شييب معاي بولادة رفيجتي اقترحو علي هديه بليز :(

[lil kitten]

السلام عليكم بنات

بدش الموضوع سيده :eh_s(7):

بنات آنا رفيجتي انشالله اليوم آو باجر والده باذن الله بالصحه والعافيه يارب :yaaaaaarb:

هالبنت مو بس رفيجتي بعد اخت خطيبي يعني مو اي وحده:eh_s(7):

بنات آنا اول شي محتاره ازور بالمستشفى ولا بالبيت

مو مهم الحين آذا زرت بالمستشفى شنو آيب معاي، المعروف ان ورد او ككاو اذا مستشفى

واذا بالبيت كل وحده تيب اللي بخاطرها هديه، البنت ماراح اتسوي يوم للاستقبال.
يعني عادي بالنفاس اللي كل يوم احد يمر عليها ويتحمد عليها بالسلامه.
فاذا رحت للبيت شنو اشتري هديه؟

كل مره اعتمد على امي خخخخخخ
بس انا من رفيجاتي مو وايد متزوجين الا ٣ وبس وحده ولدت والحين رفيجتي هذي
فمادري شنو اشتري. ماعندي خبره بهالسوالف كله امي اذا احد وحده ولدت اهي تشتري وتعرف شنو تاخذ معاها

انا انشالله باجر او اللي عقبه لازم اكون رايحه وشاريه ومخلصه

بليز ساعدوني

عطوني اقتراحات شنو اشتري ،اغلفه اذا رحت للبيت مو المستشفي

آبي شي يوجه ويبيض الويه< لان مو بس رفيجتي لانها اخت ريلي

يارب تسهل عليها ولادتها وعليكم كلكم يارب امين وتفرحون بضناكم يارب:yaaaaaarb:

احبكم فالله:eh_s(7):

 

[بخـــارى]

شنو فيها
بنت ولا ولد

 

[الأميرة جوري]

لرفع

 

[فاقده ابوهاااا]

اختي الحين محد يودي هدايا من ملابس ولا ذهب الام تكون شاريه كل شي والياهل ترس هدوم عنده انا لكل وحده حامل احطلها بالظرف فلوس وخلاص عندج بمستشفى رويال حياه اول ما تدشين صوب اليسار محل كاكاو في توزيع للبيبي وعنده توزيع مصحف اينن وايد حلو اخذي حبه منه وحطي الفلوس تحت المصحف وعطيها عاد لا تحطين تحت 100 دينار فشله دامها حماتج

 

[بربيره]

١٠٠ وايد احنا نعطي ٥٠ اذا حماتج و رفيتج ٥٠ حلوه بس حسب كل عايله واذا رفيجتج تستاهل و عندج ميرانيه عطي ١٠٠ بس احنا عندنا شي شاذ ال١٠٠ لوووول

 

[فاقده ابوهاااا]

لا هذي حماتها لازم 100 وفوق انا رفيجاتي ما اعدي 50 دينار بس وحده من الاهل فشله تعطيها 50

 

[زين ودلال]

50 دينار زين شدعوه 100 !!

 

[lil kitten]

هلا فيكم حبايبي

مشكورين علي هالردود الحلوه فديييتكم


انا معاكم انا فكرت بسالفة الفلوس بس مادري مافكرت فيها وايد لان كله امي تسويها خخخخ

انا توني علي هالسوالف معارف مثل ماقلت لكم كله اعتمد على امي

اممممممم شكلي انشالله بسوي مثل ماقلتو

واهي فيها ولد بآذن الله

 

[lil kitten]

انزين الحين مارسينا احط ١٠٠ ولا ٥٠؟

حدي عليميه تحملوني حبايبي

انا بجر امي فماعندني خلفيه بهالسوالف

انزين ماحط شي مع الفلوس بالظرف٫ يعني بشكل يكون مرتب
مثل ماوحده قالت مصحف صغير او شي

هفيه عطوني فكره ذربه

اي وانا طالبه جامعيه يعني مو متوظفه بس بشوف الميزانيه اذا اوكي بحط ١٠٠ واذا شوي مضغوطه بحط ٥٠
هذا بجرها وفيها ولد

 

[AVE.NJ]

طبعا فلوس حسب ميزانيتج
بس اهم شي طريقه التقديم الحين يحطونه بصندوق او معاه بوكيه صغير
او روحي بوابة الهدايا تعطيج فكرة حلوه
هذا الابهار مثل مايقولون

 

[souhaila]

اشريلها دبدوب يكون ذرب و حلو و غلفيه بشكل مرتب وحطيلها بالضرف ١٠٠ ولا ٥٠ حسب الميزانية
وحدة من صديقاتي عملت شذي و اكثير انبسطت
بنتي ما تلعب الا بهاذالدبدوب لانه حلو و ناعم
والفلوس حلوين لانه الوحدة مع التجهيز تكون شارية كل شيء

 

[ScarletteO'Hara]

احسن شي الفلوس

 

[بربيره]

طالبه حطي ٥٠ مناسب حييييل انا بجر اكثر شي عطوني خمسين و القراب حيل مححححددد عطا اكثر لان ١٠٠ وايد احس خاصة و انتي طالبه

و حطيه بصندوق صغيرون و كتبي كرت صغيروتو و حطيه بالصندوق. و ريحي نفسج و اذا بتمرين مستشفا اخذي حلوو شوفي انا لما ولدت احس اذ شي يابوه كان حلو قهوه بصينيه و كانت صينيه ذربه روووعه عجبني حتا باستقبالي طلبت نفس الي يابولي ياه لوووول

 

[بربيره]

حلو القهوه من الخباز و سعره ما اذكر شي و عشرين

 

[رسولة]

حبيبتي ككاو اهي اكيد مسوية اذا بتعطينها 100 روحي بوابة الهدايا يغلفونها على شكل شجرة اعود واخرها الفلوس وخلي يحطولج دبب وواحرف new born وايد ذرب وحلو

 

[رحيل]

اشدعوه100 احسها مجامله واضحه الله ماكثر الهدايا اللي بمذر كير اييبون لج مجموعه اغراض بيبي مغلفه وهم فكره الفلوس حلوه ومانصحج تعطينها فوق. ال50 دينار خصوصا انج طالبه حدج 50 وتحت عن المجاملات الزايده انا يوم مرت حماي ولدت عطيتها خمسين لانها تمون علي وقريبه مني واستانست