شي جديد .. تعالوا

[سويت غيرل]

مرحباااااااااا يا أحلى كويتيات









بنات أنا وحدة أحب التغيير و التجديد و كسر الروتين

كل وحدة تقول تجربتها بشي جديد بالديره غير الكافيهات و المطاعم :eh_s(10): يا الله كل وحدة تشد حيلها معاي و تقولي وين تروح بـــ Week End

 

[loooly love]

اب
اب
اب

 

[catwiti]

ويييييييييي يامه فكرنا مااااااااااكو غير سينما ومطااعم

اب
اب للي عندها افكار

 

[*الزينه*]

سينما مطاعم وكلش كلش شـــاليه

شنو عندنا غير جذي

 

[هنـــد]

جوله بالبحر عاليخت

 

[كويتيه عبسيه]

اي والله سينما مطاعم وكلش كلش شـــاليه

شنو عندنا غير جذي

 

[kuwaitya-frawla]

اي والله مالنا غير المطاعم والسينما

 

[عهود الحب]

يمكن تعتبروني معقدة
انا احب اروح لجرير او العجيري و اشتري كتب
والالعاب مع عيالي

بس اكيد في مطاعم و سينما

والشاليه انا مومن ربعه كلش
اخاف من اي شي اسمه بحر

بس ممكن افرش حصيرة من بعد 10 امتار وشرط عيالي مربطين محد يدش البحر ولا يقرب صوبه

الله يسامحك يا بس يا بحر ماكان خوش فيلم خلاص انربط عندي البحر بالقرش والغرق

 

[سويت غيرل]

مشكوين حبايبي على ردودكم الحلوووووة

معاكم حق ماكو غير المطاعم و الكافيهات و السينما و كلش كلش المنتجعات و الشاليهات بس محد فيكم يعرف المتاحف أو المراسم أو منتزهات مرات أسمع من الناس يروحون أماكن ما أعرفها و أول مرة أسمع عنها

 

[سويت غيرل]

هند : حبيبتي مشكورة وااايد على الفكرة الحلوووة انشاء الله جاري التطبيق

عهود الحب : حبيبتي تسلمين يا رب فعلا أنا من عشاق القراءة و الرسم و على طووول بمكتبة جرير ما يطوف شهر إلا لمن أروح بالشهر أكثر من 3 أو 4 مرات للمكتبة و أشتري إلي أشتهيه

 

[blue diamond]

انا اروح البحر مع رفيجاتي ونحط بسطتنا اهناك
او المركز العلمي وندش السينما والاكواريوم
او نروح سوق الديره نتمشى

 

[baby johnson]

المركز العلمي
السينما
والبحررررر

 

[بلبله سعوديه]

وش عنذنا في الخليج غير الفراره في المولات الله يخلف علينا وعليكم من زين الاجواء علشان الوحذه تجلس على الشاطئ اصلا لو تحملنا حنا الاجواء الحاره على الكورنيش تتوقعون عيالنا راح يتحملون ماظنيت لان ممكن تتعبهم هالاجواء علشان كذه افضل مكان للتمشيات في الويك انذ اهي المولات

 

[super bnotah]

يا حلو الكويت كل شي فيها الله يديم هالنعمه يا رب قولوا امين

انا عن نفسي بيتوتيه واذا طلعت اقضي شغلي وأرد بس في فكره قريب ابالي انشالله عالاسبوع الياي بجهز الكاميرا الفيديو والعاديه وبسوي جدول كل يوم اروح مكان ما عدا المطاعم والسوقه المعروفه
يعني بالكويتي بروح "الدواعيس" الي بشرق او حولي مثلا وايد في اشياء قديمة وحلوه والسوقه القديمة مثل سوق الصفافير او سوق الحريم او سوق السلاح
وبخاطري اروح الجهرا ما دشيت الا سليل الجهرا وخوش مجمع بصراحه شامل كل شي العاب مطاعم محلات شاليهات مشروع متكامل
ووووو بروح كل المتاحف بالديرة والمصانع اذا خلوني ادش
الله يعطينا العمر انشالله وابلش بهالفكره

 

[سويت غيرل]

مشكورين حبايبي على الردود الحلوة و التفاعل الرااائع

تسلمون يا رب و موفقين جميعا

 

[سويت غيرل]

بلو دايموند : حبيبتي فكرة وااايد حلوة المركز العلمي ( السينما + الاكواريوم ) من زمان ما رحت انشاء الله هالويك اند

سوبر بنوته : تسلميلي يا رب على الفكرة الحلوووة و الرائعة أماكن قديمة و تصوير وناسة و ذكرى جميلة انشاء الله جاري التطبيق

مشكووووورين وااااايد

 

[sanaya-q8]

بالويك اند بيت اهلي + زيارات + نفاس + عروس