شوفو مكتب السفريات شنو قاااااللي!!!!!!!

[نوسه الحلوه]

مساء الخير بنات احنا قررنا نروح ميونخ وزلمسي بس المكتب يقول لكم غرفتين احتمال كل وحده منهم بدور:eh_s(14):وانا عندي ولد 11سنه وبنتي 7سنوات منو صارت معاه هالسالفه قولولي شسوي لان احنا مع قروبات والشي الثاني شلون جوهم يعني شنو اخذ لعيالي ملابس صيفي او شتوي وشنو المجمعات اللي حلوه واسعارها معقوله بنات الله يعافيكم اللي عندها اي معلومه تفيدني لاتبخلون علي باي معلومه وشاكره كل من دخل وقرا الموضوع

 

[أم@الحلوين]

اي سفريات لا يكون السيد؟؟

 

[فرحه عمر]

اول شي تروحين وتردين بالسلامه
ثاني شي اذا سفريات السيــــــــــــــد كنسلي من عندهم وبتدعيلي
ثالث شي اذا مالقيتو غرف يم بعض ولدج ينام مع ابوه وانتي مع بنتج والديره امان لاتحاتين
زلمسي بارده بالليل يعني ممكن لبس ربيعي و جاكيت لليهال اذا يستبردون يعني درجه الحراره تقريبا 18 مو برد وايد بس اغلب الفنادق فيها ماكو تكيييف يعني لازم تفتحين الدريشه او باب البلكونه ههههههههههه ومره تفتحينها ومره تسكرينه لانها برد السوق ماكو ذاك الزود بس اذا مطولين فيها لانها حدها ليلتين وبتملين اذا مطولين عندكم كابرون منطقه قريبه و الرحلات احلى شي جبل الثلج و الشلال بس الشلال اذا نزلتي تحت عنده برررررررررررررد موت

المانيا حررررررررررررر شهر 7 وافضل مجمه اسمه كوفهوف وعنده الاسوق بس سئلي لاني من زمان رايحه شوفي المنتديات والرحلات الاوربيه يفيدونج اكثر

افضل شي تاخذين ملابس صيفي و جاكيت واحد حق كل واحد منكم بي اللي نوعه خفيف احتياط عن البرد

 

[نداااوي]

سفريا ت يعيش أحسن شي

 

[نوسه الحلوه]

هلا والله سفريات الوسيط

 

[نوسه الحلوه]

ومشكورين اللي ردو الله لايهينهم

 

[78MariMar78]

تروحين وترجعين بالسلامة
بس حاولي غرفتين يم بعض أحسن لج

 

[أم@الحلوين]

هلا والله سفريات الوسيط

انشالله يصير تغيرينها انتي جم يوم سفرتج؟؟ ووين؟؟ وتاريخ جم رحلتكم؟يمكن تكونين معاي بالرحله

 

[احلى بنت بالدنيا]

احنا بعد رحلتنا مع الوسيط .. بس رايحين على سويسرا

لو على النمسا مثل الخوات ما قالولج بالنهار لبس صيفي عادي بس بالليل لبسي جاكيت خفيف .. بس لما تطلعون رحلات للثلج بالنمسا راح تحتاجون جاكيت + بلوفر + دسوس + دلاقات صوف .. ومن الاحسن تاخذين اللبس هذا من الكويت لأنه هناك غالي وخاصة بزلمسي لأن الاسعار هناك سياحية .. أما ميونخ اسعارها رخيصة أو نقول عادية مثل الكويت

 

[أم@الحلوين]

احنا بعد رحلتنا مع الوسيط .. بس رايحين على سويسرا

لو على النمسا مثل الخوات ما قالولج بالنهار لبس صيفي عادي بس بالليل لبسي جاكيت خفيف .. بس لما تطلعون رحلات للثلج بالنمسا راح تحتاجون جاكيت + بلوفر + دسوس + دلاقات صوف .. ومن الاحسن تاخذين اللبس هذا من الكويت لأنه هناك غالي وخاصة بزلمسي لأن الاسعار هناك سياحية .. أما ميونخ اسعارها رخيصة أو نقول عادية مثل الكويت

الظاهر كلنا بروح مع قروبات الوسيط_ متى رحلتج؟

 

[أم@الحلوين]

ووين؟

 

[om-s3ood]

خوووووووووووووووش سفريااات انااا رااايحه العااام معاااهم فينااا وزلمسي وميونخ

 

[أم@الحلوين]

ام سعود شلون كانت رحلتكم والقايد زين؟

 

[أم عزيـز]

امبيه حتى انا مع الوسيط لووووووووووووووووووول

بس انا ميلانو زيورخ ميونخ

شوفي حبيبتي دامكم قروب عادي يحاول يخلي احد من القروب يسكن في دور وانتي وعيالج بنفس الدور
مو صعبه يعني ؟؟ دام انكم مع قروب اي احد يقدر يبدل معاكم ويعطيكم غرفته اللي يمكن

 

[عيمية^والقلب^كندري]

اي صعبه كل واحد بدور خل يضبطه لكم موصعبه

وبالنسبة للجو المانيا صيفي بس بالنمسا ييبي معاج جاكيتات يعني لبسكم صيفي عادي بس بالليل ممكن تصير برودة مع العلم ان لا فنادقهم ولا مكان فيه تكييف

وزلمسي مافيها سوق بس طبيعة وكافيهات ومطاعم بس التسوق بميونخ عجييب

 

[أم@الحلوين]

امبيه حتى انا مع الوسيط لووووووووووووووووووول

بس انا ميلانو زيورخ ميونخ

شوفي حبيبتي دامكم قروب عادي يحاول يخلي احد من القروب يسكن في دور وانتي وعيالج بنفس الدور
مو صعبه يعني ؟؟ دام انكم مع قروب اي احد يقدر يبدل معاكم ويعطيكم غرفته اللي يمكن

وناااااااسه كلنا معاكم هالسنه عشان الوحيدين اللي عروضهم متنوعه وطياراتهم عال العال

ميلانو وزيورخ وميونخ احلى ولا زيلامسي وفينا وميونخ؟؟

 

[q879]

كم سعر الوسيط لشخص

 

[lolo6688]

خل يضبطلكم الغرفه
مو صعبه
يبدلكم غرفكم مع غيركم
مايصير غرفتين كله وحده بدور
اذا كلش كلش غيري السفريات

 

[أم عزيـز]

وناااااااسه كلنا معاكم هالسنه عشان الوحيدين اللي عروضهم متنوعه وطياراتهم عال العال

ميلانو وزيورخ وميونخ احلى ولا زيلامسي وفينا وميونخ؟؟

شوفي حبيبتي
زلامسي وفينا وميونخ حلوه
بس صارت مثل ما تقولين مستهلكه
يعني كل مكان تلقين هالرحله وبس دولتين (النمسا وألمانيا)
بس انا سفرتي (ايطاليا وسويسرا و ألمانيا ) يعني 3 دول
وسويسرا جوها احلى وابرد وهذا الكلام كلام اهلي العام راحوا سويسرا واولت العام راحوا النمسا وقالولي سويسرا وايد احلى بس طبعا هم النمسا حلوه واستانسوا فيها بس عندهم سويسرا احلى

عشان جذي انا قررت اخذ رحله فيها سويسرا اللي اهي زيورخ

 

[أم@الحلوين]

شوفي حبيبتي
زلامسي وفينا وميونخ حلوه
بس صارت مثل ما تقولين مستهلكه
يعني كل مكان تلقين هالرحله وبس دولتين (النمسا وألمانيا)
بس انا سفرتي (ايطاليا وسويسرا و ألمانيا ) يعني 3 دول
وسويسرا جوها احلى وابرد وهذا الكلام كلام اهلي العام راحوا سويسرا واولت العام راحوا النمسا وقالولي سويسرا وايد احلى بس طبعا هم النمسا حلوه واستانسوا فيها بس عندهم سويسرا احلى

عشان جذي انا قررت اخذ رحله فيها سويسرا اللي اهي زيورخ

تنصحيني بأي وحده محتاره يصير اغير؟؟ ووشلون اروح سويسرا بالقطار؟؟