شوروا علي شسوي مع زوجي؟؟

[هيومة فهد]

السلام عليكم عزيزاتي.انا دخلت بنك زميلتي لأني الصراحة محتارة من زوجي. لي مدة حاسة إن زوجي له علاقة او بمعنى ثاني عنده اتصالات سواء الموبايل او الواتس أب (( الأيفون)) وكنت دايما أكذب روحي بس اليوم بالصدفة أخذت منه الجهاز بشوف الصور وهو موجود يمي جان اشوف صورة مخجلة الصراحة لوحدة مصورة ( الجزء الأعلى من جسمها) مادري اشصار فيني . و سألته :مني هذي ؟ جان يقول لأ هذي صورة دازينها لي الربع بالواتس اب.والله كانت عينه بعيني وانا اكلمه .أحس انه نصي مصدقته و النص الثاني مكذبته.تعوذت من ابليس و سكت بس بين اني متضايقة و هو يحاول يسوي روحه طبيعي ويكلمني .مع انه قبله كان فيه بيني و بينه touch .وقبل مدة شفت بلابتوبه صورة بنت مصورة روحها شي بهدومها و صورة لها فقط للجزء الخلفي عاري وللعلم انا ما تحجيت و كله اقول اكيد نزوة و تعدي . وللعلم زوجي تراه بأواخر الأربعين.تصدقون بنات أنا أحس نفسي راكدة وما ودي أسوي شوشرة على روحي بس قلت مالي غيركم .أحيانا يكون الحل جدام الإنسان بس يكون غافل عنه.حبيت أستشيركم و ما خاب من إستشار.تسلمون حبايبي.

 

[ليه خليتني أحبك]

رد : شوروا علي شسوي مع زوجي؟؟

الله يهديه ان شاالله بس هذا مو معناتها خيااانه

تعرفين بالتلفونات والابتوبات فيها نفس قروووب يطروشون لبعضهم صوورة وافلام واخبار وكل شي

يمكن احد من ربعه مرسله هالصوورة

ولو عنده خيانه كان ماعطاج التلفووون ولا خلاج تلمسين اللاب توب لانه اللي يسوي الغلط تلقينه خايف من انه ينصااد يحط ارقام سريه


الله يهديكم لبعض ان شاءلله

وانتي انصحيه بان يترك هالسوالف والصور الخايسه وانه كبر على هالاشياء

 

[فوفو22]

رد : شوروا علي شسوي مع زوجي؟؟

الله يغربل هالتكنولوجيا

اللي كل ما تطورت زاد الانحراف بعيالنا

حبيبتي

اولا: زين سويتي فضفضتي شوي واستشرتي البنات

ثانيا :لج ولغيرج من البنات .....لا تزعلون ولا تتضايقون ولا تخربون حياتكم على

(صوره -مسج -رقم )

ثالثا :ترى الواتس اب نزوه بصرااحه اشوف نفسي 8 شهور وانا عيني متعلقة على الشاشه جني مراهقه

ولله الحمد خفيت بنسبة 70% حاليا

رابعا :ثقي انه زوجج واثق من نفسه اشلون ؟؟؟؟

اول صفة بالكذاب .....انه لما يكذب ما يحط عينه بعين السائل....وهذا عكس زوجج التفت صوبج وجاوبج على السؤال بثقة

خامسا:زيدي جرعه الاهتمام والعنايه بزوجج اكثر خاصة انه بعمر مراهقة متأخره

فوفو

 

[G!RLooNa]

مادري حتى لو مو صج خيانه شلون ترضين تشوفين بنات مفاصيخ بفونه ولابه يعني اهوا لو يشوف ريال شبه مفصخ عندج و قلتيله القروب ولا رفيجتي دازينه بيرضى !!

 

[قـہۈه فـرنسيـہ™]

دآآم شفتي هالشي ... بعيووونج ...لا تسكتين ولا تكبرينها بس نقديه على عمررره ..

قولي له شخليت للمرآآآهقين ترآآ عمرك واصل ال50 ...


زفيه شوي خل يصحآآ

 

[نـعـومـه]

رد : شوروا علي شسوي مع زوجي؟؟

بصراحه شي ماينسكت عنه

اقل شي تسوينه تزعلين عليه وماتكلمين يومين ثلاث ويحمد ربه لو هذا عقابه بس

 

[dand000n]

رد : شوروا علي شسوي مع زوجي؟؟

لا تخربين بيتج عشان صوره ترى ماتسوي وادعي الله يهديه

 

[عين السيح]

الله يعينك ان شاءالله
شتبين تسوين بعد
قالك انه واحد دازه له
تبين تسكتين
بس ناقشيه وقوليله هالحركات
مو حلوه و مو قد عمره
شخلى للمراهقين

والله يبعد عنا بنات ابليس
ويعقل ازواجنا ويهديهم

مالج الا الدعاء

 

[BraZiLeya]

رد : شوروا علي شسوي مع زوجي؟؟

اكيد مالج الا الدعاء .. بس لازم تبذلين الاسباب عشان يتغير .. قوليله انا الصراحه ما هقيتها منك انت بو عيالي ووانت قدوه حقهم واخرتها اشوف عندك هالصور وانت بهالعمر مو مراهق يعني عشان احطلك سبب شخليت حق عيالك .. الله بيحاسبك على كل نظره شفت فيها هالبنات اللي مو متربين لا تنسى عندك بنات ومره وخوات كما تدين تدان.. خيبت املي فيك وماهقيتها منك .. وتضايقي وزعلي بس وبعدهااا عامليه عادي بدون كلام حلو كلميه بأسلووب بارد حيل ولا مبالاة وخلج طبيعيه وستانسي وسوي كل اللي تبيه بس لا تعطينه اهميه واهوا موجود الا اذا كلمج ردي عليه ابرود وهدوء لما يتحسف ويقولج اسف وما اعيدها.. خليه يتفشل من نفسه بس لا تعصبين وتصرخين كلميه بهدوء وبحده نفس الوقت

 

[سوسن1980]

رد : شوروا علي شسوي مع زوجي؟؟

حاولي تنصحينه وتقولين انك تتضايقين من هالصور وان شاءالله يتفهم الوضع

 

[الباحثه]

انا مع راي البنات اللي قالو لج نغزي عليه بالحجي خليه يستحي من نفسه وذكريه ان لا عمره ولا مركزه يسمح له يشوف هالسوالف
قولي له تدري يا بو فلان ان العين تزني من مجرد النظر لعورات الناس ...........
تدري يا ابو فلان ان اللي يسمح لنفسه يشوف عورات غير المحارم ربي يسلط عليه احد يكشف عورات محارمه الله يستر علينا
وكثري دعاء جدامه اللهم اغنني بحلالك عن حرامك واعوذ بالله من غضب الله اللهم استرنا فوق الارض وتحت الارض ويوم العرض
حبيبتي ذكريه ان وراه حساب وعقاب ومابقي بالعمر كثر ما مضى بس بطريقه ما تستفزه يعني خليج واعضه بس بالوقت المناسب

الله يهديه ويسخره لج[/center​

]​

 

[برد ابو الذهب]

لاحول الله

 

[الأميرة جوري]

رد : شوروا علي شسوي مع زوجي؟؟

انا مع فوفو فعلا الجذاب اصلا يتلفت يمين ويسار من الخرعه والجذب اعتقد زوجج انسان عاقل ومايمهونه هالبنات بس يمكن صدفه او ربعه يدزون له اهو يجامل

 

[LOLETA]

عاتبيه



عتاب خفيف


واسالي الله انه يهديه


اهو بالاربعين

يعني موصغيرررر



ولاتكدرين عمرج اهوا نفسه رح يمل من هالسوالف


بس المشكلة بالذنوووووووووووووب من ورا هالصور

 

[لهفة المشتاقه]

الله يهديه يارب

 

[لولو سيتي]

الله يهديه ويسخره لج
امين

 

[شقرديـه عالطل]

البنات ماقصروا
وكلام فوفو عين العقل

 

[@البتووول@]

رد : شوروا علي شسوي مع زوجي؟؟

أنا سمعت إن العمر مابين ال35 وال45 خطر جدا

يرجع فيها الريال ألعن من المراهق بس مو طول هالعشر سنين لأ يمكن 3 أو 4 سنوات بس تختلف من ريال لي الثاني بعضهم بآخر ال30 والبعض الآخر بأول ال40

المختصر المفيد إن الزوج هو الطفل الذي لايكبر أبدا

وبهالفتره دلعيه بزود وتدلعي عليه ولاتخلين شي بخاطره مو يعني خلاص كبرنا لأ ديري بالج حبي والله يستر على رياييلنا ويعدون مرحلة المراهقه المتأخره بسلام

 

[حبيبه بدر]

ادعي له بالهدايه

وقربيه لربه دايم ذكريته

وانصحيه انه هالصور حتى لو ما يشوفها لو اي احد يشوفها بجهازه بياخذ ذنبه او يرسلها لاحد ياخذ ذنبه وذنب كل واحد يشوف الصور