شيلوا همي الله يشيل همكم

[cavallia]

صباح الخير انا بصراحه صارلي 3سنين اعاني من تأخر النطق عند ولدي وعمره الحين 6سنوات وكلامه الحين كلام واحد عمره سنتين ونص واهوا الحمد لله ذكي ومافيه اي خلل ذهني ووديته لدكتوره مدينه صادق جمعه وعطته جلسات لمدة 4شهور وبعدها تفاجأة بسكرتيرتها تتصل وتقول والله كنسلنا اسم ولدج لان الاولويه للي مايتأخرون على الجلسات (مااعتقد ان هاذي اخلاق دكتوره؟؟) على سبب تافه تكنسل ولدي ...المهم غير النطق قام اي صبى مايلعب معاه يطقه مادري ليش وخصوصا بالمدرسه وانا خايفه لا المدرسه ترفضه لانها زينه ...عفيه اللى عنده حاله مثل ولدي اتمنى تفيدني ويزاااها الله الف خير:0bee2e8d89:

 

[الصابرة المحتسبة]

السلام عليكم
وياهلا فيج بينا ,, انا من رايي انج تروحين بنفسج للدكتورة وتفاهمين معاها لأن الإنسان تجبره ساعات ظروف ,,, وليش تخافين ان المدرسه ترفضه انتي تواصلي مع الإدارة وفهميهم وشوفي وين السلبيات وعالجيها ,,,, وتقدرين تقربينه بينه وبين ربعه ان يوزع عليهم لو شي رمزي حيل أو حفلة صغيرة بعد موافقة الإدارة ويحطون الكيك والشغلات اللي يحبونها اليهال وشوي شوي بحبونه لأنهم توهم صغار وبسرعة يتقبلون الشغلة .وانشالله بنسمع أخبار طيبة وتفائلي بالخير تجديه.

 

[cavallia]

مشكوره على ردج لي ... بس كل اللى قلتيه سويته بس ماكو فايده صاير سلوكه شبه عدواني ويغار من اللى يتكلمون معاه بالصف

 

[أم عبووووود]

مشكوره على ردج لي ... بس كل اللى قلتيه سويته بس ماكو فايده صاير سلوكه شبه عدواني ويغار من اللى يتكلمون معاه بالصف

حبيبتي حاولي تدورين الاسباب اذا هو تغير طبعه معناته ان في شي مأذيه مو معقولة بدون سبب يتغير ودايما ادعي له يمكن احد من اليهال مضايقة وشوفي لازم يصير تعاون بينج وبين المدرسة علشان يتعدل سلوكه وان شالله شوي شوي راح يتعدل

 

[الصابرة المحتسبة]

قعدي مع طفلج وحاوريه واول ما تكلمينه علميه عدل انج تحبينه وما تحبين تصرفاته اللي قاعد يسويها وحطي شروط انه اذا طق او تعدى على ربعه راح ينحرم من شغله يحبها ( يغار من اللي يتكلمون معاه بالصف) وافهمت اشلون يعني؟ شنو اللي ناقصه ولاقيه عند غيره , ترى اليهال حتى لو ماكو شي ناقصهم بس تلاقين شغله مو بالبال وتافه يبيها او يتمناها.

 

[cavallia]

يغار من اللى يتكلمون لانه نطقه متأخر ودايما ينادونه بالاطرم ويضحكون على كلامه........يكسر خاطري ..الله يعلم اني ماخليت شي ماسويته له عشان يتعدل بس ماكو فايده

 

[أم عبووووود]

يغار من اللى يتكلمون لانه نطقه متأخر ودايما ينادونه بالاطرم ويضحكون على كلامه........يكسر خاطري ..الله يعلم اني ماخليت شي ماسويته له عشان يتعدل بس ماكو فايده

حبيبتي ادعي رب العالمين ان يشافيه لج

ودام ان ربعه يضحكون عليه هذا سبب يخليه يصير عدواني ويطقهم حاولي تروحين المدرسة وتكلمين الاخصائية النفسية اللي هناك وراح تساعدج عالاقل يصير العلاج مشترك بينج وبين المدرسة

ربي يحفظة لج ويخليه

 

[الصابرة المحتسبة]

يغار من اللى يتكلمون لانه نطقه متأخر ودايما ينادونه بالاطرم ويضحكون على كلامه........يكسر خاطري ..الله يعلم اني ماخليت شي ماسويته له عشان يتعدل بس ماكو فايده

الحمدلله وانشالله باذن ربي يتعافى ويقر عينج عاجلا غير آجلا

 

[نونا العتيبى]

أختي كفالي الله يعينج ,بس أذا الدكاتره قالولج ما فيه شي لا تحاتين ,لأن ولد أختي نفس ولدج بس العكس

كان أنطوائي والحين عمره 9 بس ماشاالله عليه أنطلق ما يسكت ,وبعدين روحي عند دكتور تخاطب ثاني

وبالنسبه للسلوك أنصحج تودينه عند دكتور جاسم حاجيه (أخصائي نفسي)للأطفال وايد شاطر

ويمكن يفيدج

 

[cavallia]

ماقصرتوا ام عبود........الصابره المحتسبه.........نونا العتيبي.....بس وين عياته د.جاسم حاجيه وجم رقمه

 

[الصابرة المحتسبة]

د.جاسم حاجية (اطفال) 25715410