شي يحر :\ !

[иo иaмe]

قوه بنات

شلونكم شخباركم

يا جماعه في شي صج باط جبدي

انا توني يعني 20 سنه وخطبوني ناس مرتين

وانا رفضت وامي راضيه لانها تدري انا توني مو قد المسؤوليه كلش !!

يعني لا اعرف اطبخ عدل ولا اعرف حتى اقعد بالبيت و وايد حركيه و حنانه بشكل مو طبيعي

والله يسلمكم حتى لبس البس على كيفي محد يتحكم فيني < انا مو متحجبه ~

بس بحدود يعني البس اوكي بس مو افصخ الحيا .. المهم انه

انا اتفقت يعني انه اذا بتزوج عمري 22 ولا 23 لانه مناسب حق الزواج واكون شوي عاجل

وعن حركات الشطانه الي فيني .. بس الله يسلمكم في شي حرني وبط جبدي حييييييييييل

الزواره الاسبوع الي طاف يوم الخميس بيت اهل ابوي طبعا غدى نقعد لي الساعه 7 ونمشي

اول ماحطو القهوه وجذي وقعدت عيال العم .. احنا شنسوي نقعد قعده جماعيه على صوب

كلنا البنات مع الشباب وغشمره .. المهم اني قاعده اسولف مع ولد عمي عن الـبيبي < بلاك بيري >

فجأه يدتي قالت : اقوووول .. لفيت عليها : هلا اديده

يدتي : شسالفه كل يوم رافضتلج واحد ليكون تحبين وناطره

امبي لا تشوفون ويهي الكل قاعد يطالعني ضحكت وغصبن عني قلت لها : انا متربيه وماعندي هالسوالف بس انا متفقه اني اتزوج ع 22 او 23

اديده : وي ليش !! بكيفج اهو !! ترا الناس قامو يتكلمون يقولون فيج شي !!!!

قلت : اشدعوه اديده فيني شنو يعني وبعدين احنا عادي عندنا وكا وحده اعرفها بتصك الـ 25 وتوها متزوجه واذا سمعنا كلام الناس ماراح نعيش براحه شلي بعوار الراس

طبعا عقب الي قلته اسكتت وماتكلمت بس قعدت اتقط نغزاات حييل ححيل حارتني مادري شتبي

وطبعا يدتي من النوع السخيف طبعاً تعرفونه انتو !!

افف مادري شسوي كل نتيمع اتقط حجي لاعت جبدي وابوي يقولي صبري امي وماقدر اتكلم :\​

 

[شيماء المطيري]

أعرف حركات العجايز عبالهم الدنيا نفس أيام أبيض وأسود بس ما عليه تحملي شتسوين أنت رديت عليها ووضحت وجهة نظرج جدام الكل فما عليج اذا تكلمت مرة ثانية سوي نفسج ما تسمعين---تحياتي عزيزتي

 

[•Brown•Sugar•]

لووووووووول عادي بنظرها هالشي اللي تسوينه غلط
الحياه حلوه مهما يكون هذي يدتج والعوده وكبيره البيت
المفروض تمون عليج ماتتضايقين من كلامها
ويـــه احنا ضغاط بيدتي واهي تضغطنا خلي روحج رياضيه سيستر

 

[معلمة شيسمونه]

بقولج نفس الكلام اللي اقوله لاختي

20 سنه مو كل وحده تتزوج الا اذا كانت قادره تتحمل مسؤوليه

يعني اختي كبرج اشوف بعد يبي لها شوي وتصير تمام الحين ما ينفع

ولا تحترين ولا شي دام امج وابوج راضين خلاااااااااااا ص يا قلبي

طنش تعش تنتعش

العيايز وسوالفهم عاد
وترى مو لازم تعرفين تطبخين هذاك اول قلبي الحين عادي تتعلمين عند ريلج مو لازم تروحين تعرفين الطبخ

 

[иo иaмe]

Lool thnq bnat

adre ehy yadte bs waid ttkalam :\

ya3ni manrou7 mkan ela tg6 n'3zat @@ :s

7yaakom ;*

 

[MayOumii~]

..

,,

لوووول الله يستر علينا...سوالف يدتج أعرفها

انا يدتي مسيكينة حالها يكسر الخاطر ماكو مرض مو فيها الله يشفيها لا وقربت تخرف بعد...والله ساعات ودي جذي تكون بعافيتها مثل اول تلعب معانا كرة وتتغشمر وتنغزنا..بس هذا حال البني آدم ((=
انتي المرة اليايه قوليلها يدتي بعد عمري انتي...اذا تزوجت الحين وكنت موقد المسؤولية والله لا يقوله تطلقت كلام الناس بيزيد خليني على جذي احسن لين احس اني مهيئة نفسيا عدل عشان اتحمل المسؤولية..((=

والله يرزقج بالريال الصالح والذرية الصالحة ((=

..

,,

 

[иo иaмe]

^

حياتي تسلميين ،
ان شاءالله يارب يشفيها لكم

ادري انه يدتي وتمون ومن هالحجي
بس انتو ماتعرفون طبعها .. عمركم سمعتو
بيده ماتحب عيال ولدها ؟ :\ لا تقولون لا ومادري شنو
هذا الصج حتى اكثر من مره خلت ابوي وامي يتهاوشون وجريب الطلاق ~

الله كريم :> نوٍرتوآ بنآت :*

 

[حورية الكويت]

حبيبتي

الزواج يبيله اقتناع و قدرة على تحمل المسؤولية و هالشغلات مو متوفرة فيج ... فكلامج كان عادي و صحيح و قرارج سليم

يدتج مرة عودة طنشي عادي ... الناس الكبار تفكيرهم يختلف

بس في شغله ما عجبتني بكلامج ...يعني شنو ( بتصك ال 25 ) ... حبيبتي 25 عز الشباب و البنت ما تبين ان صج مراة و انثى و ناضجة الا بعد ال 25 و فوق ... و انا عندي الزواج بال 30 وايد احسن لاحقة على عوار القلب و القهر

 

[أم توتو]

الله يرزقج بالزوج الصالح ويوفقج

 

[نفهمها صح]

وطبعا يدتي من النوع السخيف طبعاً تعرفونه انتو !!
هههههههههه انا معرفها صراحه
طووفي كبيره
ويمكن تبي تفرح فيج هي تحر مع تجمع العايله
لكن شتسسوين للحوه ولقووة الابالله

 

[( المـلاك )]

حبيبتي هذا كلام الكبار كلهم جذي
اليدات و العمات والخالات و الجيران و البعاد كللللهم
هذا الموال اللي مايتغير

عسى ما شافوا بنت رفضت الخطاب قالوا فيج شي و تحبين و ناطره ووووو

بس شنسوي ما نقدر نغير عقليتهم
و كل واحد يقول اللي يبي يقوله

لو تفكرين كل واحد شنو يقول ماراح تخلصين

طاف و عيشي حياتج

وعسى الله يسهل دربج و يرزقج بولد الحلال و تفتكين من النغزات ههههههه

 

[آتعــبني غـلآآك]

جدتج تبيج اول واحد يطق الباب توافقين عليه لول
صج والله توج صغيره ع الزواج والمسؤوليه مره ثانيه
لكلمتج اسكتي عنها

 

[آتعــبني غـلآآك]

جدتج تبيج اول واحد يطق الباب توافقين عليه لول
صج والله توج صغيره ع الزواج والمسؤوليه مره ثانيه
لكلمتج اسكتي عنها

 

[عاشقة هواك]

رررفع

 

[иo иaмe]

ان شاءالله يارب اطول بعمرها

من عيوني اكيد بطوف بس هم راح ازعل

وساكته ومتحمله .. ثنكيو بنات نورٍتو والله 3>

 

[Tom ♥ Jerry]

.،


الله يعينج ، يحسسونج انه عمرج 40

حبيبتي الله كاتب انتي متى راح تتزوجين
يعني عشرين خمسه و عشرين ، ثلاثين ما تدرين متى الله يعلم

بعدين مو تقعدين و تقولين انا مو قد المسؤوليه
علمي نفسج من الحين المسؤوليه
طبخي و اشتغلي (=

لانه النصيب ما راح ينطرج تتعلمن بعدين اييج :eh_s(22):

 

[بدورة القمورة]

ههههههههههههههههههههههههههههههه


يدتج مرة عودة طنشي

 

[تذكر خافقي رمحك]

ماعليه
فيه يدات الله يهداهم يقطون الكلام بدون لا يثمنونه
راعي كبر سنها

 

[ســتارز]

جدتج خايفة عليج لان في بنات مايبون الزواج اصلا وكل ما جاهم خاطب طلعوا فيه عيب

ماخذينها ضحك وجك بم فات القطار

وهي خايفة تكونين من هالنوع

 

[دلوعة أبوهآ]

ماعليه تحملي
هذا كلام الكبار الله يهداهم ..


وكل وحده تاخذ نصيبها ..