صار معاكم جذي

[أحلى عيون]

شخباركم بنات
بنات انا سويت ترجيع الأجنه المجمده وبعدها الحمدلله سويت تحليل هرموني طلعت نسبه زينه وقالوا اني حامل لكن من حللت ينزل علي دم كل ماأمسح تكرمون وكل ماأروح لطبيب يقول ماصارلك شهر نسوي لج سونار نشوف فيه جنين ولا لأ
الحين السؤال فيه وحده ينزل عليها دم وقف بعدين واهيا مسويه ترجيع الاجنه المجمده وفيها صداع بعد
انتظر ردكم ادعولي ربي يثبت حملي ويوقف دمي

 

[كويتيه مذهله 87]

لا ان شالله ماكو الا العافيه لا تحاتين ولا تفكرين ولا توسوسين مو زين لج

انا مو مسويه اطفال انابيب فما اقدر افيدج

بس الي اعرفه اغلبيه البنات ينزل عليهم دم ويكملون حملهم ماشالله

الله يثبته ياااارب وتفرحون فيه ن شالله

 

[Coffee-Girl]

الله يثبت حملج ياقلبي ولا تحاتين

 

[أسيل]

السلام حبيبتي .........................

اولا ::: مبروووووووووووووووك والله يتمم عليج ياقلبي

ثانيا ::: طبيعي ينزل دم بعد ترجيع الاجنه بس مو معناه انج تسكتين على نفسج لازم تروحين لدكتورتج وتشرحين لها...

ثالثا ::: انا خايفه من نقطه وحده اللي هي عوار راسج خايفه يكون الحمل لاسمح الله خارج الرحم ياليت تروحين لدكتوره حفصه بوعركي برويال حياة شااااطره اهي دكتوره بحرينيه بس تهبل وعندها خبره بالانابيب مارسة الطب خمس سنين في أمريكا وصج صج شاطره روحي استشيريها وخليها اتأكد لج من انه في الرحم ولا خارج الرحم....والله يوفقج يارب ويتمم فرحتج وطمنينا عليج لاتنسين............

 

[أحلى عيون]

ياعمري اخواتي اشكركم علي الرد
اختي اسيل مايصير خارج الرحم لانه الدكتور حاط البويضات داخل الرحم بالنسبه لصداع كل دكتور يقولي هذا من علامات الحمل والله يثبت حملي الي ماتعرف الجواب تكفون بس ادعولي ان شاء الله ربي يستجاب الدعاء

 

[أسيل]

انشاءالله ما يكون خارج الرحم بس هم يصير خارج الرحم حتى لو عملية اطفال انابيب وصارت مع اكثر من وحده وانا ما ودي اخرعج بس هذي معلومه صحيحه وانا شايفه ناس جذي

 

[Coffee-Girl]

سويتي العمليه عند اي دكتور؟

 

[أحلى عيون]

مشكورين الله يطمن قلوبكم وانا مسويتها عند دكتور زيد الكيلاني
ادعولي الله يخليكم

 

[فتكات بنت كيداهم]

مراحب ياحلى عيون والله يثبت حملج انشالله نزول الدم يعتبر عادى نسبيا لان تم ترجيع الاجنة داخل معنا ان الدكتور راح يفتح عنق الرحم فى بعض الحالات يكون عنق الرحم مغلق حيل وراح يحتاج يفتح عن طريق ملاقاط والطريقة هاذى متعبة وينزل دم اما بالنسبة لسونار لازم يسوية بعد 6 اسابيع من الحمل علشان يبن نبضات البيبى وفى تحليل هرمونى تسوينة كل يومين واذا شفتى ان نسبة هرمون الحمل بارتفاع كل يومبن معناه ان الحمل باحسن حال و يارب يرزق ربى ويتمم عليج بخير واى استفسار انا حاضرة وانا سويت العملية من قبل حملت لكن ماتم بسبب تشوه الاجنة .والحمدالله على كل حال

 

[محاميه الغد]

الف مبروووك حبيبتي
انا سمعت انه عادي ينزل دم بعد الترجيع و انشالله مع المثبتات و التحاميل يوقف
و اهم شي الراحه التامه

 

[مبدعة]

شخباركم بنات
بنات انا سويت ترجيع الأجنه المجمده وبعدها الحمدلله سويت تحليل هرموني طلعت نسبه زينه وقالوا اني حامل لكن من حللت ينزل علي دم كل ماأمسح تكرمون وكل ماأروح لطبيب يقول ماصارلك شهر نسوي لج سونار نشوف فيه جنين ولا لأ
الحين السؤال فيه وحده ينزل عليها دم وقف بعدين واهيا مسويه ترجيع الاجنه المجمده وفيها صداع بعد
انتظر ردكم ادعولي ربي يثبت حملي ويوقف دمي

انا سويت ترجيع اجنة مجمده

و نزل علي دم من الاسبوع الثامن او التاسع تقريبا الى الاسبوع ال 13

وكان سبب نزول الدم اهو انفصال بسيط بكيس الجنين عن بطانة الرحم

و الحمدلله بعد الاسبوع ال 13 وقف الدم

نصيحتي لج في حال نزول الدم اهم شي و افضل شي انج تلتزمين الاستغفار كثر ما تقدرين

التزمي الراحة بكل معانيها يعني ما تتحركين من الفراش الا للحمام فقط

لا تبذلين اي مجهود

طبعا الحين ما يقدر يعطيج ابر مثبته الا لما يتاكد من وضع الجنين و السونار بالغالب يكون بعد الاسبوع السادس علشان يبين يعني الاسبوع السابع يكون زين

شربي كاس ماي مع ملعقة نشا كل يوم على الريج لمدة 3 ايام كان احسن شي استخدمته علشان يوقف الدم مع اني جربت الابر المثبته يوقف الدم يومين و يرجع بس النشا عجيب ماشالله

الله يثبت حملج و ييسره لج يارب

 

[أحلى عيون]

اشكرك يا لغاليه مبدعه وما قصرتي وراح اسوي طريقه النشا وربي يثبت الحمل ان شاء الله