صوره بيبي عيونه زرق

غسلي الهدوم واكويهم حتى الاندروير كلللللله

وحاولي تقسمين الهدوم
كل طقم مع المهاد والكبوس والصدريه والاندروير وكل واحد حطيه بجيس نايلون

انا هذا اللي سويته
جيس النايلوم خذيته من بياع الورد يهبل راهي وفيه اللزاق منه وفيه

اريحلج لما بتعطين النيرسز الهدوم بدون لويه

انا رفيجتي علمتني هالطريقه يزاها الله خير
والا انا مادري شالسالفه نفسج ههههههه

 

[ساشا]

ان شاء الله تولدين طبيعي

بعدين اذا قيصرية يحتاج على الاقل 7 اطقم

لان باليوم الواحد يغيرون له اكثر من مرة

لمن يرجع والا يدمر نفسه من تحت ويطلع ساعات يدمر الفنيلة

فخليهم احتياط كل ماطلبت عطيها وترد لج الوصخين

 

[-_-Designer-_-]

الحين اول سؤال : شنو اودي حق البيبي وياي؟؟؟؟؟ يعني شنو الاغراض اللي لازم اخذها له؟!
اخذي له 7 تبديلات الي يكون جمهم طويل و مغطي الريول مع المهادات مع الكبوس عشان يدفى و 7 لبس داخلي الي كون حفر و طباقي , مع الدس حق ايده عشان ما يشمخ ويهه وقت النوم و احتياط حطي له جم حفاظه

هدوم البيبي اللي شاريتهم يديده لازم اغسلهم ؟ يعني بيسون حساسيه اذا لبسوهم البيبي ومو مغسلتهم بس اهما يدد؟
اي غسليهم بس بصابون خاص لملابس البيبيات عشان ما يصير فيه حساسية

السؤال الثاني مادري الثالث: الحين الكل يتكلم عن الفحص والفحص
يفحصون حق القيصريه بعد؟؟ شلون تبلش الولاده القيصريه يعني شنو الخطوات! انا بجريه مادري شسالفه .... ماقصد العمليه نفسها اقصد يعني قبل العمليه شنو يسوون عشان بس ماكو حدي ضايعه بالطوشه!!؟
انا بعد بجر بس ما اعتقد يفحصون حق القيصريه , وعموما لو بيفحصونج لا تخافين انا شكثر قريت عن ان الفحص يذبح ومادري شنو والي تبي كمام و ابرة , والله قبل جم يوم كنت رايحه للدكتورة قالت بتفحص وانا كنت حدي خايفة و ارجف وحالتي حاله آخر شي ما خذة دقيقه حتى و نصيحتي اذا بيفحصونج شفطي اكسجين الغرفه كله و لا تتشنجين وتشدين جذي يعورج يعني خلج ريلاكس



واي بنات ادعولي والله خايفه وايد واااااااااااايد :"(

الله يسهل علييج يا رب و تولدين بالسلامه وتفرحين بشوفه البيبي بصحة وعافيه , ولا تخافين انشالله سهالات انتي بس فكري ان واخيرا بتشيلين هالثقل و تشوفين البيبي والله شعور ولا اروع :eh_s(7):

.................................................

انشالله اكون فدتج

 

[Lady-_-fushia]

بعد عمري بنات والله
يعطيكم الف الف عافيه عالدعوات الحلوة والردود على اسالتي

بس انا لازم قيصريه لاسباب شخصيه بس حمدلله على كل حال

كل شي فيه خيره من الله

الله يهون عليكم ياربي وتولدون بالسلامه و سهالات من رب العالمين

 

[صريحة جدا جدا]

البنات كفوا ووفوا والله يقومج بالسلامة

 

[@ام يوسف@]

الله يهون عليج وتولدين بالسلامه