شو أحلى المطاعم في الكويت ؟؟

[أجنحة الورق]

السلام عليكم بنات
اعرف اني مللتكم من كثر الاسئلة
بس قلت موضوع يفيدني لاني بي الكويت يوم الاربعا و بيفيدكم انكم تجربون مطاعم يديدة

بغيت اعرف شو المطاعم الحلوة الي تفضلونها و نوع المطعم و مكان المطعم ,,

 

[درة أهل الطولات]

جربي كافيه بزه

ومطعم سيب سبز

ومطعم ايام زمان

ومطعم سوليدير

 

[أم حسون]

وايد مطاعم حلوه...
جيليز...
فيلا فيروز..ليلى من لبنان..اوبرجين..
ماكي...ووك ان رول...
شيرين بانو...قرين ابل...
جوكلت بار..جوكلت اند ماكارون...
سالاد بوتيك...
البلد..

 

[miss $_$ semsem]

على حسب نوع الاكل اللي تبينه
اذا تبين كويتي فريج صويلح وايد يروحونله
اذا لبناني عندج فيلا فيروز وليلى من لبنان و في مطعم تركي اسمه افندم وايد عجبني اكله
اذا امريكي عندج عالبحر وايد في نفس فرايديز وشيليز
اذا ايطالي في واحد وايد عجبني بالافنيوز فوق نسيت اسمه بس يم dear&dear و كارينوز
وفي مطعم صيني وايد حلو حتى لو مو نظامج اكلاتهم بس لذيذ p.f changs
و في وايد بصراحة ياكثر المطاعم ماشاء الله اللي عندنا

 

[miss $_$ semsem]

وهم اللي اذكروها البنات

 

[kndora]

ماكي ( موجود بالافنيوز وببرج جاسم )
سالد بوتيك ( بالافنيوز )
كافيه بلان ( مرينا كرسنت يم فرايديز ) اذا تبين لبناني لا تفكرين بغيره
النوخذه ( بكراون بلازا وموجود ع البجر صوب حديقه الشعب )
يبتزا اكسبرس حلو خفييف اكله ويشبع ( موجود بالمطار فوق وموجود بالافنيوز صوب فرايديز وموجود بضاحيه عبدالله السالم )
قيصر ( بالفروانيه وبالسالميه ) بس انا حبيت الي بالفروانيه اكثر

واتمنى اكون فدتج وانشالله الكويت بتنور بوجودج

 

[....وبس]

بتنووورين الكووويت

عندج بالافنيوز مطعم ليلي قادم من لبنان
وبول فرنسي عجيب حق الريوق
وجوكلت بار سوالف حلو وباستا يعني اكل ايطالي
وفيلا فيروز هذول كلهم لبناني

عندج بمنطقة شرق
البلد لبناني
مطعم الوطيه اكل كويتي قديم بس الخدمه مو ذاك الزود

وبالسالميه
مطعم عبدالوهاب لبناني بعد
وبزه موجود بالساميه وبالشاميه بعد

وابراج عاليه وغاليه
السوليدير

وعندج بمول ٣٦٠

فلافل ناديه لا يطوووفج عجيييب

هذا الي اذكره الحين

وعلى فكره اغلب المطاعم الي عندنا موجوده عندكم