صابونه التنحيف 2000

[فزولها]

السلام عليكم ورحمه الله وبركاته
انا شريت صابونه مكتوب عليها صابونه التنحيف 2000
لتنحيف وشد البطن والارداف والتشققات ما بعد الولاده

هذا المكتوب عليها وانا اليوم اول مره استخدمها
وقالي المصري الي شريتها منه انها تنحف وحلوه استخدميها صبح ومساء
لمده 15 يوم وتشوفي الفرق ويقول راح تشوفين الدهون وهي تنزل من بطنك

وانا اليوم استخدمتها وشفت الدهون صدق تطلع على شكل نقاط الندا
وكل مافرك البطن تطلع الدهون
وبعدين خفت ان لها اثار جانبيه
او تاثر على الكلى
وياليت اي وحده استخدمتها او استخدمها احد من قرايبكم تكفون علموني لاني خايفه تاثر على

وهذي صوره صابونه تشبه لها لقيتها باحد المنتديات بس هي مالقيت لها صوره

 

[كرسبي كريم]

اول مره اسمع فيها يمكن احد ثاني افيدج

 

[@شمس الضحى@]

لاتصدقين كله كلام فاضي
هي مجرد صابون ينظف

 

[شيخه***البنات]

والله ماعندي فكره حبيبتي

up up up

 

[عنيّد]

مع اني ما أصدق هالسوالف ،،، بس عسى أحد يفيدج

ولكن ......

أموت وأعرف اشدخل كلمة (((حلال))) بالصابون !

 

[ناتشوو]

مودهن هذي من الصابون
انسي تلقين صابونة تضعف

قاتل الله السمنة
تخلينا نصدق أي شي

 

[Coffe Shop]

حبيبتي أنا بصراحه ما أعرف هالصابوووون بس أذكر أنه أخوووووي مره شرا صابوووونة تنحيف وكل ما يتسبح بالبانيووو يصر الماي لووووونه نفس الدهن وبعدييييييين بعد فترة قاس وزنه مثل مااهووو ماتغير ..

وثاني شيء أنا أنصج لوجه الله أنج ما تستخدمين هالصابوووونه لأنه يمكن لها اثاااار جانبيه انتي ما تدرين واذا المسألة مسألة ضعف الله يخلي الريجيم والرياضه استمري عليهم لمدة معينه وأنتي راح تشوفين الفرق بعيوووونج الثنتين ..

 

[فزولها]

مشكورات وجزاكم الله خييييييييييييييييييييييييييييير

 

[فراولة زوجها]

نصيحه لج اختي اتركي السوالف هذي عنج واستخدمي الخل رشي على جسمج خل ولفي جسمج بتغليف الشفاف البلاستيكي مال الطعام واتحركي والعبي رياضه وشوفي النتائج بعد فتره من استخدامه خل التفاح

 

[b6a6ah]

هلا حبيبتي
ترا انا جربتها ما فااادتني ولا شفت اي نتيجه

 

[سمسميه]

جربتها بس بصراحه ما شفت لها مفعول!!!!
حبيبتي دشي موضوعنا المثبت بالقسم عن كريمات التخسيس وبتستفيدين منه ان شاءالله

 

[Marlene Favela]

ما عندي فكرة

 

[Q8stylle]

كلام فاضي

 

[بنتq8]

اليوم شفتها بسوق الشاهبندر اللي بفحيحل وسعرها 1 او 1.5

 

[@ام ضاري@]

وى عاد دايمن اشوفها ولا اخذها

بس ها امره بشتريها مشكورا

 

[ام بنتها]

اول مره اسمع عنها
بس اتقع اهي صابونة القهوه بدامها سووده

 

[بطريقة]

انا سامعه انه خطرة و مو زينه ..



يا بنات حيلكم بالرياضه مالا داعي هالسوالف

 

[lara_action]

الــــــــــــــــريـــــــــــــــــــــاضــــــــــــــــــــــــــه
اهي الحل الوحيييييييييييييييييييييييييييييييييييييييدديرو بالكم