شي يخوف يصيرلي بس بـ حزة النـووم .. بنات فيدوني بليز

[~ kaika ~]

بنـات في شي مأرقني ومخوفني وايد احترت وين احط الموضوع بس شفت هالقسم انسب شي
انا مرااات مو دايما يعني حزة النوم بس يصيرلي هالشي مادري شلون اشرحلكم
بس عرفتو اللي خلاص تكونين توج غافيه ودشيتي بالنوم
يصيرلي شي غريب .. احس جسمي يرتفع عن السرير ويرد يطيح بسرعه
عرفتو شعور اللي طايحه من مكان عالي ؟ يعني مو هزه عاديه بجسمي لا شي غريب ويخوووووووووووف جنه احد يشيلني ويحذفني بسررررعه ع السرير
تخيلي نفسج بعيد الشر اطبين من عماره من فوق عرفتو هالشعور ؟ :eh_s(2):
هالشي يصيرلي وانا توني نايمه وافز من الخرعه واتعوذ واستغفر مع ان اكون نايمه على وضوء واقرأ الاذكار قبل النوم ..
لما سولفت حق رفيجاتي قالولي يمكن عين او سحر ؟ قلت عين ممكن بس ولا مره قريت هالشي بأعراض العين ولا حتى اعراض السحر
بنات اللي صارلها هالشي او سامعه عن شي جذي تفيدني
صرت اخاف انام والسبب هالمووضوع :eh_s(2):​

 

[لحن التياعي]

الله يحفظك يارب داومي على سورة البقرة

 

[معشوقتهـ]

هذا جاثوم ~
شكثر كان يصير فيني بس قلييييييل اللحين الحمدلله ~
تنامين وانتي متضايقه او زعلانه؟ ~

 

[ندى~~]

انا احيانا اذا دخلت في النوم احس نفسي طايحة من مكان مرتفع واذا حسيت اني بطيح فزيت ...وكثير اللي يصيرلهم نفس الشي

 

[~ kaika ~]

مشكوره بدويه ان شاء الله بستمر على سورة البقره

معشوقته : لا حبيبتي ما انام الا وانا مرتاحه لا ضيقه ولا زعل وانا ما اغمض عيني الا وانا استغفر يعني ما اكون متضايقه
او افكر بشغله

ندى : هالشي يتكرر معاج ؟

 

[ندى~~]

ندى : هالشي يتكرر معاج ؟

اية تكرر معي اكثر من مرة

وصديقتي نفس الشي بعد ..

 

[@همس المطر@]

الله يحفظك يارب داومي على سورة البقرة

 

[al3ta]

انا الي اعرفه يقووولوون ملك الموووت يبغاا ياخخذ رووحك بس رحمه من الله ماياخذهااا

 

[جروح الشوق]

هذه ظاهرة معروفة لدى المختصين في طب النوم ..


وتعرف بإهتزازات بدآية النوم ( Hypnic jerks )


وهي عبارة عن : إنتفاضة لا إرادية تحدث عند الإنتقال من اليقظة إلى النوم ويشعر خلالها الشخص بأنه سقط ..



ويصاحبها حركة مفاجئة في الجسم قد يشعر بها الشخص الذي يشارك المصاب في السرير ..


وهذه الحركة لا تحدث في مرحلة الأحلام ولكن تحدث عند الإنتقال من الإستيقاظ إلى المرحلة الأولى من النوم وهي


المرحلة الانتقالية التي يمر بها النائم قبل التقدم إلى مراحل النوم المتقدمة ،


وهي مرحلة بين النوم واليقظة .



وتسبب الإهتزازات التي تصاحب الشعور بالسقوط و


الإستيقاظ من النوم مصحوباً بشعور من الفزع


يُدرك بعدهآ الشخص انه ربما كان يحلم ..!


ولا يعرف السبب الحقيقي لهذا الظاهرة ..!









ولكن هناك عدة نظريات منهـــا :


أن هذه الظاهرة ناتجة عن الإرتخاء الطبيعي لعضلات الجسم أثناء الدخول في النوم .،


مما قد يفسره المخ عند بدء النوم على انه نوع من السقوط ...

>> يعني هذا شي طبيعي على فكره
واغلب الناس يصير لهم لاتخافين لاعين ولاسحر حتى انا يصير لي اول ماانام اتخيل نفسي اطيح من درج يعني انتي تتخيلي انك ترتفعين عن السرير انا دايما احس اني اطيح من درج وفجاءه افز ومافيه احد اعرفه الا ويصير هالشي معاه
وهذي شوية معلومات عن اللي يصير لك ويصير لكثير من الناس جبتها عشان تطمني

 

[عويتقة]

ايه حبيبتي عرفت هاذا الشعور لان بتحصل لي بس على فترات طويلة يعني ممكن مرة فكل سنة او سنتين بس انتي ما عليك ماخافين من شي انتي نامي وانتي متوضية واقري الاذكار وسورة البقرة ولو حصلت لك تعودي من ابليس ونامي انتي تقري وماتخدين الامر بجدية يعني انسي ممكن يكون شي عضوي بس الله يحفضك من كل شر

 

[فاهييه]

عادي حبيبتي يصير لي جذي
من وانا بالابتدائي تخيلي
واخر مره صارلي قبل رمضان
هو صج شعور موحلو بس خلج محصنه نفسج وعلى وضوء وعلى الاذكار و لاتحاتيين عادي

 

[فاهييه]

انا الي اعرفه يقووولوون ملك الموووت يبغاا ياخخذ رووحك بس رحمه من الله ماياخذهااا

اذا الله سبحانه دز ملك الموت ياخذ الروح خلااااااااااص >>لايستقدمون ساعه ولا يستئخرون .

 

[ام هزاع]

ويييييييه عااادي دووووم تصير فيني خصوصا اذا كنت تعبانه ومنهد حيلي وادور الفراش ")

جروح الشوق\\

مشكووووووووووووره على هالمعلومات الطيبه

 

[~ kaika ~]

بعد عمرري بنات طمنتووني والله
جرووح مشكوووره على هالمعلومات صج ريحتيني
فاهيه تسلمين حبيبتي وعسى ربي يحققلج كل اللي تتمنينه :eh_s(17):​

 

[بنت عطا]

واجد تصير خصوصا اني انام وانا منهد حيلي فاهمه الشعور يضحك على يخرع جنج زالقه والا طايحه

 

[للحين ناطره]

اي عادي
تطمني كل الناس ايصير معاهم هالشي

 

[ريف الخفوق]

انا يصير لي كذا احس اني طايحه من مكان عالي بس بحركه بطيئه وذا وصلت للارض قمت
تحصني واذكري الله وماعليك الا العااافيه

 

[cute lulu]

ما ادري والله؟؟

 

[الزين 85]

لوووول نفسي احس اني طحت من السرير

عادي حياتي يمكن تنامين وانتي تفكرين او عندج شي اساسي تفكرين فيه شاغل تفكريج


حوالي تقرين قرأن وابتعدي عن التفكيررررر بأي شي كان وخلي امورج وحملج على الله

 

[مشاغبة كووول]

وااي انا ياكثر ماتصير لي مره قمت وانا ميته خوف
تحسين كانج طحتي وقلبج يفز صح
انا قلت حق امي وتقول من الارهاق وتصير لناس وااجد عادي حبيبتي
لوول ترى حتى اخوي المسكين مره جاني كان يقول لي فلانه يصير لج جذي وهو ميت خوف حراام