شيرو علي أأجل زواجي والا لاا... بلييييييز طلبتكم رحم الله والديكم دشو

[عروسه النهر]

اللهم صلي على محمد وال محمد

<<< متسلفه العضويه وابيكم تساعدوني و تشورون علي
انا مخطوبه وراتب خطيبي 3000 ريال يعني تقريبا 300 دينار كويتي
وانتو عارفين ان الراتب حيييييييل قليل
وياليت على كده ,خطيبي ماخد قرض بأسم امه
يعني الحين يضل لينا 2000 ريال و1000 يعطيهم امه عشان القرض
انا من دريت اتأزمت نفسيتي يعني شنو 2000 ريال ماتييب شي
ومن بدايه خطوبتنا قالي خطيبي تطمني بعد زواجنا بخمس شهور امي ماراح تاخد منا ولافلس
قلتله اشلون مايبخلص القرض لانه 40000 ريال
قالي عادي قالت امي بس تبي مبلغ معين وبعدين اهي بتكمل الباجي
قلت ماعليه نصبر خمس شهور
والقهر ال40000 ريال احتاجتهم خالتي عشان تكمل المبلغ وتشتري الارض واهو عطاهم اياها
والحين نبني شقه صغيرووونه في بيت يده القديم وكل مره يطلب مبلغ بسييط واهو مستحي من امه عشان نكمل بنييان الشقه
والحين احنا في فتره تجهيز للعرس وانا وخطيبي نعاني موعارفين نشتري شنو عشان راتبه قليل حيييل
فكلمته بهداوه وجديه وقلتله كلم عمتي يمكن ماتخالف ولاتاخد منك 1000 ريال
يعني الف شنو بينقصها اذا ماخدتها منك واهي موظفه وراتبها مشالله عالاقل من بدايه عرسنا ماتطالبك بالفلوس
قالي وبأقتناع منه قالي طيب بكلمها
لما كلمها زادت المصيبه
خالتي قالتله ماتقدر ماتاخد منه الالف لانها داشه بثلاث جمعيات ومابتخلص الا بعد سنه وشهرين من زواجنا
تخيلو المووووقف
يعني مابدل مابنصبر وبنضغط على روحنا من الحييين لين بعد عرسنا بخمس شهور صارو سنه وشهرين
شنو هالبلوى ياربي
الليله كلمني خطيبي واهو متضايق وقالي انه امه ماتقدر الا ماتاخد
انا تضايقت حيييييييييييييييييييييل بس مابينت له وقمت اضحك معاه واسولف معاه عادي قلتله عادي يالله نتحمل
لاتقولون لي ساعديه لاني لسه طالبه في المدرسه وماعندي دخل ولاتقولون اوفر ولااطلب منه شي
ماعندي شي ولوبطلب شنو بطلب يعني
وانتو عارفين هاليومين 2000 ريال اهي فواتير كهربا اهي فواتير ماي جوال ماجله البيت وملبس اااخ بس اااخ
وبعد لواحمل في بدايه زواجنا اوووووه بنعيش في قحـــــــــــــط
انا الحين قلت مدام جديه وبنضغط على روحنا شسوي
والمشكله ان بيت عيالي بينبو بيت وفيه شقه لنا ,من وين بنيب فلوس الصبغ وباجي الاثاث ..............الخ
الحين افكر ان نأجل العرس شسوي لحد مايجمع له مبلغ اشوي صح انه بيكون مبلغ بسيط بس احسن من ماكو
اشرايكم بسالفه التأجيل
شيرو علي لو انتو مكاني ايش بتسوون لان اكييييييييييييد بنحس بضغط وتوتر واعتقد بتصير حياتنا كلها هواش عشان المصرف
فقلت لونصبر اشوي ونأجل موعد الزواج بيكون اهون
رحم الله والدين اللي بترد علي

 

[ماركة انثى]

رد : شيرو علي أأجل زواجي والا لاا... بلييييييز طلبتكم رحم الله والديكم دشو

الله يعينج ياقلبي

 

[ياعزوتي]

اي والله اجلواااااا العرس

حالتكم حييييييييييل

كسيفه

انطرواا لين اتعدل وضعكم حتى ولو بعد سنة واتخلص الست هانم امة من هالجمعيات

والله يكتب اللي فيه الخير حبيبتي

 

[tbola]

رد : شيرو علي أأجل زواجي والا لاا... بلييييييز طلبتكم رحم الله والديكم دشو

هلا اختي الله يكون بعونج وعون زوجج صح كلامج حاولي تاجلينه لين الله يسهلها عليكوم

وانشالله البنات يفيدونج

 

[ايمان 24]

تزوجي وتوكلي على الله ومحد يموت من الجوع
وان شاء الله البنات بيفيدونج ..
تقبلي مروري ..

 

[Tulips]

رد : شيرو علي أأجل زواجي والا لاا... بلييييييز طلبتكم رحم الله والديكم دشو

حبيبتي قوليله خل يدور شغل ثاني اضافي عشان يوسع على نفسه حتى لووو بشي بسيط

والله يفرجها يارب عليكم

 

[نبض الغلآ]

هلا وغلا حبيبتي
لازم تاجلين العرس حرام راح يصير ضغط عليه المعرس مسيكين
امه من جهه والعرس من جهه
اجلي ليمن يتحسن الوضع شووي
صدقيني هالوضع مراح يناسبك لتزوجتي بتصير حياتكم كلها مشاااكل
اجلي شووي وخليك عند اهلك احسن لك لين يتحسن وضعه وعقبها عسى ربي يوفقكم
ويفكم من شر امه

 

[جنان كويت]

رد : شيرو علي أأجل زواجي والا لاا... بلييييييز طلبتكم رحم الله والديكم دشو

شوفي حبيبتي والله لو ما عنده الا 100 ريال دامه انسان خلوق وشاريج صدقيني راح تنسين مسئلة الفلوس

ياما متزوجين عندهم خيررر من الله ومع هذا مو مرتاحين

استخير الى ماتنام عينه وهو بيدلج عالطريق الصح

والله يوسعها عليكم بإذن الله

 

[عروسه النهر]

رد : شيرو علي أأجل زواجي والا لاا... بلييييييز طلبتكم رحم الله والديكم دشو

مشكورين حبايبي والله موعارفه شسوي اكتب وابجي بنفس الوقت
المشكله شغله لويعرفون انه يشتغل بشغله ثانيه راح يطردونه زي ماسوو في رفيجه لانه كان يشتغل شغلتين بنفس الوقت
يعني لايرحمو ولايخلو رحمه الله تنزل
حسبي الله ونعم الوكيل فيهم

 

[G!RLooNa]

امبيه تعيشون علا ٢٠٠ دينار؟؟ شتكفي ال٢٠٠ اذا بتاخذين ماجله الشهر من الجمعيه هذي ١٠٠ و غير المصاريف الثانيه

اجلوا احسن لكم تاجلون و اذا يقدر يلقاله وظيفه ثانيه احسن

 

[*ريما*]

رد : شيرو علي أأجل زواجي والا لاا... بلييييييز طلبتكم رحم الله والديكم دشو

تزوجي وتوكلي ع الله
بس حاولي انة ماتحملين الا لما تتعدل الامور

 

[G!RLooNa]

توني اقرا ردج

ما يقدر يشتغل شغله ثانيه

الله يفرجها عليكم انشالله بس المشكله انتي قلتيله عادي ما ناجل

 

[غلاي غير]

اجلي سنه وادعي واستغفري وان شاء الله بتنحل الامور وبتنفرج

 

[على الطيب تربيت]

رد : شيرو علي أأجل زواجي والا لاا... بلييييييز طلبتكم رحم الله والديكم دشو

أنا أقووول ياحياتي توكلي على الله وتزوجي وربي يرزقج من حيث لاتحتسبين

وصدقيني العبره مو بقلة الفلوس وكثرتها العبره بالبركه وحسن التدبير أنا معاشي حيل زين وكذلك زوجي ولكن تمر عليها أشهر تخلص فلوسنا باول الشهر ومرات لا تتم للنص ومرات تتعدل يعني كذا وكذاك

انتي توكلي ياحياتي ولاتحاتين الرزق بيد الله وانتي ادعي ان الله يسخر لج ناس توقف مع رجلج وخاصه امه واهله
وانتي كملي دراسه وتوظفي وعيني رجلج بتقعدين تأجلين ليش ؟
وش ذنب رجلج ؟

تذكري الرزق بيد الله وحده وعليج بالإستخاره ياحلوه

 

[دوت نت]

استخيري

 

[عروسه النهر]

رد : شيرو علي أأجل زواجي والا لاا... بلييييييز طلبتكم رحم الله والديكم دشو

ام عبادي
تسلمين غناتي كلامج ريحني
انا اخاف اتسرع واقوله خل نأجل ويتضايق اكثر من اللي اهو فيه
بس المشكله قاعده احاتي اقول بنعيش على 2000 ريال شنو بتكفي , وعيل فلوس بنيان الشقه اليديده من وين بندفعها واشلون بنعيش خلاص راسي بينفجر من كثر التفكير موعارفه شسوي بعمري يعني لوخالتي موماخده الالف عالاقل اهووون الالف تفيد للي زي حالتنا انا وخطيبي
ربي يفرجها علينا يارب
دعواتكم

 

[عزتي مالها حد]

رد : شيرو علي أأجل زواجي والا لاا... بلييييييز طلبتكم رحم الله والديكم دشو

استخيري
عسى ربي يكتب لكم اللي فيه خير لكم

الله يوفقج ويسعدج

 

[عروسه النهر]

رد : شيرو علي أأجل زواجي والا لاا... بلييييييز طلبتكم رحم الله والديكم دشو

رحم الله والديكم وبرد الله خاطركم ومشكورين عالدعوات الحلوه مثلكم في ميزان حسناتكم ان شالله

دعواتكم لي بالفرج

 

[رااميس]

رد : شيرو علي أأجل زواجي والا لاا... بلييييييز طلبتكم رحم الله والديكم دشو

انا اقول تاجلين افضل

 

[نبض انثى]

اجلي افضل ,

والله يفرجها علييكم ياارب

والله يغير حاالكم

موفقه حبيبتي