شيئين متعبيني ومخوفيني

[طفلي حياتي]

السلام عليكم ورحمة الله
جمعه مباركه ع الجميع
بنات انا ربي رزقني هالحمل بعد انتظار وعناء وصبر ولكن الوسواس هالكني وماني مستمتعه بالحمل كثر ماني خايفه
واقل شي اخاف وااتشائم
الحين انا بالثالث شوي وادخل الرابع لكن ظهري اقل جهد اسويه خلاص طول اليوم الم قوي قوي في ظهري ما قدر اسوي شي ولا اتحرك الا بالمووت
والشي الثاني بطني ماكبر يمكن لا ن عندي كرش؟؟
انزين ليش بطني لين مو خشن متى يصير خشن
اللهم ثبت لي ولكل حامل حلمها واحعله سليما معافى

 

[q8 knosha]

رد : شيئين متعبيني ومخوفيني

عوار الظهر اعتقد شي طبيعي لان حتى انا ظهري عوار موصج بس انا نهايه السادس .. عادي ان البطن مايبين توج ثلاث تشهر انا بين علي بأخر الرابع اذا كنتي ضعييفه حيييييل يبين عليج من ثاني او ثالث شهر بس اذا متروسه مايبين .. وعلى البطن لين مايكبر ويبين هني يصير يابس وبعد لما تاكلين يصير يابس ومشدود اعتقد اخر الرابع يصير يابس

 

[كتكوته ورديه]

اقر ي الرقيه الشرعيه وتوكلي علي الله

 

[BaBy_SMiLe]

الله يفرحـج ويـرزقــج بـلي فـي بـالج ويقــر عيــنج بشــوفت البـيبــي بحضنــج

كل ما حسيتي انج في بالج افكــار اقــري المعــوذات واستغفــري .. خلــيج لاهيـــه بالاذكار والاستغفار عشان ما تحاتين وترتاحين ترا النفسية حيل تلعب دور

بالنسبة للبطن حبيبتي مادري من الي شفته احس الطويله ما يبين بطنها يعني في اكثر من وحده مروا علي عقبي بجم شهر وبطونهم ما تبين مع انهم ضعاف مافيهم سمنه لا قبل ولا بعد الحمل

اما انا بين وياي واضح بالشهر الرابع حتى قمت احاول البس وسيع لان الكل يخوزز في بطني خاصة الدوام وانا احاول كثر ما اقدر التزم بالاذكار واذا واجهتهم اقول ( اللهم اكفينهم بما شئت )

بالنسبة للعوار انا تقريبا من الشهر الثاني او الثالث حسيت بعوار ظهري .. ما اذكر متى بس خاصة لما اقعد من النوم او اكون قاعده فترة طويله

ادري كتبت قصة حياتي بس حبيت انج تستفيدين من تجربتي

 

[آلهيــ ــلآويهـ]

رد : شيئين متعبيني ومخوفيني

مبرووووووك حملتس
انتي ارقي نفستس يالصاحبه وماعليتس شر
راجعي بانتظام مع دكتورتتس
واللي كاتبه الله يصير ... خلتس مؤمنه بكل شي ولا تخافين ولا تحاتين
وادعي الله يثبته ويعافيه وتقر عيونتس فيه ويتربى بعزتس :d
​

 

[المتأملة]

توكلي على الله واقري القرآن يوميا وثقي إن الله هو الحافظ

 

[*ريما*]

رد : شيئين متعبيني ومخوفيني

الله الحافظ
وان شاء الله تولدين بالسلامة

 

[Om 3zo0oz_2011]

حبيبتي

انا تقريبا مثلج طول الوقت اوسوس بس ديري بالج انا صار فيني ضغط والحين تحسفت
ابيج يوميا تقرين سوره يس وايه الكرسي 7 مرات وان شالله ما تفكرين بهالاموووور وخليها علي الله ترى كل شي كتبه الله لا تحاتين

بالنسبه لعوار الظهر طبييييعي بس اذا الم قوي قوي ما تتحملينه راجعي الطبيب
والبطن اذا بجريه مايطلع باارز الا اخر الخامس انا اول مادشيت الخامس بطني صاار ياااابس بس لي الحين مالي بطن حيل يعني شوي بااارز

 

[مشموشته]

ارتاحي ولا تسوين اي مجهود ... و ارقي نفسج باستمرار

ربي يطمن قلبج

 

[طفلي حياتي]

رد : شيئين متعبيني ومخوفيني

مشكرين حبيبات قلبي ماتقصرون
عسى ربي يرزقن يويرزقكم ما تتمنون عاجلا غير آجل

 

[wawiya]

كل يوم قولي اللهم اني استودعتك نفسي وجنيني الذي في رحمي
بعدين البطن يكبر بنهايه الخامس تو الناس

 

[خليفة العظماء]

اول شئ الله يثبت حملج والف مبروك على الحمل

ثاني شئ انتي توج ماكملتي الثالث وتبين بطنج يكبر؟؟ لا حبيبتي زين اذا بين بسادس
وفي من رفيجاتي واهلي بتاسع مو بين انهم حمل اصلا,, من وحده لي وحده اختلاف كبير في ماشاء الله بطنهم حييييييييل كبير وفي ماكو شئ حيل صغير مايبين

وعادي انتي حامل اكيد بتتعبين ريحي نفسج ولاتسوين اي مجهود بس اهم شئ من اخر الرابع امشي لاتقعدين طول اليوم لازم الدم يمشي بجسمج عشان يوصل للبييبي وتحركين الدوره الدمويه

 

[خليفة العظماء]

اي نسيت اهم شئ الرقيه واذكار الصباح والمساء
يوميا اقري على نفسج وادعي ربج يتمم حملج على خير

 

[فله]

واااي ياقلبي ذكرتيني بنفسي اخيرا لقيت تبرير لوضعي انا مثلج بالضبط لاحسيت بفرحة الحمل وكله احس انه بينزل مثل غيرة او يكون خارج الرحم مثل اللي قبل واتعور من اي شي حتى دوام ماقدر
والله دخلت الخامس والبطن ماكاني حامل بس مغص وعوار ظهر
وصار فيني تبلد مشاعر خخخخخخخخخخخ تصوري لااخترت اسم ولافكرت بالولادة ولا التجهيز والحين ظهري مووووت ذابحني ماكاني انطر هالبنت من سنين
الله يثبت لي ولج ويفرحنا بلمة الضنا

 

[Zen&7ala]

رد : شيئين متعبيني ومخوفيني

حبيبتي لا توسوسين ترى مو زين

انا بالسابع و بطني ما كبر وايد ولا صار يابس ترى مو شرط

 

[aldanaha]

رد : شيئين متعبيني ومخوفيني

عادي انا بطني اساسا مايصير خشن بالمره ليما التاسع
وماكو شي والي اتعرضين له طبيعي

 

[ساره بن غريب]

حبيبتي كل الي قلتي عاااادي عوار الظهر شي طبيعي بس انتي لازم تريحين عمرج يعني انسدحي ورفعي ريلج فوق كوشايات اذا على بطنج ماطلع عادي في ناس مايبين عليهم انا بطني يبدي يكبر شوي بالسادس ولحين انا بالتاسع لو تشوفيني حييييل مومبين علي انا اهم شي لا توسوسين والله يقومج بالسلامه انشالله ويسهل عليج