شيكي على مطبخج ودير بالج من تنظبف الخدامه

[اسيرة زوجها]

قوه ياحلى كويتيات



شلووووووووووووونكم



الموضوع ومافي مابي اطول عليكم



بس انا لما يبت خدامتي علمتها اساسيات وراقبتها جم من يوم وعقب طنشت لان لهيت بالدراسه وبمجابل ولدي

وامس قلت لها غسلي المطبخ عدل قبل ماتنامي لان كل يوم تخسله واحس ريحته مو شي

تخيلوا بشنو غسلته بماي صابون لولو بس ولا ياليت سوت شي اول مخلصت شفتها تعبانه قلت روحي نامي

دخلت المطبخ ولا ممثل ماهو بس الارض متبلله والريحه ريحه طباخ دورت الفرشاة بطلت الكبت اللي تحت المغسله ولا الاخت عافسه المنظفات مع الحليب مع الزيت مع مع الخ ويييييييييييييييييع
المهم رتبت الكبت وسكرته

وطليت تحت الكبتات ادور وين حاطه الفرشه ولا انصدمت غبار ووصاخه وووووووووووويع لعت جبدي شلون غسلت هذا غير ان فوق الجوله الصقف مدبق وقلت عادي الين اشتري درج وعقب تنظف وقلت خل اجر الجوله لها عشان تخم وترد تغسل باجر ولا الاخت متغسل تحت الجوله هم وصخ



الصراحه لعت جبدي كرهت نفسي مانطرتها رحت بدلت ولبست قونتي وتلثمت وكبيت فلاش بالارض وفركت عدل مدل وشطفت الارض
وركبت عالكبت ورشيت مزيل الدهون عالسقف ونظفته وخلطت فنش مع كلوركس وديتول وفركت الككبتات عدل وسلة المواعين وحطيت ليمون وملح وماي حار وفانش ونقعت عيون الغاز وعقب فركتهم بفيري وجف وشطفت الارض بمايي وديتول وطلعت وبعد شوي رديت حسيت بنظاف وريحه تهبل واهم شي اني تاكدت من نظافه المطبخ والصراحه الخدامه مهما تعلمينها ماعليها تكله ولما يت الصبح وريتها ثاني مره وشخطت فيها وقالت لي ماما انتي ميقول فركي فركي انتي قول غسلي مطبخ بس مع اني موريتها قبل بس لازم اوقف على راسها واسرد لها القصه من جد وجديد:krkrkr:​

 

[نواااال]

الله يعينج صج هالخدامات يبيلهم مقابل مو تقولين لهم وطنشين انا خدامتي خليتها عند امي
فتره وطلعت عيونها علمتها كل شي عدل​

 

[ريكاتو]

صاجة اختي عيزت وانا اعلم الخدامة تمشي على كلامي يومين وبعدين شوفي الوساخة بس شنسوي انا الحين متحملة لأني تعبانة من الحمال والثقل ما اقدر انظف عدل
بس صج الله يعينا

 

[روقاء]

الحال من بعضه يا حبوبات
كلنا عندنا هالمشكله هذي اذا صدينا عنهم لقينا بلاوي متلتله هههههههههه
الله يعين

 

[منارو]

الله يعين نفس معاناتي
المشكله ما يسوون شي من كيفهم لازم تقولين

 

[مغيب الشمس]

الله يعينا بس الخدم لازم متابعه ما يعطون من قلبهم يبون الفكه ههههه

 

[++الود++]

نفس حالتي لها ثلاث سنوات الخادمه عندي واتغيشم مالها خلق خليتها لتصريف الشغل اليومي بدل مااعور راسي معاها وانا قمت كل نهاية الاسبوع دام ماعندي دوام ادخل المطبخ واهي معاي وتنظيف شامل

 

[احساس طفلهـ]

مشكله تعانى منها كل وحده الاخدم ماعليها اعتماد ابد

 

[r0o0oz]

اي والله حتى اعاني من نفس المشكله

​

 

[& دلوعه زوجها &]

الله يعيييييييييين

 

[ودي***أفرح]

أنا نفس مشكلتج ........مليت من الحنه أعلم وماكو فايده ......حتى زوجي يقولي اذا طيرتيها ما لج امل اجيب لج وحده ثانيه

 

[برونزية رشيقة]

نفس سالفتي بالضبطططططططط ... ويا ويلي إذا شخطت فيها تمد البوز وتههدني (( إذا ما تبيني رديني المكتب هذا شغلي )) أففففففففففففففففففففف الله ياخذهم إبتلشنا مع القانون الزفت اليديد ماكو تحويل إقامة تبتلشين بالخدامة إللي عندج أو تسفرينها حسبي الله ونعم الوكيل علي إللي طلع هالقانون !!!!

 

[D e W]

الحال من بعضه


خلاص انا تعلمت ما اتكل عليها...لازم يوم بالاسبوع اقعد واعطيها اوامر اعلمها شلون تغسل المطبخ بالحررررررررف و بضمير ..وباقي الاسبوع عادي متكله على غسيلها...ولااااااااااازم قوووول ومراقبه ولا ماكو تنظيف بضمير !!

 

[مــريــومــه]

والله كلام 100 %
والله شغالات بلوهاااااااااا

 

[ملح بدويه]

الله يعطيج العافيه

صج ماعليهم تكله

 

[إستبرق]

لا والله الحمدالله انا تعودت خدامتي اني اجيك عليها كل يوم وساعات اخليها تحس بالامان يومين ولا ثلاث وارد اجيك واحط علامات واشياء عشان اعرف نظفت هالمكان ولا لا والحمدالله كل شي عال العال والمنظفات درجهم غير الزيت وهالسوالف وانتي الله يهداج مدام متراكمه الدهون وتحت الكباته غبار معناته انج ماتجيكين عليها صار لج فتره طويله واكيد هي تشوفج ماتجيكين فمايهمها