شي انفرض عليج(لاحول ولاقوه لج)

[غراوي]

اتمني تكونون بافضل حال

عندي سوال صغيرون

شنو الشي اللي انفرض عليج من اهلج او زوجج واطريتي تسوينه مجبوره و منتي حابته
*مابي شي انجبرتي عليه من الدنيا او المجتمع (((لا))) ابي شي صدر من اهلج

 

[PuPa^^SWeeT]

همممممممممممممم



شي انجبر من اهلي ولا زوجي




مايخطر اببالي شي




اذا خطر برد لموضوعج



بي حبيت ارفعه لج

 

[لحظآتَ]

إمممممممم انجبرت يعني سويته بالغصب ؟!

شوفي صراحة الكلية اللي انا فيها بالتخصص اللي فيه دخلتهم تحقيق لرغبه ابوي

ولا انا شخصيا ماابيهم ولا كانوا ببالي بيوم من الايام

بس تفكير ابوي الله يهداه غريب شوي وما حبيت ازعله .... ويالله كاهي الحياه ماشية .... ما مت ولا صار فيني شيء ... الحمدلله

الزبدة ساعات الواحد ممكن يطوّف عشان المركب تمشي ...

 

[KOKO_284I]

عباية الراس امي اجبرتني عليها وما كنت احبها ولبستها سبب ضغوط امي

بس الحين من تزوجت وانا البس عالجتف .. لان للحيني عند قناعاتي ...

 

[الهنوؤوفـ]

اممممممممم شي انجبرت عليه

ما اتذكر الحين

امممم شو ياربي

لا اله الا الله محمد رسول الله

 

[دلوعة أبوهآ]

موضوع حلوو ..,


متآبعة : )

 

[الزورق222]

شى انجبرت واكون تضايقت منه لحظة افكر اتذكر مااتذكر شى انجبرت عليه !!
هو قرار من والدى ان نترك الكويت ونرجع للسعودية بالرغم من محبتى للسعودية لكن عندما تعيش طفولتك فى الكويت ويزرعون محبة الكويت فى قلبك وبعدهاا يقولون لك مو هذى ديرتك صعب الموضوع ويحتاج لسنوات حتى تتاقلم على المجتمع السعودى وللحين اشعر بغربة فى وطنى لكن مثل مايقولون مافيه فرق بين هالدولتين وحتى المسافة قريبة لو اشتقت لهااا رحت لهاا بخميس وجمعة .. هذا هو الشى الوحيد الذى اجبرت عليه ..

 

[Patcholli]

الحمدلله مافي شي جايد انجبرت عليه لان شخصيتي جدا قويه وماسكت عن حقي بس اللي انجبرت عليه من زوجي عقب الزواج اني البس فلات واهد الكعب :× << هالنقطه نسيت اتفاهم عليها قبل الملجه ..

لوول

 

[قمر بيت أبوها]

أولا انجبرت علي التخصص لان امي واخواني رفضوا ادرس بعيد (مو برا السعوديه بس برا منطقتي )
وابوي توترت اعصابه من هالنقاشات فدخلت هالتخصص مااقول شين بس مااطمح له ولا راح ابدع فيه
ثانيا اني أسلم علي وحده أكرها كره والله وانا اسلم اقول جعلك ماتسلمين
طبعا لو ماسلمت اهلي بيزعلون علي
هذول بس اللي انجبرت عليهم من قبل أهلي الله لا يحرمني منهم ولا يحرمني برهم

 

[ســديم]

كل شي مع اهلي بالغصب

1-الكليه,, وبالتالي التخصص << لان الكلية اللي دخلتها تخصصاتها قليله<< كان اختيار ابوي لان مايبيني ادخل جامعات يقول كلها قلة حيا :ch12:

2-اني اقعد بالبيت ماشتغل بعد ماتخرجت,,
3-اني ماطلع من البيت كلش
4-حتى الاكل امي تقرر وش آكل وش مآآكل :eh_s(1):


مو ضعف شخصيه والله,, بس اهلي متسلطين ومتحكمين,, وانا كبرت وخلاص احس ماعاد فيني حيل زي اول اناقش واطلب شي خلاص سلمت امري لله شسوي

 

[حنان الحربيه]

امممممممم مافيه
انا من صغري شخصيتي مستقله ماحب احد يفرض كلامه على
واذا طلبو مني شي اخهم بالحوار والهداوه
لحد مايقتنعون بكلامي

 

[فطوم 84]

الدوام المختلط بالبيت لازم وظيفه بس للنسا فقط يعني تكون بس للحريم ومكياج الاوفر ممنوع وانج ماتطولين برا البيت ويعني الاهل يفرضون عليج شغلات ولازم بالاخير تقتنعين لانهم ابوج وامج جنتج ونارج وباجي لا. سهالات وفيه مجال تحاورينهم. الحمدلله وصدقيني الاهل علي كثر مايخافون علينا انا اشوف وياهم حق بزمن كثر الفساد ويعطيج العافيه علي الموضوع الحلو &&&

 

[درة أهل الطولات]

انمممممم مافي ببالي شي

 

[manoooram]

الحمدالله ما أذكر ان في يوم من الأيام من أهلي ولا من زوجي انجبرت على شي
لأن كل شي بالتفاهم واثبات وجة النظر يصير الا ما شاء الله

 

[ترانيم القصيم]

فيه شغلة حبايبي ,,

لما الأهل يجبرون البنت على شي يصب في مصلحتها دينيًا و دنيويًا هذا إجبار ( إيجابي ) مهوب سلبي ,,

فما له داعي الإمتعاض و التأفف و التذمر من شيء يدخل في مصلحتك ,,

وش السواة إذا كنتِ أنتِ ما تفهمين مصلحة نفسك ؟ ضروي الأهل يتدخّلون و يلزمونك على ما فيه خير و صلاح لك في أمر دينك و دنياك ,,

و في الحديث : ( كلكم راعٍ و كلّكم مسؤولٌ عن رعيّته ) ..

على سبيل المثال قضية الحجاب ,,

أنا حقيقة أؤيّد الأب على إجبار بنته عى لبس الحجاب و أؤيّد الأم على ذلك و أشدد على أياديهم الكريمة الطاهرة .. و أقول لهم كفو عليكم إلى الأماام و القلب داعي لكم

لأن ضرر السفور ما يعود على البنت السافرة فقط و إنما يعود على المجتمع كذلك حيث سيتفشّى الفساد و تتأجّج الفِتَن و تُستثار الغرائز ,,

و كل وحدة تشوف الثانية طالعة سفور تبي تقول يللا هذي فلانة سفور و هذي علانة سفور ما فيها شي لو صرت أنا سفور كمان ,, !!

و هكذا كل وحدة تشجع غيرها على الحرام من حيث لا تدري ,, و يوم القيامة يا أختي أبشري بأوزار على ظهرك !!

ما أدري يعني تبين تطلعين سفور و تفسدين البنات و الشباب ؟

لا تجي وحدة و تقول أصلاً الشباب يشوفون حريم عاريات في النت و غيرهـ و غيرهـ من هالحكي السقيم !!

لما يشوف صورة ( غير ) و لمّا يشوف البنت ( عيانًا ) غير ,,

و ما يخفيك إن لما يشوفها عيانًا يكون أقدر على ممارسة الفاحشة بها ,,

و يمكن يكون الشاب ملتزم ما يطالع حريم ,, شاب يخاف من ربه و ملتزم بأحكام دينه ,

تجين أنتِ سافرة و ميك آب و عطر و حركات و تفسدين عليه دينه و عفّته ؟ وش تسوى عليك لو رفع إيدهـ و دعى عليك ما ترجعين بيتك إلا و أنتِ متقطعة بحادث سيارة ؟

على بالك سهلة لما تفتنين رجال و إلا بنت ؟

أنـا لو وحدة فتنتني في معصية من المعاصي ,, ما أسامحها و احتمال أدعي عليها !! إلا ديني ما أرضى أحد يقرب له !!

الواحد يتعب عشان يحافظ على دينه ,, تجين أنتِ بكل سهولة و تخربين هذا كله ؟

بتقولين ليش يطالع طيب ؟ نقول يا أختي شافك بالغلط ,, و انفتن فيك ,, هذا من يتحمّل إثمه ؟ أنتِ صح ؟

أستغرب بصراحة من الأخوات آللي كذا !!

و يا ليت تراجعون هذا الموضوع ضروري أخواتي و حبيباتي الكريمات الطيبات /

تقول إنها ما تبي تتحجب ! و السبب إنها غير مقتنعة ! ( تعالوا بسرعة )

http://www.q8yat.com/t987956.html

احترامي و تقديري

ترانيم القصيم

 

[جيرازksa]

يمكن الشي الي انجبرت عليه اني ادخل كليه لاني مانقبلت بالجامعه وكنت بدخل انتساب بفلوس بس بابا جبرني ادخل الكليه دام اني مقبوله فيها منتظمه.

وبالاخير اقول
( عسى ان تكرهوا شيئا وهوا خير لكم)

 

[جنون العاطفه]

الحمدلله كل شيء كنت اختاره بنفسي ...
وان حصل شيئ يرجع لكون الاهل يعرفون مصلحتي اكثر مني ​

 

[أريد حلا]

ما اذكر جبروني على شيء للحين واذا تذكرت ما راح اتردد بكتابته بالموضوع بس الحمدالله محد يقدر يجبرني على شيء

الا حبي لله وللرسول وطاعتهم

 

[ديمــــــــــه]

جيتي عالجرح والله : (
يوم فرض علي زوجي انقل للسكن من المدينه اللي احبها لمدينه مابيها رغم وجود اهلي واهله فيها بس انا بطبيعتي احب البعد
بس دايم اصبر نفسي واقول لعلها خيره
مشكوره عالموضوع

 

[brettey]

الحجاب تحجبت وانا عمري 14 وماكنت حابته مع انه فرض بس كنت اتمنى اتحجب بعد الثانويه احس ماعشت عدل صج كنت متازمه