شوروا علي شسوي ؟

[( درّه )]

مساكم ورد خواتي
مساكم هدوء وراحه


تقبل ربي مني ومنكم صالح الاعمال
ابيكم توقفون معاي وتشاطروني التفكير
خواتي
احنا عايله عوده ربي يبارك
وعيشتنا ملمومه ومستوره محمودا مشكورا ربي سبحانه
لكن هالفتره نمر بظروف مايعلم فيها الا رب العالمين
ومانبي منة فلان وعلان دامنا بصحتنا وعافيتنا
حابه احط ايدي وابدي بمشروع وبراس مال صغيرون يعني على قدي وقد خواتي
عندي عمي ومرته دوووم بماليزيا وقالي عمي اذا تبين اييب لج بضاعه بس انا استحيي
وهم يروح تايلند يروح الصين يقولي هابين بنات الكويت بهالبضايع
كوني انا طالبه توني وخواتي بعد
وابوي على الله وعلى هالمعاش اللي مايكفي يعبي الثلاجه حمدلله احسن من غيرنا
ابي افكاركم لتطوير وتحسين حالتنا
تهقون سالفة البضاعه الشوويه واعرضها على النت تنفع ؟؟
حرام اخذ من ابوي قرشين واخر شي تظل بجبدي الاغراض
ولا عندكم افكار ثانيه
بعدين بسالكم هالشغله عاديه ؟؟ ولا عيب؟؟ يعني الناس تقوم تحجي وجذي !!!!!
فيدوني وساعدوني ترى صج صج تعبانين
ماندري نصبح باجر شبيصير معانا ؟؟
وشخاشه لنا الايام والليالي ؟؟

وعساكم ماتذوقون يوم مر يحياتكم

 

[سابقه جيلها]

الله يرزقك حبيبتي بس اذا كنتي شاطره في التجاره جربي واستغفري وان شاءالله سهالات

 

[white**angel]

لا الشغله مو عيب بالعكس حلوه ووايد من بنات الكويت هابين فيها انا اقول استخيري واتوكلي على الله

 

[supermarket]

الله يوفقج

ويرزقج الرزق الحلال

 

[طويلة البال]

اول شيء استخيري يا قلبي..

وثاني شيء اقري هالموضوع ..باذن الله بيفيدج

http://www.islamdoor.com/k/mafeteeh.htm

 

[$$ صعبة الوصوف $$]

الله يفرجها عليكم ويرزقكم الرزق الحــلال ...

دآم بتدشين التجــآآره وبذمه ضمير مافيها عيب ..

وماعليج من كلام الناس وتوكلي على الله

موفقه قلبي

 

[( درّه )]

تسلمون ياقلبي عالدعاوي..... بس انا ابي افكار
شوروا علي شسوي ؟؟

 

[مس دندون]

ليش ما يشتري ابوج اسهــمـ بشركه معروفه مو اي شركه
لان في شركات نصابين تاخذ افلوس الاوادم وتنحاش

والله يرزقج ياقلبي
وويوفقج ان شاء الله​

 

[( درّه )]

قصدج بزين يعني ؟؟؟؟

تسلمين ع الدعوه يا قلبي ماقصرتي



:aha:

 

[غزلان]

ربي يوفقج
الشغل مو عيب
جربي وان شالله تسهل

 

[alsooor]

موفقه حبيبتي ان شاء الله :aha:

 

[( درّه )]

بعد عمري دعاويكم تردها الملائكه ماقصرتوا

 

[a7la tooota]

الله يوفقج حبيبتي ويسهلها عليج وعلى كل انسان فيه ضيقه ,,

قولي آمين ,,

 

[Little_Queen]

مافيها شي حبيبتي عادي خل عمج اييبلج بضاعه و زين الي معاه مرته يعني بتعرف حق شغلات الحريم .


أكبرها و أسمنها قاعدين ييبون بضايع و يبيعون مافيها شي حبيبتي

و ممكن هم بعد تشوفين انتي و خواتج تفكرون .. فيكم وحده تحب الاشغال اليدوية ؟ تسوون شغل توزيعات و هدايا صغيرونه مثلا ؟ تغليفات هدايا ... او ترسمون عالشيلات و القمصان رسم راقي و حلو هم بعد يمشي .. و المعارض يا حبيبتي ترس الكويت و خصوصا هالايام كل الناس تبي تزهب حق العيد ... راس المال الصغيرون الي عندكم استثمروه في ملافع مرتبه و الوان قماش و رسمو ...


شغل الاكسسوارات عموما وايد هابين فيه و مطلوب ...


و صدقيني يا قلبي اذا تميتي مستحية و خجلانه ما رح تعرفين تواصلين حياتج أبد !


قطي عنج الخوف و الحيا و تجرأي و سوي كل الي خاطرج فيه ...طالما لاهو عيب ولا هو حرام ... و اذا يتني بعد أفكار بكتبلج

 

[روزالكويت]

ربي يفرج عليكم كربتكم يارب وجميع المسلمين والمسلمات
اختى الزمو الاستغفار ((استغفروا ربكم انه كان غفارا يرسل السماء عليكم مدرارويمددكم بأموال وبنين ويجعل لكم جنات ويجعل لكم انهارا))


(من لزم الاستغفار جعل الله له من كل هم فرجا ومن كل ضيق مخرجا ويرزقه من حيث لايحتسب )

ربي يفرجها عليكم وكل مسلم اشتدي يا ازمه تنفرجي باذن الله,,

 

[احبك-مووت]

مشرووع حلوو بس لازم تشووفين الاشيااء المااشيه هالايام وتوصين عمج ايبها لج يعني لا ايب بضااعه اي شي لازم يكون عنده خبره وذوق..
ولاتخافين حبيبتي الشغل مو عيب عشان الناس تتكلم بالعكس هاذي تجاره والتجاره شطاره ومشروع صغير بيكبر مع الاياام والناس اذا شافت بضاعتج حلوه بالعكس راح تتكلم بذوقج الحلوو الله يسهل عليكم ان شاء الله وانتي اخذي الشغله على انها هوايه واستمتعي فيها
وانا اقولج يمكن بضاعه الجنط والساعات اهيا الي تمشي اكثر شي ..

 

[دراهــم]

الله يرزقج إن شاء الله الرزق الحلال

بخصوص البضاعة

أول شي احصري عدد معارفج وقرايبج وجيرانج حتى لو وياج يبالدوام .. ولا تكثرين من البضاعة

إذا شفتيها مشت .. كرري العملية

وموفقة يا رب

 

[NoWay2know]

الله يسهل اموركم ويرزقكم

 

[روح الدنيا]

سوي اللي قالو عليه البنات بس لحظة عمج و مرته هذول ثقة؟؟؟؟؟؟؟؟؟؟؟؟
انا اقول استخيري

 

[الدم البنفسجي]

اول شي استخير وبعدين جيبي شي بسيط واذا شفتي اقبال كبيرها شوي
الرسول صلى الله عليه وسلم كان راعي غنم


موفقه اختى