- إنضم
- 1 أغسطس 2011
- المشاركات
- 82
- مستوى التفاعل
- 0
- النقاط
- 0
السلام عليكم ورحمة الله وبركاته
شلونكم بنات ؟
بصراحه فيني غصه صارلها سنه ونص
زوجي حاله من حال هالشباب من ديوانيه لي ديوانيه
عادي وهالامر روتيني عند عيال هالوقت ،
مره يروح لديوانيه حمولتي اللي اهي ديوانيه ابوه
ومره ديوانيه ربعه ، وعلى هالمنوال الين ما طاح بديوانيه عم رفيجه
وهنيه بدا يتغير شوي شوي .. صار طبعه نفس طبعهم
زوجي رومنسي وطيب وحنون ومن اول زواجنا كان يدللني
ويحترمني .. لان في نظره المرأه هي حياة الرجال والزوج الصالح يدلل زوجته
وما يخليها محتاجه شي ..
اما ربع الديوانيه المشؤومه اللي ادمنها كلهم تافهين وعندهم الحرمه عزكم الله نعال
ما يحترمون حريمهم واللي مطنشها واللي ما يجابلها خير شر
واللي يخون زوجته مع بنات الشوارع .. الخ
بدا زوجي يعاملني بجفاف وكثرة على لسانه كلمه : الحرمه ماتنعطى وجه
حتى النك نيم اللي كان حاطه لي بتلفونه غيره يقول فشله يشوفون ربعي اسمج
يحسبونج رفيجتي ومن هالحجي الفاضي اللي تعلمه منهم
زوجي حيل تغير وصار يسهر عندهم للفجر
قبل ما يخليني ابات عند اهلي وعقب صار يقولي روحي باتي عندهم
كل الرجاجيل مخلين حريمهم عند اهلهم في الويك اند
احسه صار جاف بكلامه معاي
ادزله مسجات شعر وحب ما يرد خير شر
ولما ادزله احبك يرد يقول وبعدين معاج متى تعقلين عن سخافاتج
صارت كلمه احبك سخافه بنظره !!!
عقب ماكان هو يدزها من كيفه
تعبت من جفاه تعبت من التغيير اللي صاير
تعبت من اسلوبه الجديد واللي مو راضيه اتأقلم معاه
بنات شالحل ؟
شنو اسوي عشان ارجّع زوجي مثل اول ؟
كثير حاولت اطنشه وما اهتم له
بس مو قادره !!!؟
واخيرا اشكر كل من دشت وقرأت الموضوع وردت علي
