صار لي سنة من تزوجت و الله ما كتب لي أحمل ~

[Glamour Bride]

مساء الخير حبيباتي ..
شلونكم ؟

بعد 6 أيام ان شاء الله يصير لنا سنة من تزوجنا ,,

و من فترة قبل لا انام ريلي يقول ما ودج يصير عندنا بيبي ؟
قتله أكيد ودّي بس الله مو كاتب شنو أسوي ؟

قررت أراجع عند د. ليلى أشكناني ..
رحت لها .. سوت لي سونار داخلي و قالت لي عندج تكيّس بسيط حيل و ماتوقع ممكن يأثر على حملج ..
فـ بس صرفت لي كلوميد .. اخذه من ثاني يوم الدورة .. لمدة خمس ايام .. حبة باليوم ..

و ما سوى لي شي الكلوميد أبداً ..

قلت أراجع عندها مرة ثانيه عشان نشوف حل ثاني .. سافرت و ما حصلتها ..

راجعت عند د. ريّا القزويني .. في مستشفى رويال حياة ..
سوّت لي سونار داخلي .. قالت لي عندج تكيّس بسيط و اللي قاعده اشوفه ان صاير عندج تبويض .. بس مو ثابت للحين ..

قالت لي احنا التكيّس عشات نثبت وجوده لابد من توفر 3 أشياء .. بالفحص + تحليل الدم + شي ثالث نسيت شنو اهو لول ..

تحليل الدم طلع عندي اوكي و الفحص تقول ان فيج خفيف ..

المهم قالت احنا عشان نبدى كورس التبويض .. لازم اول شي نشوف ان انتي مبايضج مافيهم شي و ريلج سليم .. و عطتني اوراق تحاليل حقي و حق زوجي و كل شي ..

طلعت من الدكتورة .. قلت له ان لازم انا احلل و انت تحلل .. جان يقول بييه وايد طواله و عباله !!

طبعاً ركبت السيارة و ضاق خلقي حيل و جد صكت فيني الدنيا .. قطيت الاوراق بدرج السيارة ..

و نسيت الموضوع .. قلت خل أخلص دراستي .. و لما اقرب عالتخرج اسوي التحاليل ..

المشكلة ان اهو كل ما شاف يهال راغ قلبه .. انزين سو معاي التحاليل !! يقول لا خلي رزقج على رب العالمين ..

و نعم بالله .. بس الواحد يحلل يشوف ..


مادري .. انتو شرايكم ؟
انا ودي اكيد .. و هم ودي أنطر لما اتخرج ..

الله يرزقني و يرزقكم الرزق الحلال يا رب

 

[! يكفيني انت !]

نفس زوجي انا صارلي سنه ونص وكل ماافتح الموضوع يقول ان شاءلله وسبحان الله يطوف الشهر وماحللنا يقول خليها علي ربج

قلت له ربك قال اسعى ياعبد وانا اسعا معاك


الله كريم الله يرزقنا من غير علاج

 

[glby7sas]

نصيحه خلي زوجج يفحص
انا نفسج زوجي كان واثق من نفسه وانا اللي احن رحنا حق عياده الدكتوره هند الحمدان الحمدالله جنه الله مسخرها لي شافني قالتلي عندج تكيس بسيط واذا صار بسيط مايأثر بالحمل اكيد انتي كنتي ضعيفه ومتنتي قلتلها صح كلامج قالتلي ضعفي جان تنادي ريلي وتقوله يالله اصعد الحين سولي تحليل ابيه ضروري لوول ويلي يطالع افتشل يقولها ماابي ماعطته مهله الموهم سوا التحليل وبالاخير طلع فيه ضعف وكانت الصدمه الكبيره واثرت على نفسيته وايد والله كريم ليلحينه انعالج وانشاءالله امورنا بتحسن

 

[بحرينيه كوول21]

الله يرزقج ويرزقنا ياارب

 

[عسل حدي]

قولي حق الدكتوره بالتلفون تحط جدام الامر الواقع وتقوله ابي الحليل الحين

 

[غرام القمة]

الله يرزقكم ويرزقني ياااااااااااارب

 

[عسل حدي]

اب اب اب

 

[# غنوجة بيبي #]

الله يرزقج

آنــــ į ąɱ ــآ كان عندي تكيس قبل مااحمل بشهر


رحت لحرمه خذيت اعشابها و طاح الكيس مع الدوره و شفته بعيني جنه قطعة لحم كبيره

انتظمت الدوره و حملت مع ان فيني بعد ضعف

بِــ̯͡سّ ما الله كتب ان الحمل يكمل


حيل زينه للحمل

و الحين توني مراجعه عندها


انصحج فيها اقري عنها بالنت

اسمها ام فيصل في جابر العلي


و الله يرزقج

 

[ابدا يالغالي مانساك]

قولي حق ريلكك لاهي عباله ولا طواله
اذا يبي روح له اي عيااده خااصة اقله يووم ويطلع التحليل
كلنا حبيبتي نفسكك ببداية زوااجناا تلقين ماايحب يحلل الريااال يخااف هالشي يكسر فيه
توكلوا علي الله ولا يضيق خلقكك ولا شي
ولاتتركي الموضووع رااجعي من الحين صارلكك سنه لتقولي دراستي
رااجعوا ودرسي

موفقه

 

[مشتطـه]

نصيييحه نطري تتخرجين

وعسى الله يرزقج يارب

 

[عسل حدي]

وانا انصح بام فيصل وبشده

 

[شقاوة هداوي]

الله يرزقك يارب ويرزقني ويرزق عسل حدي
وجميع المحروم

 

[سمراء كويتية]

حبيبتي انتي كملي علاجج ماله شغل بالدراسه واذا ان شالله صرتي زينه و راحت التكيسات و ماصر حمل كلميه بحزم و قوليله انا من صوبي كل شي تمام العمر يركض مافي غير انك تروح تفحص و فحصك مافي اسهل منه واذا في شي كل شي له علاج واحنا نبي نكون عايله اذا تميت تعاند ماراح تشوف الضنى
خليج عند كلمتج وبيني انج معصبه وان شالله تلاقينه يروح ويفحص
كل الريايل يعلون اذا في فحص

 

[tooooka]

ربنا يرزقك قريبا يارب ..... للمزيد من المعلومات عن التلقح والخصوبة ومواعيد الافضل فى التلقيح وهذة التفاصيل .. الخ ... فية موقع اسمو بيبى سبيس ارابيا ..... BabySpaceArabia.com

 

[عسل حدي]

اب اب اب

 

[Glamour Bride]

يا رب الله يرزوقكم الذرية الصالحة


كلمت زوجي و مازال رافض .. يقول كملي دراستج لان البيبي راح يلهيج ..

ممكن حلول ؟

 

[sweet78]

أنصحج نصيحه لوجه الله تعالى ومابي منج الا الدعاء الله يثبت لي وليدي ..

أنصحج بالحجامه مع ام عمران والله حملت بالشهر ايلي وراه

هذا رقمها 97943457

توكلي على الله ولا تخافين ترا ما تعور واهيا مرا فيها دين تقرا عليج وراح ترتاحين وايد معاها وتييج للبيت وتييب لج العده معاها يديده

استخيري وتوكلي على الله ..

ان شاء الله تبشرينا حامل يا حي يا قيوم ما تمر هالسنه الا بطنج جدامج

الله يرزقج بالذريه الصالحه يارب

ولا تنسوني من دعائكم .....

 

[الداافئه]

انا اقترح مثل مااقترحت اختى الى قبلي .. ان تاخذينه معاج وبعدين مع اتفاق مسبق مع الدكتوره تجبره وتحطه فى الامر الواقع وتطلب تحليل فورى .. اختى المعالجه يبيلها وقت يعنى نفرض هو يقول بعد التخرج وبعد التخرج نبتدى نحاول نتعالج يمكن تاخذ فتره بعد ليش التعطيل ..هذا رأيي واتمنى الله يرزقج ويرزقنى بالذريه الصالحه حبيبتي

 

[!! دلوعته !!]

الله كريم

 

[عسل حدي]

استغفر الله الذي لا اله الا هو واتوب اليه