صارتلي هالسالفه منو صارتلها نفسي ! نصب واحتيال هالكوبونات !!

[eastfem]

سلام عليكم ورحمة الله وبركاته خواتي

عندي موضوع حارني وباط جبدي وودي نسولف عنه !!


انا من اربع ايام تقريبا ياني مندوب شركة اسمها ( ترست ) لا ترست ولا قالها الله ! نصب واختيال !

عرضلي العروض سواء المجانيه ( الخرطي ) واللي فيها تخفيضات ( كلام فاضي )

الي عجبني !! كوبون مكتوب عليه**** دورة تصوير فوتوغرافي 100 دينار ومجانيه !!!

قلت للمندوب ( حسبي الله عليه ) واذا دقيت عليهم وطلع كلامكم جذب !! شلوووون قال نردلج فلوسج !! قلت شخسرانه يلله نتوكل على الله !!

الصدمة والا ادق على ( كمثال ) صالون جرين ابل ____ قتلها عندي كوبون مجاني عمل مساج تخسيس بـ30 دينار !! قالت اي بس المواد لازم تشترينها من عندنا بـ6 ونص !! هذي بروحها سعر جلسه اصلن !! انزين ليش مومكتوب بشروط الكوبون !!

قالت اكيد ماراح يكتبونها خو يبونج تشترين الكوبونات !! امنه بالله دقيت على عاده بيان طلعو مايدرون شسالفه ولا عندهم خبر !!

دقيت على صاحبه الدوره مالت التصوير قالت 100 تخفيض عن دورة اصلن سعرها بـ400 او 300 !!!!! يعني لازم يا ادفع 300 او 200 و 100 مجانا !!!!!

الطامه لمن دقيت عليهم وقتلهم ردولي ال20 !! رفضو زين ليش الجذب من البدايه من المندوب لاكبر موضف عندهم !!!!


الموضوع ماهو فلوس !! بس الواحد تنبط جبده من عدم مصداقية بعض الشركات لدرجه تحس فيها انهم استغفلوك !! بس هيهات اطلعها من عيونهم !!

من حر مافيني ودي لو اقدر الحين اروح لحماية المستهلك واشتكي عليهم لانه الكوبونات شي والحجي الى اسمعه شي ثاني !!!!! العن ام الجذب !!!!!!!!!!!!!! ماكو مصداقيه !!!!


بنات منو صارتلها هالسالفه او ماسمعتوا عن الشركه او مايتكم .....

هل تتوقعون حماية لمستهلك راح يفيدني بخصوص الموضوع !!!!!!!!!!!!!!1


انطر ردودكم على هالموضوع !!!

 

[super model]

انااا

أناا

أناا

يا كثر ما يدقدقوون علي لووووووول

بس كله اسكب فيهم لوووول


اقولهم لأ مووبي لأن اشكراا جذب

حياتي لا تتضايقين اي رووحي اشتكي عليهم احسن يستاهلوون

 

[ام _خلودي]

اى عادى دقى لى حمايه المستهلك

اناا مره كنت رايحه معهد تخسيس وقائلين شرط

اذا مانزلت هالكثر نرد فلوسج طبعا الكلام شفيهاا ولا الاخت تلعب بالميزان

عندهم اشوف نفسى نازله اروح البيت الوزن نفس مااهو جان اروح للحمايه المستهلك

والله خرعهم وردوا فلوسي مع انه المسول قال ترا اوراقهم سليمه واهم نصبوا عليج عدل

بس مال الحلال مايضيع

 

[ام _خلودي]

اى عادى دقى لى حمايه المستهلك

اناا مره كنت رايحه معهد تخسيس وقائلين شرط

اذا مانزلت هالكثر نرد فلوسج طبعا الكلام شفيهاا ولا الاخت تلعب بالميزان

عندهم اشوف نفسى نازله اروح البيت الوزن نفس مااهو جان اروح للحمايه المستهلك

والله خرعهم وردوا فلوسي مع انه المسول قال ترا اوراقهم سليمه واهم نصبوا عليج عدل

بس مال الحلال مايضيع

 

[الماسه.80]

كلهم جذابين وانا مودابل جبدي الا الي عند سوق كرز الي بلفروانيه جذاااااااااااااااااب واحذرووووووووووومنــــــــــــه

 

[حجيه هيونه]

عادي حبيبتي عادي الديره كلها نصب وماكو احد مفتك منهم لانه محد محاسبهم

 

[دانتيــــلا]

شكثرر يدقون علي وليومكم وصاروو بعد يدقون على تلفون البيت الثابت

بس انا مطنشه أقولهم ان شااء الله خيرر دقوو علي بعد شوي انا مشغووله واسحب عليهم

ومراات تدق علي وافده من جنسيه عربيه تبببببببط راسي تنهوص عالسماعه وتنعم الصوت لاخر درجه انغثثث وفجأه اسكرره بوجهاا وهي تكلم

على بو أنه انقطع الخط وترد تدق تخيلوووووو ومارد

عبالهم فلوسنا لاقينها طايحه بالشارع مافي شي بلاااش مستحيل كل شي بثمنه

 

[Sama Kuwait]

انتوا خلوا نصب الشركات الصغيره
وشوفوا نصب شركة زين مره دزولي مسج عب تلفونك بالمبلغ الفلاني وراح ندبله لكم وطبعا انا على طووووول عبيت رصيدي وانطر انه يدبل طبعااا ماصار ماادري ليش هالنصب و اللا السحب اللي يقول عنه 10000دولار طبعااا جذب

 

[eastfem]

اي والله انا ماكو الا اروح باجر اشتكي بس مشكله مادله الي بالجابريه !!! لانه الشركة بحووولي

علبالهم فلوسنا مقطوطة بالشارع !!

 

[aṕriliå]

معروف انها كلها جذب ونصب

 

[eastfem]

حسبي الله ونعمالوكيل عليهم

مشكورين بنات

 

[el3yooN-elswahi]

استغفر الله .. هذي نفس سالفة كابونات البشر ..


خصومات وجلسات مجانيه !! مالت كله نصب في نصب .. 15 دينار ع الفاضي

 

[spanish-girl]

حسبي الله عليهم ولا الي يدقون على موبايلاتنا مادري من وين اييبون الارقام واسامينا كله اعطيهم طاف

 

[&& دعاء &&]

الدنيا كلها صارت نصب واحتيال بس عشان جم فلس
اصلا انا ما قمت اصدق هالكوبونات ولا حتى اتشجع لها ابدا

 

[الأمـــواج]

شلون مافهمت؟؟

يعني شركات دعاية واعلان يدقون عليكم ويقولون لكم اشتركو ب15 دينار ولكم هذايا مجانية بقيمة مثلا 300 دينار

قصدكم جذي؟؟ لان انا دقو علي ووافقت ان يجي المندوب بعد جم يوم

بالله جاوبوني يعني اكنسلهم؟؟؟

 

[عهود الحب]

رد : صارتلي هالسالفه منو صارتلها نفسي ! نصب واحتيال هالكوبونات !!

شركة البشر

نصابين والظاهر هذولي مثلهم

الديرة كلها نصب بنصب

وحتى الشركات الكبيرة صارت تنصب فما نلوم راعين الكوبونات

 

[eastfem]

اي حسبي الله عليهم وعقبها بجم يوم شركة ثانيه داقه صرنا ملطشه للي يسوى والى مايسوى لا ويقولج طلع بالكمبيوتر الله ياهي جذبه ّّ

حسبي الله عليهم

 

[ابيار علي]

انا بعد سووا فيني جذي كلواا علي 70 دينار شريت منهم كرت خصم
وكل مااروح مطعم ولا محل يقولون مانتعامل مع هالكروت
الخاصه بالشركات بس يتعاملون مع مالت البنوك
فااا ديروا بالك من كل الشركات صاير نصب مو طبيعي
ولا في احد يوقف معانااا ليش؟؟؟ لانه هالشركات ملوت كبارية البلد منو يقدر يتكلم

 

[ياعشيري جعلك السلال]

رد : صارتلي هالسالفه منو صارتلها نفسي ! نصب واحتيال هالكوبونات !!

انا دقوا علي شركة البشر وقلت لهم اوكي

ودق بعد شوي قلت له خلاص مابي هونت عصب ويقولي انتي قلتي وانا كتبت اسمج وجهزت الاوراق والكوبونات قلت له اشتبي الحين ! اذا ييت بخليك واقف عند الباب وماراح اخذ الكوبونات منك

وسكرته

 

[~RouNa~]

مرة دقااو على اختي الصغيرة و صدقتهم و عطتهم عنوان البيت و كل شي

و ياية حق ابوي مستانسة

بابا بابا انا ربحت كوبونات بـ قيمة 300 دينار

جان ابوي يزفها مو كل النااس تعطينهم اسمج و عنوان البيت

ودق ابوي عليهم و كنسل

قبل جم اسبوع داقين علي

احنا بـ نفتح فرع يديد حق شركتنا

وطلع رقمج معانا بـ السحب

ممكن عنوان بيتكم عشان المندوب اييب لج الكوبونات !

قلت له لا شكرا مابي الكوبونات

ويحنج على راسي لما سكرته بـ ويهااا !!!

كلهم جذاااااابييين و المصيبة يدقون و يقرقون ما يسكرونه !