شوفوا شنو قالي الدكتور خالد السعيد

[Emanova]

السلام عليكم حبيباتي

امس كنت عند الدكتور خالد السعيد علشان الزياره الشهريه مالت عيالي التوائم الله يحفظهم و يحفظ حمودي

فقلت له اني نسيت بالزياره اللي فاتت اقوله ان حمودي فيه توحد لاني تدودهت لما قالي سمع صوت في قلب بنتي و احتمال عندها ثقب ...

المهم فقام يسولف معاي و يسألني شنو سويت مع حمودي و سمعوا شنو قالي

قالي التطعيم mmr ماله شغل التطعيم اللي يخوف و اللي يكون فيه تاثير على مخ بعض اليهال اهو dpt اللي اهو عباره عن دفتيريا و سعال ديكي و تيتانوس .... و المشكله من تطعيم السعال الديكي

و قالي ان اييب من السعوديه او لبنان تطعيم dpat اهو التطعيم اللي فيه تعديل على السعال الديكي فما ياثر على المخ

و هذا التطعيم ينوخذ على الشهريين و 4 شهور و 6 شهور و اقوى جرعه اللي اهي مالت السنه

اللهم اني قد بلغت

 

[just-me]

السلام عليكم

شلونج ايمان .... انا متابعه سوالفج من بره بره بس ما قدرت اطلع

بدون ما اكتب شي ... هالكلام ما عرفته الا متأخر و الحمدلله على كل حال

المهم الحين الله يفكنا من تطعبم انفلونزا الخنازبر ...استغفر الله انا عندي

الواحد تحوشه و يتعالج منها ولا انه يتطعم ضدها

اللهم احفظنا و احفظ عيالنا يارب ...الله يرفع غضبه عن المسلمين امين يارب العالمين

الله يفرحج و يفرحنا بسلامة عيالنا اجمعين

 

[HearT ChocolaTe]

هلا فديتج .. ايمانوفا شنو قصدج التطعيم يأثر على اطفال التوحد ؟؟

 

[مباركيه]

اللهم اجعل الصحة والعافية في أجسادنا
اللهم اشفي مرضانا ومرضى المسلمين
الله يشفي عيالكم ويحفظحهم من كل شر

 

[الرهيييفه]

جزاك الله كل خير

 

[الملالة]

الله يشافي وليدج وجميع عيال االمسلمين.. ويزاج الله خير

 

[Emanova]

هلا فديتج .. ايمانوفا شنو قصدج التطعيم يأثر على اطفال التوحد ؟؟

لا يا ام عزوز يعني انا لازم اعطي التطعيم الثاني حق اعيالي لان التطعيم اللي موجود مرات يأثر على المخ و حسب التاثير يسوي توحد او اي شيء ثاني

عد انا طعمت اعيالي تطعيم الشهرين و قلت حق زوجي يشوف له صرفه علشان تطعيم ال4شهور

 

[خشوشه المشوشه]

اختي البطله ايمانوف الله يشفي اولادك والحمداللله علي سلامت بنتك اختي البطله كلام الدكتور صحيح صحيح 100% لان هذا التطيه يسمي التطعمالثلاثي وهو يعتبر لحد الان يمكن ان يكون احد مسببات التوحد لان توجد فيه ماده الزئبق وفي اجسام من الاطفال ما تتحمل هذه النسبة العالية فتتلف المخ لذلك تشاهدون ان الطفل طبيعي وفجأه توقف كل شيء ولاحظي ان اكثر حالات التوحد تكتشف بعد التطعيم الثثلاثي الله يحفظنا لاحظو خواتي النسبه تزيد تزيد والحكومه ما وقفت هذا التطعيم الخبيث لازم يسون شيء الله المستعان

 

[الصابرة المحتسبة]

السلام عليكم

جزاج الله خير على التنبيه

بس شنسوي لابد من التطعيم مادام مافيه قانون يمنع هالشي والمشكله انها تصيب وتخيب مع ناس وناس .
الله المستعان.

 

[toto2006]

اناولدي فيه التهاب بالمخ و قالولي ان ماراح يعطونه هالنوع و يعطونه ثاني بس مادري شنو اللي لازم يعطونه

 

[الأماني]

اول شي مشكوره أختي علي التنبيه ... والواحد طعم اعياله وخلص وربي الحافظ .


وقل لن يصيبنا شي إلا ما كتبه الله لنا

 

[HearT ChocolaTe]

امبي إذا هذا الكلام صحيح وفي بديل له !! ليش الكويت بالله ما تستخدمه ؟؟
يعني التسبب بالمرض بعد أمر الله هو التطعيم !!
وهذا التطعيم البديل كم سعره ومتوفر بالخاص ؟ الله يحفظ عيالي وعيال المسلمين يا رب ؟
مشكورة فديتج يا ايمانوفا على التبليغ

 

[Emanova]

ام عزوز حبيبتي : اتصدقين انا دورت بالنت يفرق سعر اللي بالحكومه عن اللي قالي عنه الدكتور دينار و جم فلس تخيلي

 

[الأماني]

والله مصيبه خليتينا نحاتي أختي


الله المستعان

 

[حوري2004]

والله مصيبه
خليتوني ابكي على حالنا
عمار يا كويت عمار يا كويت ( الله يسامحج يا كويت )

 

[& الذاهبه &]

الله يستر على عيالنااا

 

[HearT ChocolaTe]

من صجج ايمانوفا @@ بس !!
للأسف الصحه بديرتنا ..... لا تعليق بلحق أقول لأخيتي
حسبي الله علي اللي حطه وسمح بدخوله لعيالنا !!

 

[نشـــامي]

صح كلامج100%

انا سبب لبنتي صرع تطعيم السعال الديكي خذته بالشهر2 عادي والرابع تعبت

ودخلت ع الدكتور وغيره للثنائي

وهالتطعيم موزين للاطفال اللي عندهم قابليه للصرع او الامراض وتقريبا ممنوع بكذا دوله ومنها السعوديه

 

[HearT ChocolaTe]

رفع

 

[ورده بنفسجيه]

يعني الدكاتره وينهم ليش ما يتكلمون وهو نفسه الكتور السعيد ليش ما يتحلطم ويتكلم

هذي تصير بذمته

يلا بنات ليش ما نسوي حمله والله خلونا انسوي شي وهالشي ما ينسكت عنه

والا شرايكم