صاحبات فقر الدم شلون عاجلتوا فقر الدم عطونى نصايحكم

[ذات الهمة العالية]

فقر الدم
نقص الحديد
أثارية فينى وانا ما ادرى

شعرى طااااح والله لما مرة صورت علشان بشوف بشرتى لقيت ان شعرى ..... لا تعليق
كأنى اشوف ,,,,,,,,,,بس رأس

المهم ابيكم تساعدونى ابى ارفع نسبة دمى

وشنو احسن حبوب حديد

أو زنك

وشنو احسن الحبوب وإلا الشراب الحديد



وكم استمريتوا

وشنو اعراض فقر الدم

وشنو الكل المفيد له

 

[dalo0oa121]

تدرين لما تستشورينه بتحسين انه اخف بوايييد
والحل انج تاخذين حبوب الحديد لكنها تسبب الم بالمعدة

 

[ذات الهمة العالية]

قالوالى يسبب امساك


طيب شل الحل

ابى حلول حبيباتى

 

[ماكواسم2]

اكلي عسل مع حبة البركة + حبوب الحديد

 

[M!SS.LOBY]

(اسال رب العرش العظيم أن يشفيج و يشفي كل مسلم )
شوفي أختى الأكل المفيد للعلاج فقر الدم
1- اكل التفاح الأحمر
2-اكل التين المجفف
3- اكل اللوز كل يوم و اكل التمر عالريوق يوميا واكل المشمش مجفف او مربى أو قمر الدين
4- اكل الفاصوليا والعدس البازيليا والملوخيه والسبانخ مفيد جدااا فى علاج فقر الدم

 

[ذات الهمة العالية]

يا حبيبتى الله يجزاك خيييييييييييير على الدعاء ياغناتى


آمين يارب العالمين

بكتب اللى قلتيه بس البازلياء فى معلبات والسبانخ ما اعرف له وحتى الفاصوليا الحمراء شلون اسويها لو طازة مو معلبات


والتين غالى استغفر الله اقصد الفرش صايرة الفواكه نار
تصدقين بشترى رمان بس 4 رمانات ب2.750 اتصدقين شالبوق

 

[تبيني آرضى عليك]

آآآآآآآآآآآآآآآآآب

 

[فيلجاويه كيوت]

اذا النقص وايد ماتنفع الفواكه لازم حبوب
جربي ترايهميك لونهم أحمر هالنوع اقوى شي بس لازم كورس 6 شهور عشان تبين النتيجه

 

[ذات الهمة العالية]

اللى لونها احمر صغار صح من المستوصف

واقل شىء 6 شهور موووو 3


إنزين بنات إذا نسيت اخذهم يوم تأثر

 

[حبيبي النمر]

نفس حالتي وقالت لازم تستمرين عليهم وما اخذتهم الا اقل من اسبوع سببت لي امساك
مع اني اكل فواكه وخضار ومع ذلك الامساك مستمر

مافيه حل ثاني غيرها ؟؟

 

[عقل و ثقل و زين]

في شروب بالصيدلية

 

[Mrs.H]

حبوب هيرفيت او هيرموتيف

 

[حصة2010]

عندك كبدة الخروف عجيبة ترفع الدم الضعيف جربى عجيبة

 

[ذات الهمة العالية]

حبيبتى كم مرة بالأسبوع اكل الجبدة

 

[sho-sho_93]

هممممممممممممم اخذي الحديد مع عصير البرتقال عشان مكرمه ما يسبب امساك واكلي جبده و الافضل مو مستويه عدل و كثري تمر و عدلي اكلج

 

[قطوووة]

حبوب Folicron

انا صيدلانية واكتشفت ان فيني فقر دم والحمدالله ع كل حال .

 

[وردة وطني]

الشمندر ، والزبيب اليمني حييييل حلو وممدوح ، وعصير المانجا،
والتمر وحبوب فيروز ع مااعتقد اسمهم جذي والله يشافيچ

 

[حضن امى]

عن تجربه عندج النقل اللي ناكل شكله مثل البنك
تاخذينه مقشر وخالص من سوق الكويت بالكيلو عند البقالات
كل يوم اخذى بكف ايديج واكليه
الشمندر ومايه شربيه واكليه
كل يوم اكلي تبوله من شويه برغل
جربي بس اسبوع وادعيلي بالشفاء

 

[ذات الهمة العالية]

للرفع

 

[انوار الكوويت]

حبوب ابعدي عنها واكلي جرجير وتمر وشغلات اللي تزود الدم طبعا موجوده بالخضره وانصحج لا تاخذين حبوب