شوفوا شسويت حق ولدي لما صار أخيرااا (( star the week )) حياكم الله

[مبرقعة coool]

مرحبا خواتي ... شلونكم
الأسبوع هذا أختاروا ولدي (( نجم الأسبوع ))​

طبعا من زمان حابة أسوي له أي شي يتعلق بسبونج بوب لأنه يحبه حيل
بدش على طول بالموضوع ... ​

أولا : سويت له بنر فيه صورته أول يوم انولد بعدين صورته حاليا وصورة وهو مغتر عشتوااا:eh_s(15):​

ثانيا : سويت له كب كيك عدد 30 حبة على سبونج بوب (( حسافة ما صورته من الربكه هههه))​

ثالثا : رحت سرداب الشايع فيه محل كل أغراض سبونج بوب عنده ​

والحين مع صور توزيعاته على ربعه بالصف ​

​

​

طبعا داخل كل جيس دفتر تلوين - ستيكرز - صابون - عصاية أم ليتات - قلم حبر - سي دي آنا مسويته
عبارة عن أناشيد طيور الجنه وكراميش من غير موسيقى ...

أهم شي بالموضوع فرحته أهو وعيال صفه وسلامتكم :eh_s(8)::eh_s(8)::eh_s(8):​

***​

 

[الأميرة جوري]

ماشاء الله الله يخليه لج...

 

[مبرقعة coool]

مشكورة كلج ذووووق​

 

[عذوب@]

ماشاءالله شغلج واااايد من وين خذتيهم لان فكرتج حلوه بسويها لبنتي حق تخرجها وبسوها لصفها وشخصية سبونج بوب بناتي ولادي

 

[بدورة القمورة]

ماشاءالله الله يخلي لج يااااااااارب

و تشوفينه دكتوووووور ان شاءالله

 

[مبرقعة coool]

مشكورة حبيبتي .... روحي سرداب الشايع أكو محل متخصص أغراض سبونج بوب وراح تحتارين شنو تاخذين

شنو تخلين وكله بالجملة وأسعاره حلوة يعني مو غالي ولا رخيص

 

[الغاليه امي]

عسى الله يفرحج بتخرجه من الجامعه وتشوفينه معرس

 

[مبرقعة coool]

يسلموووو حبايبي ... وعسى ربي يخلي لكم عيالكم وحبايبكم .... أأأأأأأأأأأأمين

 

[ام كوشه منكووشه]

ماشاءالله شغلج واايد حلووو

الله يخليه لج ويحفظه

وعقبال ماتحطين توزيعاات تخرجه من الجامعه ياارب

 

[ام خالد 78]

ماشاءالله

 

[خوختي دنيتي]

خوووش فكرة يعطيج العافيه والله يفرحج فيه

 

[جود كويتيه]

الله يبلغج فيه0

 

[أحبك أمي]

ماشاءالله
شغلك حلو
ربي يخليه لك

 

[رُۈحَ ۈ رْيحَآن]

روووووووووووووعه الله يهنيه بهالام والله

 

[ميشووو]

ماشا الله


الله يخليج له يارب


وتشوفينه دكتور قد الدنيا يارب

 

[om.aboodi]

امبيه بنات اذا ولدي حطوه نجم الاسبوع لازم اسويله شي صج ماختاروه الامرة بطول السنه ههههههههههههههه ولاعقب مارحنا وتحلطت منا تنعاد الصور ولامرة حطوه واشوه حطوه مرة بس ماسويت شي؟ وساعات اشوف بيده هدايا ومكتوب عيد ميلاد فلان ومراات بس اسم هل كل طفل يختارونه يسوي جذي تري مادري

 

[مــ_ــا مــ_ــي]

الف الف مبروك .. ان شاء الله توزيعن حلو عرسه يا رب . بس ابي سرداب الشايع وينه بالضبط ..؟وجم سعر الدرزن من سبونج بوب

 

[مبرقعة coool]

مشكوووورين حبايب قلبي على هالردود الحلوة والله يحفظكم لعيالكم يارب

حبيبتي مامي

سرداب الشايع بالكويت عند المباركية وين سوق البشوت اللي مقابل الصرافين هو بالسرداب أول ما تروحين هنالك
أسألي أي أحد يدلج

بالنسبة للأسعار :

الأكياس الدرزن دينار ونص 1.5
دفتر التلوين والستيكرز الدرزن 1.5
الأقلام أم ريش الدرزن 1.5
الصابون علبة فيها 36 حبة بدينارين 2
العصايات أغلى شي الدرزن بـ 3

وسلامتج

 

[مــ_ــا مــ_ــي]

الله يسلمج يا حياتي ماقصرتي على الوصف وان شاء الله تفرحين بنجاح وليدج ومنها للأعلى يا رب

 

[ورود خذلتها العاصفه]

ماشاء اللهحييل عجبتني الفكرهـ

والله يخليلج وليدج

بس جم كلفج التوزيعات