شو اقدم هديه لاخت زوجي ووالدته

[صعب انساك]

شو اقدم هديه لاخت زوجي ووالدته

--------------------------------------------------------------------------------

مرحبا بنات
ابغى اقدم هديه لاخت زوجي وعمرها 30سنه ووالدته عمرها 70سنه
ابغى اقدم لهم هدايا حلوه باسعار زينه بعد

دلوني شو اشتريلهم ومن فين والاسعار

الله يجزاكن خير

 

[نااناا]

شنو المناسبه ؟؟؟؟؟؟؟؟

ممكن تقدمين للبنت عطر ماركه مثل:عطر ديور الجديد او جفنشي رووعه بحدود 30 دينار او اقل

والواده قدمي لها دهن عود اصلي اخذيه من سيدجنيد ربع توله ب25دينار بس يهبل...
او خذي لها عود من عبدالصمدالقرشي العود عندهم حلو...

انشالله اكون فدتج .........وانشالله البنات يفيدوونج اكثر.....

 

[cat^q8]

اختي جم حاطه ميزانية ؟؟

اذا حق الاخت اخذيلها جنطة ماركة بحدود 50 دك او ساعه ماركة ب40 دك

واذا تبين سعر مناسب اخذيلها سيت عطور على 15 او 20

وانا اقدر اوفرهم لج مع التغليف اذا حبيتي

و الام اذا 50 دك اخذيلها خاتم ذهب اصفر

واذا سعر اقل اخذيلها لفة من النوع الزين مع بخور ودهم عود وحطيهم لها بعلبه كشخه

تطلع عليج ب30 دك مع التغليف :eh_s(15):

واي خدمه انا حاضره بس قوليلي ميزانيج وانا اضبطج اذا احترتي :eh_s(7):

 

[صابرة وراضية]

طلبج عندى اطقم صلاة روووعة ومفارش ستان اوربية ...اذا حابة هذا رقمى55121830

 

[المستغفرة 74]

شوفي محلات العطور العربية مسوين خوش عروض
في مجموعات من عطور وبخور ومشعلات ودهن عود بسلة او صندوق مغلف بالتور وشكلة حلو

 

[ام الدرر]

حماتج مثل ماقالو البنات عطور او جنطة او ممكن تدورين اشياء غريبه
اذا هي عندها اهتمامات ثانية تاخذين لها كوبون دورة تنفعها
او كوبون من اي صالون او سبا يعني بديكير +منكير ومساج ساتر للقدمين واليدين
او كوبون مشتريات مثل دبنهامز او جوسي كوتور وهي تختار تشتري اللي يناسبها
ووالدته الله يخليها في مصحف الكتروني اسمه القارئ الالكتروني فيه
ختمة كامله لاشهر فراء الحرم سديس والشريم والمعيقلي +العفاسي مع التفسير
ويتبرمج الاذان حسب المكان اللي هي فيه ينفع للسفر والبر والشاليه
وفيه الاحاديث الشريفة من صحيح البخاري
واسماء الله الحسنى
وسعره يبدا من 26 دينار وتحصلينه عند المكتبات الاسلامية






​

 

[عصفورة كويتيات]

اب لعيووووونج

 

[قمر الكويتية]

ووالدته الله يخليها في مصحف الكتروني اسمه القارئ الالكتروني فيه
ختمة كامله لاشهر فراء الحرم سديس والشريم والمعيقلي +العفاسي مع التفسير
ويتبرمج الاذان حسب المكان اللي هي فيه ينفع للسفر والبر والشاليه
وفيه الاحاديث الشريفة من صحيح البخاري
واسماء الله الحسنى
وسعره يبدا من 26 دينار وتحصلينه عند المكتبات الاسلامية






[/color][/size][/font][/center][/b][/QUOTE]

خوش هديه وفيها باب أجر ومفيده وحلوه

 

[D@LoOoL]

حبيبتي اذا حابه عندي طقم ثوب صلاة العروس هديه حلوه و راقيه للكل و تعجبهم باذن الله



التفاصيل موجوده بتوقيعي





و حياج الله

 

[خواطر شوق]

رد : شو اقدم هديه لاخت زوجي ووالدته

البنت اهديها عطر و الوالده دهن عود و بخور

 

[iLLuMinaTion]

وفي الهدايا اللي بتوقيعي يمكن تفيدج