شوفوا لي حل مع ولدي

[شيخة الغيد]

ولدي عمره 3 سنين و فيه قلب تونا خالصين من ثالث عمليه و فيه ضعف بالسمع شديد
المشكله انه اذا رفضت له طلب او خذيت منه شغله حاده او رديته من شي قام يصيح
لدرجه ما عاد يتنفس و يصير وجهه ازرق يمكن دقيقه كامله و اليوم زودها ليمن طاح
ع القاع و قامت ايده تلف و غشى ثواني طبعا انا رشيت عليه ماي طقيته على ظهره هزيته ماكو فايده
يا بنات قولوا لي شا اسويله لما تصير فيه هالحاله تكفون ترا والله نفسيتي تعبانه حييل كله احاتيه

الله يجزاكم خير فيدوني

 

[HearT ChocolaTe]

لا فديتج مو حنا اللي نقولج ... لازم تعرضينا على دكتور
اللي صار ممكن يأثر على قلبه .. !!

جزاج الله خير انج وثقتي فينا لكن بالأمور الطبيه هذي الواحد منا ما يفيدج
نقص الأكسجين في الجسم هو من علامات الإزرقاق اللي شفتيه
ممكن هو عنيد ؟ أو مدلل ؟ الله أعلم بطريقة معاملتج له ؟
لكن تقدرين تستشيرين اخصائي نفسي أو أخصائي سلوك

حياتي أنتي أتمنى أنج ما تزعلين من كلامي لكن أنا من خوفي عليه

ويبقى مجرد رأي .. أتمنى تلاقين له حل

 

[HearT ChocolaTe]

وبعدين انتي تقولين عنده ضعف شديد ... يعني هو مو فاهم ليش تاخذين منه الشغله
الياهل طبعه ما يحب حد ياخذ منه شي
فديتج لا تزعلين مني .. عرضيه على دكتور متخصص

 

[ام محمد وسيف]

اسأل الله العلي العظيم ان يشفي محمد
اسأل الله العلي العظيم ان يشفي محمد
اسأل الله العلي العظيم ان يشفي محمد
اسأل الله العلي العظيم ان يشفي محمد
اسأل الله العلي العظيم ان يشفي محمد
اسأل الله العلي العظيم ان يشفي محمد
اسأل الله العلي العظيم ان يشفي محمد

 

[الأماني]

هلااا أختي أم محمد صح كلام أختي لازم تعرضين مشكلتج حق الدكتور وهو يفيدج أكثر

وربي يصبرك ويشفي اوليدك محمد

أختك / الأماني

 

[شيخة الغيد]

الله يجزاكم خير على اهتمامكم بس بالنسبه للدكتور قلت لدكتور القلب قال لي لا بس يمكن مدلل
و قلت له شا اسوي قال عادي خليه ليمن يتنفس بروحه
و انا ما اخذ منه الا شغله ممكن تاذيه مثل السجين المقص او يبي يطلع بالشارع شاسوي بالله
و اهو اساسا مشكلته انه قلبه ما يودي اكسجين كامل يعني اكسجينه اساسا 90 بالميه يعني مزورق بروحه و هم يصير بزياده
محد يعرف طريقه تخلي الياهل يتنفس لما يصيح

 

[@شمس الضحى@]

كلام اختي ام عزوز عين العقل لااااااااازم تستشيرين دكتوره
وحاولي معه باللين لانه مايفهم ولاتعصبين فيه لايروح وليدج فيهاا الله لايقوله
الله يشفيه ويخليه لج

 

[ام فوااز]

الله يشافيه يارب
وحاولي تشيلين كل شي خطر علىه قبل مايشوفه ويبجي

 

[الصابرة المحتسبة]

رفع

 

[دارت الايام]

الله يشفيه

يالغاليه


وتفرحين به اليوم قبل باجر

 

[& الذاهبه &]

الله يشفيه لج ان شاء الله

 

[الصابرة المحتسبة]

تفضلي
الأستاذ أحمد البرماوي يرد على استفساراتكم (http://www.q8yat.net/showthread.php?t=431987)

 

[nhr-36shan]

ياعمري الله يشافيه ويخليه لج
بس انا اقول حطيله خدامه خاصه حقه تكون معاه بكل حركه وماتخليه يغيب عن عينها ابد عشان ماياخذ من هالاشياء الخطره اللي صعب تاخذينها منه وبالتالي تصير فيه هالحاله

 

[بناتى هم حياتى]

الله يعينج صج لازم تحاتين سألى دكتور

 

[ام نوونه]

حبيبتي لازم دكتور مختص يقولج شتسوين لمن يزرق
الله يشفيه لج انشاااااااالله زتفرحين فيه يارب