شلونكم يا بنات وشخباركم ،، بصراحة حبيت احط لكم تجربتي الخاصة اللي من خلالها قدرت اتخلص من كل الاعباء المالية والالتزامات اللا منتهية ،، والحمدلله بفضل من رب العالمين واخيرا قدرت اوفر من معاشي
انا موظفة في قطاع خاص ومعاشي قوي جدا جدا ،، وبما اني مدمنه مشتريات ،، تراكمت علي الديون فقررت في يوم من الايام وبسبب موقف بسيط جدا ،، ان البنك حجز على معاشي كله ،، قررت اني احفر الصخر عشان اطلع فلوس اتمكن اني اسد لو جزء من احتياجاتي
حجم الالتزامات
قسط السيارة
قسط بنك
قسط الغانم
الفيزا والماستر
مصروف البيت
بدون مبالغة الاستقطاعات كانت تنهب معاشي كله
البداية : في يوم من الايام بما اني احب الاشغال اليدوية ،، واول ما هبوا بالشوارفسكي ،، قلت ليش ما اجرب شلون يسوونه ،، وخطوة خطوة ،، خطوة خطوة ،، الى ان الله فتحها بويهي ،، وقدرت اكون زباين والحمدلله كان باب فرج حاولت احافظ عليه ، قاعدتي كانت اني ابيه وايد بربح قليل وهذا اللي كون لي عند الناس سمعة طيبة ،، شوي شوي بلشت بالعبايات والحمدلله عندي مشغل الحين ،، وتفضلوا حياكم
لمدة ثلاث سنوات قدرت اتخلص من معظم الاعباء اللي علي والحين اخليكم مع الطريقة وانشالله تستفيدون
الخطوة الاولى ،، تحديد الاوليات ،، حطيتن لسته بالالتزامات اللي علي ،، وجمعتها كلها كان المبلغ خياااااااااااااااااااااليييييييييييي ،، يعني بدون مبالغة طقيت على راسي ،، هذا غير الفوائد اللتي مترتبة على المبلغ الرئيسي
الخطوة الثانية ،، اتخت قرار اني ما اشتري اي شي انا مو بحاجته.
الخطوة الثالثة ،، قررت اتخلص من اقل قسط عندي ،،، وهو شركة الغانم ،، كان 27 دينار صج مابالعين شي ،، بس كان ساعات يكسر الميزانية
الخطوة الرابعة ،، حاولت اخلص قسط الفيزا والماستر ،، رحت البنك وقلت لهم كنسلوا البطاقات ما ابيها ،، وضليت ادفع اقساطها واشتراكها ، الفيزا اللي ما كنت اقدر ادفعها خلال 4 سنوات ،، قدرت اسدد حسابها خلال 8 اشهر فقط ،،
الخطوة الخامسة ،، توزيع الراتب
كنت اعطي نفسي معاش كل اسبوع 20 دينار ،، كرت تلفون وبانزين سيارة فقط ،، وبنهاية كل شهر اشوف الفائض حتى لو كان 10 دنانير ،، اوفره بخزينتي الخاصة ،، مو البنك ،، عندي حصالة حديد مضيعة مفتاحها
بين فترة وفترة كنت اكافىء نفسي ،، اشتري شي يدي عليه القيمة ،، بس بشرط اذا محتاجته والا لأ
بعد مرور 3 سنوات صار مدخول المشغل هو الرائد في حياتي ،، والراتب لتلبية التزام السيارة والبنك ،،
بالنسبة لقسط السيارة بدل ما ادفع قسط شهر واحد ،، قمت ادفع قسط شهرين او شهرين على حسب الميزانية ،، اما مصروفاتي الثانية من فلوس المشغل ،، صج مو وايد بس قدرت اتغلب على الدين
وبعد طول صبر ياتني المفاجأة الكبرى،،، مع اعادة جدولة القرض والحسبة اليديدة للفوائد قلت مدة الاستقطاع من 15 سنة الى 10 سنوات ،، وبما اني صارلي 5 سنوات ادفع ،، فحسبوا لي الفوائد والقيمة المدفوعة وتقلصت المدة الى 5 سنوات
يعني من بعد ما كان 15 سنة صار 5 سنوات والحمدلله رب العالمين ،، ولا تقولون الحكومة مو قاعدة تسوي شي
وبعد ما كانت مصروفاتي الشهرية تتعدى ال 800دينار ،، صارت الاستقطاعات 300 ،، والباقي اوفره ،، والحمدلله بفضل من رب العالمين قدرت اتغلب على ديوني
اتمنى البنات يستفيدون من تجربتي ،، والله يفكنا من هالديون الى الابد يا رب
انا موظفة في قطاع خاص ومعاشي قوي جدا جدا ،، وبما اني مدمنه مشتريات ،، تراكمت علي الديون فقررت في يوم من الايام وبسبب موقف بسيط جدا ،، ان البنك حجز على معاشي كله ،، قررت اني احفر الصخر عشان اطلع فلوس اتمكن اني اسد لو جزء من احتياجاتي
حجم الالتزامات
قسط السيارة
قسط بنك
قسط الغانم
الفيزا والماستر
مصروف البيت
بدون مبالغة الاستقطاعات كانت تنهب معاشي كله
البداية : في يوم من الايام بما اني احب الاشغال اليدوية ،، واول ما هبوا بالشوارفسكي ،، قلت ليش ما اجرب شلون يسوونه ،، وخطوة خطوة ،، خطوة خطوة ،، الى ان الله فتحها بويهي ،، وقدرت اكون زباين والحمدلله كان باب فرج حاولت احافظ عليه ، قاعدتي كانت اني ابيه وايد بربح قليل وهذا اللي كون لي عند الناس سمعة طيبة ،، شوي شوي بلشت بالعبايات والحمدلله عندي مشغل الحين ،، وتفضلوا حياكم
لمدة ثلاث سنوات قدرت اتخلص من معظم الاعباء اللي علي والحين اخليكم مع الطريقة وانشالله تستفيدون
الخطوة الاولى ،، تحديد الاوليات ،، حطيتن لسته بالالتزامات اللي علي ،، وجمعتها كلها كان المبلغ خياااااااااااااااااااااليييييييييييي ،، يعني بدون مبالغة طقيت على راسي ،، هذا غير الفوائد اللتي مترتبة على المبلغ الرئيسي
الخطوة الثانية ،، اتخت قرار اني ما اشتري اي شي انا مو بحاجته.
الخطوة الثالثة ،، قررت اتخلص من اقل قسط عندي ،،، وهو شركة الغانم ،، كان 27 دينار صج مابالعين شي ،، بس كان ساعات يكسر الميزانية
الخطوة الرابعة ،، حاولت اخلص قسط الفيزا والماستر ،، رحت البنك وقلت لهم كنسلوا البطاقات ما ابيها ،، وضليت ادفع اقساطها واشتراكها ، الفيزا اللي ما كنت اقدر ادفعها خلال 4 سنوات ،، قدرت اسدد حسابها خلال 8 اشهر فقط ،،
الخطوة الخامسة ،، توزيع الراتب
كنت اعطي نفسي معاش كل اسبوع 20 دينار ،، كرت تلفون وبانزين سيارة فقط ،، وبنهاية كل شهر اشوف الفائض حتى لو كان 10 دنانير ،، اوفره بخزينتي الخاصة ،، مو البنك ،، عندي حصالة حديد مضيعة مفتاحها
بين فترة وفترة كنت اكافىء نفسي ،، اشتري شي يدي عليه القيمة ،، بس بشرط اذا محتاجته والا لأ
بعد مرور 3 سنوات صار مدخول المشغل هو الرائد في حياتي ،، والراتب لتلبية التزام السيارة والبنك ،،
بالنسبة لقسط السيارة بدل ما ادفع قسط شهر واحد ،، قمت ادفع قسط شهرين او شهرين على حسب الميزانية ،، اما مصروفاتي الثانية من فلوس المشغل ،، صج مو وايد بس قدرت اتغلب على الدين
وبعد طول صبر ياتني المفاجأة الكبرى،،، مع اعادة جدولة القرض والحسبة اليديدة للفوائد قلت مدة الاستقطاع من 15 سنة الى 10 سنوات ،، وبما اني صارلي 5 سنوات ادفع ،، فحسبوا لي الفوائد والقيمة المدفوعة وتقلصت المدة الى 5 سنوات
يعني من بعد ما كان 15 سنة صار 5 سنوات والحمدلله رب العالمين ،، ولا تقولون الحكومة مو قاعدة تسوي شي
وبعد ما كانت مصروفاتي الشهرية تتعدى ال 800دينار ،، صارت الاستقطاعات 300 ،، والباقي اوفره ،، والحمدلله بفضل من رب العالمين قدرت اتغلب على ديوني
اتمنى البنات يستفيدون من تجربتي ،، والله يفكنا من هالديون الى الابد يا رب
