شيش طاووق !!! ضروري

[Zen&7ala]

قوه بنات

انا بسوي شيش طاووق و بحطه بالفرن

ابي اعرف جم دقيقه و الحراره جم؟؟؟

ما اعرف بهالسوالف منو تقدر تفيدني !!

 

[جارة القمر]

تفضلي طلبك::
http://www.q8yat.com/t731372.html


http://www.q8yat.com/t171278.html

المقادير:
صحن صدور دجاج
2 بصلة كبيرة
2 طماطم كبيرة
2 فلفل رومي أخضر



مقادير التتبيلة :
نص ليمونة كبيرة
علبة زبادي
2 ملعقة خل أبيض
3 فصوص ثوم مهروس
ملعقة صغيرة ملح
ملعقة صغيرة بهارات الكاري ( أو أي بهارات )
2 ملعقة زيت
نص ملعقة صغيره فلفل أسود
ملعقة صغيرة كركم

سلطة الطحينة :
علبة زبادي + 4 ملاعق طحينه + ملح + ليمون + شوية كزبرة مفرومة..
البطاطس المشوية :
2 حبة بطاطس كبيرة .. تقطع لأنصاف و تنقع في موية وملح وخل لمدة ساعة .. بعدها نصفيها ونحطها في صينية ونرشها بالزيت + الملح + الفلفل + الاوريغانو ..



بعدها نشويها في الفرن لمدة نص ساعة أو ( حسب الحاجة ).. وهذا شكلها قبل أدخلها الفرن

الطريقة:
1/ نخلط مقادير التتبيلة مع بعضها ونقطع الصدور مكعبات كبيرة وننقعها في التتبيلة لمدة ساعة على الأقل ( أنا أسويها من اليوم اللي قبله واخليها في الثلاجة )

2/ بعدها نقطع البصل والفلفل الرومي والطماطم مكعبات بحجم قطع الدجاج ..

ونبدا نشكهم مع قطع الدجاج في أعواد الشوي ( الخشب ) وترشينها بشوية زيت بهالشكل :

الكمية هذي تسوي لك ( 8 أسياخ ) .. أنا قسمتها على صينيتين ...


3/ بعدها تحطين الصواني في الفرن تقريباً من نص ساعة لساعة الاربع .. مع التقليب المستمر ( عشان يتحمر الدجاج من الجهتين ) ..


4/ اول ماتطلعينها من الفرن .. تجيبين 2 فناجيل قهوة ( (لان أنا استخدمت صينيتين ثنتين ) .. تغلفينهم بقصدير وتحطين في كل واحد منهم شوية زيت .. وتحطين كل فنجان في صينية ..

5/ تولعين النارعلى ( فحمتين ) .. بعدها تحطين كل فحمة في فنجال وتكتمين الصواني بسرعة بقصدير .. عشان الدجاج ياخذ ريحة الفحم من الدخان اللي يتصاعد ..


6/ خليها عشر دقايق عشان تاخذ النكهة بعدها قدميها مع الرز الأبيض أو البطاطس ( على راحتك ) ..
وهذا شكلها النهائي ..

منقووووووووووووووووووووووووووول

 

[bint_looda]

انا احطه ساعه الا ربع تقريبا على 180 واحسه زين بس عاد انتي لازم تديرين بالج عليه باخر ربع ساعه لان على حسب القطع وحجمهم وتحبينهم محمشين ولا بس مستوين