صاحبات الخبرة اللي يطلبون من النت تعالوا

[هدولهـ]

السلام عليكم ورحمة الله وبركاته

شلونكم يا احلى كويتيات

بنات انا ودي اطلب من النت لاني شفت شغلات عجبتني في موقع امازون وكذا موقع غيره

بس المشكلة انهم مايوصلون دايركت للكويت

يعني لازم يكون عندي صندوق بريد في امريكا

سؤالي اهوا:

شنو احسن شركة للشحن؟

ووين موقعهم؟

وبالنسبة اذا طلبت:

هل امازون يقبل فيزا انترنت مالت الكويت ؟

والطلب متى يوصل تقريبا؟

وجم ياخذون مني الشركة اللي بترسل اغراضي من امريكا للكويت؟

وشنو الاشياء اللي ممنوع اطلبها من بره؟

لاني سمعت ان العطورات ممنوع اطلبها ولا الكريمات !!

هل هالشي صحيح؟؟!!

ياليت صاحبات الخبرة يعلمونا عن تجاربهم علشان خواتهم يستفيدون منهم ويكسبون فينا اجر:ggdw:

ومشكوووورين مقدما

 

[عاشقة الرشاقة]

أنا اطلب عن طريق مركز سلطان وخدمتهم وايد حلوة

 

[هدولهـ]

عاشقة الرشاقه

هلا فيج

ياليت تكلمينا عن تجربتج

وين مكانهم بالضبط؟
وبجم اسعارهم؟

 

[رضاب 66]

مركز سلطا عمولته حيل غاليه ..

 

[أم منيره]

:eh_s(8):

اي والله علمونا عن تجاربكم واكسبوا فينا أجر:friends:​

 

[هدولهـ]

رضاب
ياليت تقولين لنا جم عمولته؟؟


ام منوره حياج الله



بنات وينكم؟؟؟؟؟؟

 

[jaggy-cat]

عزيزتي ،،، نقدرين تطلبين من موقع امازون وعندج بعد موقع target بالفيزا مالتج ويوصلون لج للكويت بس لازم يكون عند صندوق بريد بامريكا او لندن .

وبالنسبة حق العطورات والكريمات ارامكس ما يوصل .

 

[هدولهـ]

يعني شنو احسن شركة اقدر اشترك فيها؟

 

[غصون]

هلا حبيبتي

اغلب التاجرات في المنتدى

وانا ان شاء الله بسوي لي صندوق في ارامكس

افضل شركة اهية ارامكس

 

[عاشقة الرشاقة]

أنا تعاملت مع مركز سلطان الكوت واللي تشتغل إسمها فيرنا ووايد حبوبة , ويحاسبونج على الكيلو وسعرة دينارين و750فلس