صالون بريجيت المنقف

[Nitfah]

بنات ودي احد يفيدني عن هذا الصالون يقولون حلو وراقي شرايكم فيه في احد مجربه بسرعه ودي اتعامل معاهم حق حف وبدكير ومنكير استشوار

 

[عذبة الاطبآع]

آي والله حلو و معرروف واللي يشتغلون فيه لبنـآنيآت

آنـآ جربت قصهم رووعه

و اآّذآ تبين رقمهم

23714979

 

[Fstani]

.



اب اب



،،.

 

[pearls_q8]

شغل الشعر عندهم من صبغ وقص واستشوار حلو

 

[فطفط نجد]

يهبلللللللللللللللللللللللللللللللللون وخصوصا للشعر

 

[ليان]

حلو​

 

[نونينونو]

بنات بقولكم لله فالله

اختي نفاس وراحتلهم

وهي صاعده عالدرج جاها واحد كويتي وحكرها بزاوية استراحة الدرج

وقعد يتلمسها وهو بحاله موطبيعيه عما بعينه و مطلع ..... اختي تصارخ محد جاهها من العاملات الا تالي

وتضحك الفلبينيه عما بعينها وتقول اللبنانيه اي هذا كويتي مو اول مره يتحرش حتى بالعاملات وتقول سيارتو بيضا باجيرو بس اعرف اول3 ارقام وتقول اللبنانيه لاختي اسالي صاحب مطعم قصر النخيل دايم بياكل عندو

وانا عم انطر مدام بريجيت تجي من السفر واقولها
واتصلت ع زوجها وجا وكلم راعي مطعم قال انا مليون واحد يجي والشرطه قالو بس تعرف 3 ارقام صعبه نطلع


الي ابيه تحرصون تروحون لهالمكان
والله ثم والله ان سالفه صحيحه

والله يستر علينا و عليكم

 

[سنيوريتآ]

يمممـآإتـي خوفتينـي :s
عـآإد آححب شغـل آلشعر فيههم عجييب ,,​

 

[موج-البحر]

شوفي اختي احلى ماااااافيهم سوالف القص والاستشوار شغل عدل مدل على قولتهم

بس ديري بالج يقصون عليج بشي من ناحية الفلوس يموتون عليها يعني يمكن تدفعين وتسوي شغلج وقبل ماتطلعين

من الباب تقولج والله تعالي في زيادة لازم تدفعينها بعد

يعني نصاااااااااااااابين استغفر الله ياربي خصوصا اذا كنتي مضغوطة ومشغولة هاذي حزتهم اييون ويبلغونج مايقولون

من الاول

 

[تووولين]

شوفي حبيبتى انا قصيت شعري واختى معاى وقبلنا رفيجتى متنا عيت تطول شعورنااا ايدهم مافيها بركه وقفت بغينا نموت
بس عقب رحنا قصيناه بمكان ثانى بس الاطراف نبيه يطول يتحرك والحمدلله تحرك

وحمام البخار عندهم خااايس اختى سوت عندهم يجيب السلال الحين ماصاروو يجونه نفس قبل لانه فتح فرع بفندق على البحر واحسن العاملات راحوو له

تبين شغل عدل ومظبوط ومو خسارة الفنادق فندق كويت كونتينتال ولا ارووع منه خصوصا حمام البخار عندهم رووعه

وبعد سالفه هذا الى عالدرج لايحوشك خليهم يولون قطيعه

 

[جرح!!]

اللبنانيه اللي فيه ام شعر اشقر استغفرالله يارب احسها مو مضبوطه ولا نفسيتها خرا
جم مره اروح فيه ولما سويت استشوار عندهم الحيوانه نقعتني وخلت وحده مسجله تو تيي مكاني
وقتها قهروني وحلفت مااطبه
ولا شغل القص عندهم حلو قصت خواتي تهبل بس اختي الثانيه ماضبطت القصه لهااا
هذي تجربتي لهم بصراحه​

 

[صريحة جدا جدا]

اقولج تجربتى وبامانة والله يشهد روحت اسوى صبغ من كثر ما مدحوها بنات بالمنتدى المهم روحت قولتلها ابي اسوي اشقر اتفلسفت وقالتى عيونج ملونة سوى نفس اللي انا مسويه حق روحى بنى شوكليت المهم قالتى هيكلفج 50 دينار قولتلها اوكى جان تقولي روحى ادفعى الفلوس الاول شنو هذا ؟ استغربت بس ماهمنى دفعت عادي المهم وانا بغسل شعري من الصبغ تقولي انتى وحظك شنو اللون اللي هيطلع ؟؟؟ المهم اغسل شعري خشن وانا شعري وايد ناعم ماادري للحين اعالج شعري بسببهم عقب ما خلصت صبغه قولت اسوي شيرة كانت تقولى 7 دينار علي ما اتذكر دفعت ودخلت غرفة مع الهندية كانت تيجى الساعه 9 وما خلصت شغل تقولى اللبنانية الوقت 9 والصالون بيسكر قولتلها لسه ما خلصت انا دفعه فلوس جان تقولى تعال باجر شنو هالمصخره معاملة زفت ونصابين بالفلوس صج همهم فلوس وبسس ديرو بالكم منهم

 

[حورية بنت حواء]

انا قصيت شعري عندهم قلتلها ابي مدرج على طوله راحت قالتلي اوكي
ما لقيتها الا انها قاعده تقصه كاريه بعدين درجته

يما اخترعت قلتلها ليش قالت كان يبيله اقصه بالاول لانه ميت من تحتت

ميت ولا صاحي انا قلتلج على طوله يعني على طوله


وطول ما اهيا تقصلي
تقولي يبيلج ويبيلج وسوي وسوي وتعطيني اسعار خيالية
وطبعا انا طاف ولا جنه في احد يتكلم :krkrkr:

 

[dob106]

عن تجربه قصيت شعرى عندهم وعقبها ما طال على قولتها ايدى خضراء ايه هين ورحت وقصيت شعرى عند بنات مسمين ومصلين والحمد لله طال من بعد عناء والله على ما اقول شهيد

 

[معلمة_منكوبة]

زحمه وااايد على الفاضي الواحد ماياخذ راحته وبينطر دور على شنو عاد

مره دشيت له وشفت زحمه عند الباب رديت مايسوى

 

[صريحة جدا جدا]

نسيت اقول ان عقب ما صبغتالي على كيفها تقولى يحتاج كيراتين 200 دينار قولتلها انتى شايفة شعري ناعم وحلوو ما يحتاج شي تقول يقوى خصيلات وجذى احس يابون فلوس وبسسس ونفسية خايسة ماكو احلى من صواليين المعروفه نفس كونتينتال وديسانج غالي بس يستاهل صراحة عنايه فائقة

 

[HoOoney]

مي وبس اللي بكونتينال اللي بفروانية
صيغات وقص ولا احلى وامينه

 

[صريحة جدا جدا]

مي وبس اللي بكونتينال اللي بفروانية
صيغات وقص ولا احلى وامينه

اتفق وياج بالراي خيتوو

 

[ولعتني وصديت]

رووووووووووووعه يهبلون خصوصا للتسريحآإت والميك اب
وااااو اروح العرس واارجع والتسريحه ثابته :$

 

[انجبر قلبي]

آنا جربت بريجيت اللي بفندق مرينا روعه و الحين بجرب اللي بالمنقف لان ارخث و عندي مناسبات ورا بعض خرعتوني منه