شوركم ورايكم والله العظيم يهمني

[قطعة حلا]

السلام عليكم





مرحبا بنات...كيفكم ياحلوات..الموهيم انا اليوم ابي اسمع رايكم:friends: لان رايكم يهمني وان شالله القى حل..

انا ياحلوات داخله بجمعيه وبدايه هالشهر راح استلمها وهي 1300 دينار...بصراحه ودي استفيد منها بس مو عارفه شلون..

ابي رايكم وتخطيطاتكم..ودي ادخل فيها بمشروع يدر علي بمدخول حلو..:eh_s(15)::eh_s(15):

والمشكله الثانيه اني اعاني من عدم الادخار..خاصه انه معاشي 447 دينار من الشؤون..وعيالي معاشهم 340 طبعا وياهم الخدامه..يعني المجموع كله 787 بس مو عارفه ادخر منها شيء خاصه ان حسابي بروح وعيالي بروح..اتمنى القى عندكم حل وتشورون علي بالراي السدييد..تراني ناطرتكم لحد بدش ويطنشني..:bye22:​

 

[منيرة خالد]

الله يوفقج ، ويوسع عليج رزقج ، ويبارك لج بعيالج ومالج

أختي

المشاريع كثيرة بس انتي وين تلقين نفسج فيه أي مشروع ؟؟؟ هذا اهو السؤال !!

يعني إنتي قاعده بالبيت ما تشتغلين ............. اوكي


معارفج وصديقاتج كثار او قليلين ؟؟؟



بعطيج ثلاث مشاريع واللي بعدي ان شاء الله عندهم افكار تفيدج اكثر

المشروع : أكثر شي يمشي بالديرة الطبخ ............ تعرفين تطبخين ؟؟ أو على الأقل تقدرين تيبين طباخه ثقه ومنها تبدين مشروعج ؟؟


المشروع الثاني : البضايع تقدرين تسافرين ؟؟ عندج دبي والخبر فيها بضايع تمشي بين صديقاتج معارفج !!


المشروع الثالث : تقدرين تحطين سايق وسيارة وتأجرينهم على صديقاتج ومعارفج اللي ما عندهم سواق يودونهم السوق او دواماتهم


وان شاء الله البنات اللي بعدي يقترحون عليج مشاريع ثانيه


(( بالنسبة للادخار انتي قدرتي تدخلين جميعة وتجمعين منها هالمبلغ اذا خايفه من المشاريع حطيه بحساب توفير وادخلي جمعية ثانية وكل ما خلصت جمعية ادخلي بعدها وبهالطريقه يكون عندج رأس مال ))

وبالتوفيق

 

[بنت الاحلام]

والله شوفي انا احس دام ما عندج خبره بالتجاره خشيهم بالبنك وديعه حق الزمن احسن


اخاف تقطين الفلوس بشي

وتخسرين

 

[كويتيه وافتخر]

الله يرزقج انا ودي بعد

فصلت نفنوف ابيض عند مشغل خاص

ونزلت اعلان بالجريده تاجير فستان زفاف والله يستر ان شاء الله يتصلون ويمشي

لان ببالي اسوي نفانيف عرايس بس ابي ابدا فستان اول واشوف النتيجه مشى الحمدلله اكمل مامشى الله يعين

 

[قطعة حلا]

الله يوفقج ، ويوسع عليج رزقج ، ويبارك لج بعيالج ومالج

أختي

المشاريع كثيرة بس انتي وين تلقين نفسج فيه أي مشروع ؟؟؟ هذا اهو السؤال !!

يعني إنتي قاعده بالبيت ما تشتغلين ............. اوكي


معارفج وصديقاتج كثار او قليلين ؟؟؟



بعطيج ثلاث مشاريع واللي بعدي ان شاء الله عندهم افكار تفيدج اكثر

المشروع : أكثر شي يمشي بالديرة الطبخ ............ تعرفين تطبخين ؟؟ أو على الأقل تقدرين تيبين طباخه ثقه ومنها تبدين مشروعج ؟؟


المشروع الثاني : البضايع تقدرين تسافرين ؟؟ عندج دبي والخبر فيها بضايع تمشي بين صديقاتج معارفج !!


المشروع الثالث : تقدرين تحطين سايق وسيارة وتأجرينهم على صديقاتج ومعارفج اللي ما عندهم سواق يودونهم السوق او دواماتهم


وان شاء الله البنات اللي بعدي يقترحون عليج مشاريع ثانيه


(( بالنسبة للادخار انتي قدرتي تدخلين جميعة وتجمعين منها هالمبلغ اذا خايفه من المشاريع حطيه بحساب توفير وادخلي جمعية ثانية وكل ما خلصت جمعية ادخلي بعدها وبهالطريقه يكون عندج رأس مال ))

وبالتوفيق

هلا والله..بصراحه انا معارفي قليل ومااشتغل..وكل افكارج حلوه واول فكره اللي فكرتها الطبخ بس صعبه شوي وبعدين فكرت بسايق وسياره وهي اللي بصراحه داخله مزاجي بس علميني شنو اشتري سياره ابيج تعلميني اذا عندج خبره بالهموضوع لان احس عندج خبره..ومشكوره ياقلبي وناطره ردج علي..:eh_s(9):

 

[قطعة حلا]

بنت الاحلاااام محد طلع من بطن امه متعلم...وكل هالتجار ترى طاحوا ثم قاموا..ومشكوره على ردج وفكره الوديعه حلوه جاري التنفيذ..

كويتيه وافتخر..فكرتج حلوه والله يوفقج ياعمري..وشاكره مرورج

 

[& مــشــايــخ &]

الحين اللي ماشي المشاغل

سوي لج مشغل

وربي يوفقج

 

[نور كوليكشن]

اذا كلش ما عندج خبرة بشي
اللي تسوينه:
1 حطي الفلوس وديعه سنويه في بنك التمويل وكل سنه سوي جمعية وزيديهم
2 في ببنك بوبيان حساب استثماري تقدرين تضيفين فلوس له بكل وقت يعني اهو حساب عادي بس عليه فوائد شهريه ينزلونها بحسابج وكل ما كبر المبلغ كل ما زادت الفوايد والبطاقه كسريها سوي فيها اي شي عشان ما تسحبين منها وكل مره سوي جمعيه وحطيها بحسابج

والله يوفقج

 

[قطعة حلا]

مشايخ مشكوره على فكرتج بس اختي جربت وفشلت وهو يبيله فراره بالسوق وقص خااام وحوسه...نور شكلي بسوي وديعه بس انا ابي لي مدخول شهري يعني استفيد...من هالجمعيه مو احطها واخليها..
وينكم بناااااااات وين مشاريعكم..الحلووووووووووه