شوربة الملفوف .. مفعولها سحر لانقاص الوزن .. (جربتيها؟؟!!)

[لون المطر]

باختصار بنات في دكتور طلع بالتلفزيون ومدحها وشكثر اتصالات من حريم يشكرونه عليها وانها نزلت وزنهم حييييييل


وطريقتها سهله بس لازم تنشرب باليوم اكثر من مرة


وتاكلين معاها فواكه لانها تحرق بشكل فضيع


وناسه صراحه انا ببلش فيها بس ابي اعرف تجاربكم


اللي جربتها تقولنا النتايج؟؟؟؟؟؟؟






وشكرا

 

[لون المطر]

طريقتها:

1ملفوف

4بصلات(يفضل البصل الاخضر)

نصف كيلو طماطم

4حبات فلفل اخضضر

باقة صغيرة كرفس

ملح +فلفل اسود

طريقة التحضير
يقطع الملفوف وتضاف اليه العناصر الاخرى ويوضع في طنجرة للطهو ثم تغطي الخضار بالماء تقريبا لتر من الماء +ملح و فلفل اسود و تضعيه على النار لمدة نصف ساعة ووبعدين يخلط بالخلاط الكهربائي


لما تبرد تحطينها بالثلاجه وكا مابغيتي طلعي شوي وسخنيه

 

[شيخة الغراشيب]

انا جربيتها وطعمه فضيع بصراحه كنت اشربه بالغصب
ولين كنت اراجع عند الدكتور قلت له عنها قالي جذب
هم يوهمونكم انكم تكثرون منها عشان تزلون صح ؟؟ قلت له ايه
قال لا عشان تشبعون ومايخصها وانا جربت رجيمها ونزلت مندونها 3ونص
يعني عادي نستغنى عنها

 

[لون المطر]

والله صج!! انا اقول مكوناتها مافيها شي يضعف

انزين تسد الشهيه؟؟؟ لان شهيتي مفتوحه على مصراعيها مع الرجيم:eh_s(22):


تسلمين حبوبه

 

[شيخة الغراشيب]

هلا غناتي
لا حبيبتي ماتسد الشهيه ابد مايخصها اسمعي غناتي قصي على جسمج وخليج ذكيه من
يعتي اشربي لج قهوه او نسكافيه هذا اللي يسد الشهيه ولو تشربين النسكافيه على الريوق
صدقيني بيسد شهيتج لو تريدين تاكلين كلي لج فاكهه او خياره وكثري من الماء لانه احس
يشبع حاولي تشربين اكثر من لترييين باليوم يعني الصبح لتر ونص والظهر لتر والعصر لتر
وعلى المغرب نفس الشي صدقيني بتشبعين مندون شي لانه الماي بيملي معدتج

 

[لون المطر]

مشكوره حبيبتي

الله يجزيج خير

 

[وتمضي السنين]

هلا حبيبتي لون المطر الصراحه انا مجربته مع الرجيم والله اول ما تحسين دوخه واصفرار بالوجه وسويته انا ثلاث ايام وما قدرت ولا هو يضعف بس يضعف الصحه بعد انصحج ما تسوينه والله قاسي مره سوي رجيم معتدل ودخلي الشوربه كذا ممكن
بالتوفيق حياتي

 

[زوجة جوجي]

انا جربته بالصيف
نزلت كيلوين بأسبوع
وبالعكس ترى الشوربة لذيذه حطي فوقها ليمون وفلفل اسود طعمها حلو

 

[توأم حبيبي]

هلا حبيبتي انا جربتها اسبوع ومعها كرفس طعمها وااااااااااااااااااااي بس اخذ ليمون معها يضيع طعمها واكثر فلفل حااااااااااااااااااار يضيعها
مع رجيمها في اسبوع نزلت 5 كيلو وخليتها نفسيتي منها زفت

 

[انا كويتية]

شوفي احنا مجموعة سويناها مع بعض بنفس الوقت لاحظنا اللي اوزانهم وايد كبيرة نزلوا تقريبا 4 كيلو باسبوع وانا واللي مثلي اللي محتاجين كيلوين و3 بس نزلت كيلو نص

 

[صلاتي-حياتي]

سمعت عنها شكثر بس ماجربتها

 

[ابرار القحطاني]

مب الملفوف ينفخ البطن اقصد غااازات

صح ؟؟

 

[عرموشة]

انا سمعت واجد انها تنزل

 

[anjelena]

مشكورة حبيبتي ما تقصرين

 

[مشاعر أمرأه]

انا ماجربتها بس سمعت انها تنزل وايد