السلام عليكم ورحمة الله وبركاته
صبحكن الرحمن برضاه
***** ياطالـــــــب الدنــــــــيا *******
ياطالب الدنيا تبى منها الاطمـاع
منفذٍ ثوبـك وتركـض وراهـا
لاتحسبن الرزق يوخذ بالاسراع
تتعب ولا أنته بلاحـقٍ منتهاهـا
ان طعنتني خلك شكورا وقنـاع
النفس لاتمدي لها فـي هواهـا
ليا عطتك الشبر لاتطلب البـاع
وليا عطتك الوجه خف من قفاها
كم واحدا يشري يبي الربح ماباع
مالت عليه وحاجتـه ماقضاهـا
ميلاتها ما خلت النـاس هجـاع
اياك وإيـا واحـدا مـا بغاهـا
وينه وين جنوده اللي له فـزاع
اللي على الكفـار دارت رحاهـا
خلا هلا الاصنام للحـق ركـاع
حسن شواربها وسبـل لحاهـا
ماعاد لصحابه سمي على القاع
الا عظامـا طيـب الله ثراهـا
راحو وقفتهـم صماصيم الادراع
فرسان نجد شيوخها وزعماهـا
ولها على دار المقيمين مهـزاع
مادهدمـت بحفورهـا ماكفاهـا
الله يهدينا على خيـر الاسنـاع
وانه يريح قلوبنـا مـن شقاهـا
ويجعل منازلنا رفيعات ووسـاع
يوم الجوارح تعترف في خطاهـا
الشاعر : صحن بن قويعان المطيري
بصوت: النايف وشالح العتيبي
للاستماع للشيلة:
http://x20x.com/berry/puk76771.mp3
( مما اعجبني فنقلته لكن )
