صارلي 10 أيام بالتاسع وأبي أولد هاليومين بالعدان.. شلون؟لازم موعد ولا أجيهم عادي؟

[الحلا بيروتي]

السلام عليكم

بنات أنا صارلي بالتاسع 10 أيام وأبي أولد الحين شلون ؟؟ مع العلم اني كنت عندهم الاسبوع اللي فات وقالوا انتي قيصريه لأن راس البيبي فوق

ابي اولد شلون ؟ لازم موعد ولا اروح الطوارئ وأقولهم أبي أولد ويولدوني؟ فيديوني الله يرحم والديكم ويرزقكم بالذريه الصالحه

 

[Aloe Vera]

مادري شلون يعني ماعندج ملف؟
ماعندج متابعة مع دكتورة ؟؟؟

اهي تحددلج موعد العملية

 

[أم تروفه]

الله يسهل عليج حبيبتى

ليش مستعجلة أصبرى يمكن البيبي يتحرك وينزل راسة تحت

وصدقينى خليها تجى من ربك

أنا باقي لي يوم وأكمل التاسع وثقل وتعب بس مافكرت العب بروحى

أستخيري ولا تسوين شي تندمين عليها

 

[M!SS.LOBY]

الله يسهل عليج

 

[M!SS.LOBY]

تولدين بالسلامة سهالات

 

[American.Life]

حبيبتي اول شي تروحين عيادة النساء اللي هي الطوارىء تقولين للدكتورة ابي افتح ملف لاني بولد عندكم وهي تسجلج بالورقة اخر موعد دورة وبعدها تروحين اللتخطيط تسوين تخطيط وتالي ثاني يوم الصبح تروحين العيادة الخارجية مالت النساء وعادي تقولين للدكتورة ابيج تحددين لي موعد ولادة ويكونون فاتحين لج ملف والله يسهل عليج يارب
ملاحظة اذا بتسوين تخطيط لازم تكونين فاطرة

 

[المشاعر تحبك]

أختي ليش مستعجلة الولادة تجي من الله وخصوصا انج ما خلصتي التاسع كله
أنا يوم حمالي ابنتي أول التاسع كان الرحم مسكر والراس فوق وعقبها جت التساهيل من الله
لا تستعجلين على نفسج استخيري واصبري !​

 

[@أم يوســـف@]

الله يهون عليج وتولدين بالسلامه

 

[M!SS.LOBY]

ربي يهون عليج

 

[M!SS.LOBY]

تقومين لنا بالسلامة

 

[عبق الزمن الجميل]

تو الناس ممكن يقلب البيبي باي وقت وانتي توك ماخلصتي التاسع
الله يسهل امورك

 

[Om zayd]

انا مع البنات نطري يمكن يلف البيبي تو الناس