السلام عليكم بنات موعارفه والله اشلون ابتدي بس ببدي بالسالفه على طول من اول ماتزوجت ولي هاذي اليوم من اول ماخطبني زوجي وشصار بعدين من كوارث اول ماخطبني يوم نتفق على المهر قالي بيعطيني 2500 قلت له اوكي وتالي كل مره تم يقول شي واخر شي قالي ماعندي الا 1000 وان شاء الله باعوضج بعدين عندنا بيت وبنبيعه وبنتوازع الفلوس وانا والله ولا يهمني لا افلوس ولاغيره بس المفروض اهو يقدرني عروس يديده ومحتاجه اشتري والكل عارفه هالمهر مايسوى شي هالايام واقنعني واقنع ابوي ورضينا والله لو ناس غير مايرضون لو شيصير وتالي يوم رحنا نسوي فحص زواج الا وحده تناديه واهو مايرد وقلت له ماتسمع روح شوف المره اشتبي راح لها وانا كنت جريب منه وسمعتها اتقوله هاذي زوجتك اليديده الا يقولها لاء انا حدددددي انقهرت ومشيت عنه وخليته وتالي يه اهو قال حق ابوي الله يرحمه ان هاذي من اهل طليقته واهو خايف اتقولها واتسوي له سحر او شي وانا قلت حق ابوي لا مابيه من الحين يخاف ابوي اقنعني ان اهو خايف علي والمهم تمت الملجه وتالي قال ماعنده حق عرس ولا شي واحنا كنا متواعدين ان نسكن بشقة ابروحنا واهو وافق على شرطي وتالي قال حبيبتي الحين ماعندي فلوس بنسكن في بيت ابوي شهرين ثلاثه وبنطلع والله رحت بيتهم الا اثاث قديم مكسر انا استغربت حدي اشلون يسكنني في هالمكان وصبرت قال لي صار عنده بيشتري يديد وتالي اخته قالت لي انهم باعوا بيتهم وانه استلم الفلوس اتصلت له يوم رد البيت تم يحلف عل القران انه ما استلم ولا فلس الحمدلله والشكر وتالي بالهواش وبالغصب رضى يشتري اثاث يديد وشرالي اشوية ذهب لانه والله خذني لادبله ولاشبكه ولا شي شرالي غير هال1000 اللي يعايرني بها للحين وغير اخته http://www.q8yat.com/t753950.html اللي غربلتني وابوه http://www.q8yat.com/t783313.html وابوه كل مره ايي يطق الباب علي خطر لا يكسره ومره قلت له واهو اتصل على ابوه وقاله اشتبي اتطق الباب الا تم يصارخ بقمة راسه ويقول مابيها في بيتي طلقها وباعطيك تاخذ وحده غير انا اشعندي عشان اتخاف مني اشباسوي لها والله ابوه جم مره لامسني وانا شارده عنه ودخلت غرفتي ويوم قلت له وحق خواته واخوانه قالوا مانقدر انقوله شي ريال كبير وانخاف يطيح علينا او يصير له شي ولا احد منهم ووقف معا الحق ونطق بكلمة تنفعه عند ربه حسبي الله ونعم الوكيل فيهم انحكرت بغرفتي لا اقدر اتحرك ولا اخذ راحتي رحت نادي رياضه وداني يومين وهون مايبي يوديني مو راضي حضرته وكل ما اييب سيرة اني ابي اعيال يزعل ويتضايق مره تغشمرت معاه قلت له انا حامل قال انا مسوي ربط وانتي حامل مو مني ويوم قمت اشيل اثيابي وتم يتاسف ويقول انه يتغشمر معاي ينني افتر عقلي منه وكل مره يكلم طليقته وقاعد يبني في بيته يسوي طابق ثاني وانا من اقوله عن الشقه يقول صبري او مالج حق اتطالبيني بشقه والمحكمه ماتجبرني ان احط لج شقه ينني وللحين على هالحال من 2007 ولي هالسنة ياجل سالفة العيال وسالفة الشقه ويا يقولي صبري او مالج حق وغير اشياء ثانيه ارقام بنات بتلفونه وبسيارته كله يجذب ويحلف على جذب والله انا ناسية اشياء وايد وادري كلامي ملخبط بنات وانا اعرف انه مافي حل حق هالادمي بس ابي اعرف لي حق عليه او لاء يعني طليقته خالعته وفوق ذي مقعدها في بيت اشكبره ويبني لها وانا ماعنده لي والله كفاية اني صابره عليه اكبر مني ب24 سنة وهاذي سوالفه وفوق ذي يزعل من سالفة العيال ويزعل لي طلبت منه شي اهلي كلموه والمحكمه كلموه وشيوخ دين كلموه حسبي الله ونعم الوكيل والله راسي مفتر سامحموني بنات طولت عليكم بس هاذي في اشياء وايد بعد ماكتبتها :eh_s(2)::eh_s(2)::eh_s(2)::eh_s(2):
