- إنضم
- 7 يوليو 2009
- المشاركات
- 152
- مستوى التفاعل
- 0
- النقاط
- 0
السلام عليكم
بصراحه ما ادري من وين ابتدي اول شي بقولكم عن نفسي انا متزوجه صارلي 6 سنين من ولد خالتي وعندي بنتين والحمدلله ريلي يحبني ومرتاحه معاه بس المشكله مو بريلي (( حماتي )) اوف اوف والله كل ما اذكرها يضيق خلقي واتمنى اموت قصتها معاي من اول يوم تزوجنا فيه طبعا كانت كله مأذيتني وحته عرس ماخلتني اسوي والله يابنات والله كل ما اروح عرس ولا حفله اتحسر وادعي بقلبي الله يوفقهم ويعوضني وهاذا شي من الاشياء اللي سببتلي التعاسه فيهم
لا تستغربون تره اهي بنت خالتي ومن قبل ما اتزوج وانا ادري انها نسره بمعنا الكلمه كانت كله تسوي مشاكل حق الكل وتتسبب ولسانها طويل وقليلة ادب وكل مشكله والثانيه راكظه عالمخفر انا لله وانا اليه راجعون مخليتنا علج بحلوج الناس
وربي عتى الناس اللي بالشارع والا الاسوقه هم مو مخليتهم بحالهم كل طلعه لازم تسولها مشكله وتفضحنا
المهم الحين شنو المشكله اللي صايرتلي معاها ...
قبل فتره تقريبا شهر تهاوشت انا وياها على سبب تافه حيل واهي كبرت الموضوع والله يا بنات انا كنت اعتربها اخت لي فوق شينها وسوالفها كنت احبها لان ماعندي حماة غيرها واحنا ساكنين في بيت واحد بس انا شقتي بروح واهي تدرس مسائي والله شوفو من كثر ما كنت مخلصه معاها كنت اقعد بالبيت اهي تدش الامتحان وحاطه بأذونها سماعه وانا اغششها الامتحان كله من اول حرف لي اخر حرف حته الانجليزي انقلها حرف حرف عقب اخر امتحان شافت انه مصلحتها معاي خلصت فقامت تسببت علي وزعلت وحته مرات والله وانا حامل فبناتي اطلع معاها بالقايله عشان حضرتها تتمشور وتخلص اشغالها وتكدشني
المهم سالفتي معاها بدت من ذاك اليوم اللي كنت محتاجه فيه لشغله من الجمعيه بودقيقتين وأرد دقيت على ريلي لان كان طالع وقلتله تره بروح الجمعبه قالي روحي
رديت البيت والا القاه موجود المهم شوي ولا تدق عليه تحسبني بعدي طالعه تقوله هااا مرت وينها هايته اكيد رايحه تغازل هالقليلة ادب (( على فكره انا اول ماتزوجت ماكنت اسوق لان اهي كانت تشيش ريلي علي وعقب عناء 4 سنين اقنع فيه اني محتاجه السياره خلاني اسوق شوفو شلون بتنتقم )) المهم انا سمعتها لان التلفون كان صوته عالي حته اللي بآخر الشقه يسمعها
واللللللله يا بنات انه لو تعرفونها ولا تشوفون قلة ادبها ووقاحتها مرات وانا طالعه معاها اشوفها شلون تطول عالاغاني وتبطل الدريشه حق هاذا وهذاك اقولها فلانه عيب عليج انتي عندج اخوان تقولي مو شغلج واحقرها واضل طول الوقت منزله راسي عشان لحد يشوفني
المهم انا دزيلت لها مسج قلتلها فيه (( احترمي نفسج ولا تتحرشين وتزلغين وايرات تره اذا انتي ناويه على خراب بيتي انا عندي فضايحج والبادي اضلم ))
بعد دقيقتين ما اشوف الا الجرس يرن قلت حق الخدامه لا تفجين واقول منو منو محد يرد بعد شوي يرن الجرس مره ثانيه منو ولا يرد ولد حماي الصغير فجيت الباب ولا ما اشوف الا هبت بويهي وتطقني طق حسبي الله ونعم الوكيل فيها كسرت جسمي والله كله صار ازرق ماخلت فيني شي صاحي وسبتني سب وقبال ريلي اقوله وخرها يقولي انا مالي شغل بغيت اموت بين ايدها واهو شوي يحاول يوخرها وشوي يروح يقول مالي شغل ما وخرها عني الا الخدامه
انا انهرت قعدت ابجي ابجي ساعات جسمي تكسر تعتب حييييييييل قلت ماراح اسكت ودقيت على اختي قلتلها السالفه وانا ابجي والله ارتفع ضغطها وكلمت ريلي واهو قعد يرقع حق نفسه:eh_s(13):
المهم بعد شوي ما اشوف الا رقم غريب داق علي والا الخانم رايحه المخفر تشتكي علي
@@ عيوووووووووووني نطو والله تخيلو الموقف (ظربني وبكا سبقني واشتكا ) امبي صج صج وقحه قليلة ادب نسرة شقول عنها شقول:eh_s(14):
المهم رديت على الشرطي يقولي اختي انتي طاقه فلانه ومهددتها بالقتل ودازتلها مسج تهديد تفضلي عندنا بالمخفر الفلاني والا راح ترفع عليج قضيه
لالالالالالالالالا الــــــــــــــه الا الله ,, اهي اللي طاقتني وسابتني ومشيشه ريلي علي وهم راحت اشتكت بالمخفر ما اصدق
المهم انا حقرت حقرت حقرت لين اهي ظلت بالمخفر لين الساعه 12 بليل تخيلــــــــو !!
ردت البيت عقب ماريلي هزءها وردها
ثاني يوم ولا دازتلي مسج (( العن .... لابو .... يال ..... انتو .... و.... سب سب كلام ما ينقال
انقهرت ووريت المسج حق ريلي طبعا ما سوا شي دزيت المسج حق عمي ابو ريلي وحماي وهم ماسوو شي بس اعتقد وانا عارفتهم انهم قعدو يضحكون ويقولونها زيت ماسويتي
وانا من يومها مارديت عليها بس والله ماتتوقعون شلون انا عايشه مقهوره ومتحسره شسوي يابنات قولولي شسوي وانا معاها بنفس البيت وبالطالعه والنازله تقط علي كلام مثل السم تعبت كرهت الدنيا صرت اكرة كل شي والله
على فكره وايد مشاكل بعد صارت بيني وبينها ما ذكرتها لان الصفحه ماراح تكفي والله تعبت منها كله حاطتني فبالها وتناجرني وسويلي مشاكل وحته دراستي ماكملتها بسبتها لانها كانت تشيش ريلي لا تخليها تدرس لا تخليها تطلع لا تخليها تلبس لا تخليها تصفط سيارتها قبال البيت خلها تصفط سيارتها يم الجمعيه وتيي البيت مشي والله شغلات ما تتصدق وايد شغلا بس لو اقولها كلها ماراح يكفي 100 صفحه حته بناتي اهي سمتهم على كيفها حرمتني من فرحتي بعيالي شوفولي حل تكفون بموت
وسامحوني عالطوال :ssssso:
بصراحه ما ادري من وين ابتدي اول شي بقولكم عن نفسي انا متزوجه صارلي 6 سنين من ولد خالتي وعندي بنتين والحمدلله ريلي يحبني ومرتاحه معاه بس المشكله مو بريلي (( حماتي )) اوف اوف والله كل ما اذكرها يضيق خلقي واتمنى اموت قصتها معاي من اول يوم تزوجنا فيه طبعا كانت كله مأذيتني وحته عرس ماخلتني اسوي والله يابنات والله كل ما اروح عرس ولا حفله اتحسر وادعي بقلبي الله يوفقهم ويعوضني وهاذا شي من الاشياء اللي سببتلي التعاسه فيهم
لا تستغربون تره اهي بنت خالتي ومن قبل ما اتزوج وانا ادري انها نسره بمعنا الكلمه كانت كله تسوي مشاكل حق الكل وتتسبب ولسانها طويل وقليلة ادب وكل مشكله والثانيه راكظه عالمخفر انا لله وانا اليه راجعون مخليتنا علج بحلوج الناس
وربي عتى الناس اللي بالشارع والا الاسوقه هم مو مخليتهم بحالهم كل طلعه لازم تسولها مشكله وتفضحنا
المهم الحين شنو المشكله اللي صايرتلي معاها ...
قبل فتره تقريبا شهر تهاوشت انا وياها على سبب تافه حيل واهي كبرت الموضوع والله يا بنات انا كنت اعتربها اخت لي فوق شينها وسوالفها كنت احبها لان ماعندي حماة غيرها واحنا ساكنين في بيت واحد بس انا شقتي بروح واهي تدرس مسائي والله شوفو من كثر ما كنت مخلصه معاها كنت اقعد بالبيت اهي تدش الامتحان وحاطه بأذونها سماعه وانا اغششها الامتحان كله من اول حرف لي اخر حرف حته الانجليزي انقلها حرف حرف عقب اخر امتحان شافت انه مصلحتها معاي خلصت فقامت تسببت علي وزعلت وحته مرات والله وانا حامل فبناتي اطلع معاها بالقايله عشان حضرتها تتمشور وتخلص اشغالها وتكدشني
المهم سالفتي معاها بدت من ذاك اليوم اللي كنت محتاجه فيه لشغله من الجمعيه بودقيقتين وأرد دقيت على ريلي لان كان طالع وقلتله تره بروح الجمعبه قالي روحي
رديت البيت والا القاه موجود المهم شوي ولا تدق عليه تحسبني بعدي طالعه تقوله هااا مرت وينها هايته اكيد رايحه تغازل هالقليلة ادب (( على فكره انا اول ماتزوجت ماكنت اسوق لان اهي كانت تشيش ريلي علي وعقب عناء 4 سنين اقنع فيه اني محتاجه السياره خلاني اسوق شوفو شلون بتنتقم )) المهم انا سمعتها لان التلفون كان صوته عالي حته اللي بآخر الشقه يسمعها
واللللللله يا بنات انه لو تعرفونها ولا تشوفون قلة ادبها ووقاحتها مرات وانا طالعه معاها اشوفها شلون تطول عالاغاني وتبطل الدريشه حق هاذا وهذاك اقولها فلانه عيب عليج انتي عندج اخوان تقولي مو شغلج واحقرها واضل طول الوقت منزله راسي عشان لحد يشوفني
المهم انا دزيلت لها مسج قلتلها فيه (( احترمي نفسج ولا تتحرشين وتزلغين وايرات تره اذا انتي ناويه على خراب بيتي انا عندي فضايحج والبادي اضلم ))
بعد دقيقتين ما اشوف الا الجرس يرن قلت حق الخدامه لا تفجين واقول منو منو محد يرد بعد شوي يرن الجرس مره ثانيه منو ولا يرد ولد حماي الصغير فجيت الباب ولا ما اشوف الا هبت بويهي وتطقني طق حسبي الله ونعم الوكيل فيها كسرت جسمي والله كله صار ازرق ماخلت فيني شي صاحي وسبتني سب وقبال ريلي اقوله وخرها يقولي انا مالي شغل بغيت اموت بين ايدها واهو شوي يحاول يوخرها وشوي يروح يقول مالي شغل ما وخرها عني الا الخدامه
انا انهرت قعدت ابجي ابجي ساعات جسمي تكسر تعتب حييييييييل قلت ماراح اسكت ودقيت على اختي قلتلها السالفه وانا ابجي والله ارتفع ضغطها وكلمت ريلي واهو قعد يرقع حق نفسه:eh_s(13):
المهم بعد شوي ما اشوف الا رقم غريب داق علي والا الخانم رايحه المخفر تشتكي علي
@@ عيوووووووووووني نطو والله تخيلو الموقف (ظربني وبكا سبقني واشتكا ) امبي صج صج وقحه قليلة ادب نسرة شقول عنها شقول:eh_s(14):المهم رديت على الشرطي يقولي اختي انتي طاقه فلانه ومهددتها بالقتل ودازتلها مسج تهديد تفضلي عندنا بالمخفر الفلاني والا راح ترفع عليج قضيه
لالالالالالالالالا الــــــــــــــه الا الله ,, اهي اللي طاقتني وسابتني ومشيشه ريلي علي وهم راحت اشتكت بالمخفر ما اصدق
المهم انا حقرت حقرت حقرت لين اهي ظلت بالمخفر لين الساعه 12 بليل تخيلــــــــو !!
ردت البيت عقب ماريلي هزءها وردها
ثاني يوم ولا دازتلي مسج (( العن .... لابو .... يال ..... انتو .... و.... سب سب كلام ما ينقال
انقهرت ووريت المسج حق ريلي طبعا ما سوا شي دزيت المسج حق عمي ابو ريلي وحماي وهم ماسوو شي بس اعتقد وانا عارفتهم انهم قعدو يضحكون ويقولونها زيت ماسويتي
وانا من يومها مارديت عليها بس والله ماتتوقعون شلون انا عايشه مقهوره ومتحسره شسوي يابنات قولولي شسوي وانا معاها بنفس البيت وبالطالعه والنازله تقط علي كلام مثل السم تعبت كرهت الدنيا صرت اكرة كل شي والله
على فكره وايد مشاكل بعد صارت بيني وبينها ما ذكرتها لان الصفحه ماراح تكفي والله تعبت منها كله حاطتني فبالها وتناجرني وسويلي مشاكل وحته دراستي ماكملتها بسبتها لانها كانت تشيش ريلي لا تخليها تدرس لا تخليها تطلع لا تخليها تلبس لا تخليها تصفط سيارتها قبال البيت خلها تصفط سيارتها يم الجمعيه وتيي البيت مشي والله شغلات ما تتصدق وايد شغلا بس لو اقولها كلها ماراح يكفي 100 صفحه حته بناتي اهي سمتهم على كيفها حرمتني من فرحتي بعيالي شوفولي حل تكفون بموت
وسامحوني عالطوال :ssssso:
