صبرت عشر سنوات شوفوا نتيجة صبري سبحان الله

[ملح @ شمر @]

صباح الخير

أخواتي وحبيباتي اشكركم واشكر تفاعلكم
وكل من بارك لي بالحمل وربي يرزق كل متأخرة يارب

حبيت اقولكم شغلة
اخواتي اللي يقولون حملتي لانك نسيتي سالفة الحمل
والله العظيم طوووووول السنين هذي ماكدرتني سالفة الحمل بالعكس زادتني قوة وصبر ومع هذا ماحملت

بس

الشهرين اللي طافوا صج صج نفسيتي تعبت
الناس واهلي ضايقوني بسالفة الانابيب ليش ماتسوون وماادري ايش وصديقاتي حيل يضايقوني بهالسالفه
وعمرك راح وباكر يخليك حتى جاراتي


وسالفتي اللي صارت تذكرونها ؟
الحرمة اللي احرجتني قدام الحريم الله يسامحها

كدرتني وبكيت منها وتعبت نفسيتي
ورجعت للبيت اصيييييييييييييييييح واصلي كل ليلة وادعي
يااااااااااااااااااااااااااااااااارب
لاتشمت بي الاعداء يااااااااااارحمن
ياااااااااارب ضاقت بي السبل فافتح لي ابوابك
ياااااااااااااااارب ماينفعني لا اطباء ولا علاااااج يارب ارحمني وارحم ضعفي وقلة حيلتي

يارب اذا كان هذا غضب منك وسخط فسامحني واعفو عني يارب انك انت العفو الكريم

واذكر اني كنت ادعي لاخواتي لان عندهم مشاكل مع ازواجهم
وصديقاتي وكل احد يطري على بالي

يعني مو دليل النفسية صدقوني


وبعدها جتني الدورة
والحمدالله نفسيتي ممتااااااااااااازة ورحت جددت موعدي وحللت علشان ابدا مواعيدي من جديد موعدي الاربعاء الجاي هههه

واطلع واجي واتسوق وكلت امري لرب العالمين
والله حتى الدورة مااهتميت فيها
كل شي مباااااااااااح حتى الممنوعات الحامض والبارد

وغسلت
وبديت بالبقرة اخر الليل والوتر والاستغفار
وللامانة
مااااداومت عليهم مثل دايم لا والله
ورحنا اجازة ومسااااااييييييير ولعب وسهرات ووناسة بس
لما اكون عند اهلي
وماشاء الله اخواتي اصغر واكبر مني
اذا تجمعنا
كل وحده ولدها بحضنها الا انا :eh_s(2):
كان يأثر فيني هالشي واحس حيييييييييل الواحد اذا دخل يلاحظ
خاصة ابوي
وادعي بيني وبين نفسي واقول
ربي لاتذرني فردا وانت خير الوارثين

مع اني كنت ماأتأثر بس من عقب سالفة الحرمة صرت حيييييييييييييل حساسة

والله يابنات
حتى وقت الجماع كنت اقوم بسرعة واتسبح بماي دافي مو مثل قبل
اطول على كلام الدكاترة
واتنقع بالبانيو ههههههه عايشة الجو

وكنت اركض على الدرج واتنطط واطيح واقوم شي ماينصدق

واللي مخليني مو مصدقة الحمل
مرة كنت الاعب ولد اختي عمره 8شهور احذفه بالهواء ويضحك وشافني اخوه عمره 5 سنوات مو شهور !!!
وقال انا انا حذفيني
ومابغيت اكسر بخااااطره والله اشيله فوق واحذفه وامسكه
وكان ثقيييييييييييييييييييل ماشاء الله

وكنت على وشك الدورة لاحظوا

غير اللعب معاهم والدرج الدرج يااااااااااااااابنات
مستحيل ولا املك اعصاب على الدرج لاااااازم اركض ركض
واكره الدرج ومااحب امشي فيه بشويش

وكان معاي اغراض وجاااااااية من الظهران وعلى طول اخر درجه زلقت وزوجي بالسيارة يشوفني يوم اقلع هههههههه


وماشاء الله
اذا الله اراد يقول له كن فيكون
لا علاج ولا مداراة ولا اهتمام و لا انابيب ولاااااااااااااااااااااااشي
سوى
قدرة الله

اللهم لك الحمد حتى ترضى ولك الحمد اذا رضيت ولك الحمد بعد الرضا
يارب ارزق اخواتي يارب
وارحمهم برحمتك يارحم الراحمين :yaaaaaarb:

اوصيكم بالوتر اخر الليل
انا احيانا اصليها بعد الساعه 12 اذا ماقدرت اسهر
واحيانا اقعد قبل الفجر بربع ساعة



دعواتكم لي ان الله يثبت حملي
:eh_s(7):




​

 

[الأميرة جوري]

ماشاء الله تبارك الرحمن ...الف مبرووووووووووووووووووك وديري بالج علي نفسج ...ونصيحه اذا مانشرتي خبر حملج لاتنشريييييييييينه <<مجربه خذيت 6 سنوات ولمن حملت ونشرت خبر حملي اجهضت اسم الله عليج ...وثانى حمل ما نشرت خبر الحمل الا بعد الشهر الخامس ...والحمد الله من قبل ومن بعد .....والله يتمم عليج وتولدين بالسلامه

 

[jaaanooo]

هههه يا بعد عمري .. سبحانه الله .. الله يرزقج بالولد الصالح ياارب الي يعوض صبرج خير حبوبتي ... وياارب يثبت الحمل ويقومكم بالسلامة انتي والبيبي ... وما تطولين وتخاوينه بعد قوولي يااارب

عاد الحين هالله هالله حطي بالج على روحج وتدلعي على كل ما تقدرين ربي يحفظكم انتو الاثنين يااارب

 

[استغفار]

ياحيي انتي والله اني تأثرت حيل بسالفتك
ربي يتمم لك ان شاءالله وتفرحين بولادتك وينترس بيتج عيال
ادعيلي معاج الله يرزقني الولد الصالح ,,

 

[rachaaa]

الحمدالله والف مبرررررررررروك يا رب ربنا يثبتك​

 

[أم سعود الشمري]

سبحانك يارب ما أكرمك

ما شاءالله تبارك الرحمن

ألف مبروووووووووووووووووووووووووووووك

وعسى الله يتمم عليج ويسهل حملج وولادتج

ويقومج بالسلامه

والفال لنا وكل عقيم ومحروم مسلم

يااااااااااااااااارب

 

[ملح @ شمر @]

الله يكرمكم يالغاليات ويرزقكم

خلوا املكم بالله كبيييييييييييييييييييييييييييييييير

وانا من دريت بالخبر
صيااااااااااااح ووناسة ماعندي وقت ادق على احد ههههه
ولما فضيت ادق ومحد يرد واللي مغلق بس اخواتي دروا

وجا زوجي وقال شوفي انا مابعلم احد وانتي نفس الشي
مايدري خبره واصل هههههه
ودقيت عليهم وقلت زوجي مايبي احد يدري قالوا خلاص


والله يثبته يارب
​

 

[الريشة]

و الله دمعت عيوني من كلامج
الله يتمم عليج و يفرحج

 

[لينا]

الف الف مبروك والله يثبت حملج وتفرحين فيه
والفال ان شاءالله لنا يارب

 

[ملح @ شمر @]

حبيباتي الغاليات
والله لما حسيت بالفرحة تذكرتكم وتأكدوا مابنساكم من دعائي
بس احسنوا الظن
والله مريت بظروف هالشهرين محد يتحملها من القريب والبعيد
كانت بالنسبة لي صدمة
لو اكتبها مابتصدقوني

ولجأت لرب العالمين
على سجادتي ادعي واشكي وابكي من كل قلبي
يارب ماترضى بالظلم فانصفني

والله يرزق كل متأخرة يارب ويقر عينها ويعوضها


​

 

[وعله]

الف مبروك ياحياتي والله العظيم فرحتيني
الله يثبت حملش ويرزقش سبحان الله
الله يرزقني بذريه :yaaaaaarb:

 

[أملي بعد الله]

ياعمري إي أتذكر سالفتج مع الحرمة عدل والله ضاق خلقي وحسيت إني أنا اللي صار لها الموقف وتخيلت

مبارك حبيبتي هالحمل عساه فال السعد والخير عليكم والله يثبته ويطرح فيه البركة اللهم آمين ويتمم حمله وولادته على خير
حصنيه وحصني روحج ولا تعلمون أحد

بس شنو شعورج كتبي بالتفصيل تكفين يوووه عشر سنين انتظار ياااااا الله

أنا إنتظار 10 شهور بس وأحس إن نفسيتي تعبت شوي

أنا ولا شي قدامج صراحة تكفين لا تنسيني من دعوة حلوة في ظهر الغيب إن الله ييسر علي ماتعسر ويرزقني الذرية الصالحة اللهم آمين

 

[ملح @ شمر @]

املي بعد الله
شعووووووور ماينوصف
قبل الدورة كنت احس بأشياء غريبة
يعني
اتخيل ولدي قدامي والاعبه واكلمه ويجي يصحيني من النوم واسولف معاه والله قلت شكلي انهبلت رسمي

وانادي بنتي والاقيها تعبث بمكياجي ومناكيري
وافكر
وايحث كتب لتربية الاطفال وزوجي يجي يقعد على اللاب ويلقى بقوووقل صور اطفال ههههه
وبعدها
قمت احس اذا تمغطت ولا تحركت ولا ركضت شي بأأأأخر البطن يعورني واتعدل على طول

ولما تأخرت يومين
جبت تحليل وزوجي مايدري كان قاعد على الاخبار
رحت للحمام مكرم السامع
وحللت وعلى ماغسلت ايديني التفت الا خطييييين واضح :eh_s(1):
لا شعوريا وانا اطالع للتحليل :RoadRunner:
الا انا عند زوجي ههههه وانا مابي اعلمه
واقوله شوووووف خطين
وهو :ssssso:
مايدري شسالفة مصدوم ويطالع
قال هذا تحليلك ؟
قلت تحليل جارتنا هههههه قال يالله بس تضحكين علي

وجاب تحليل ثاني
وقمت اصلي الفجر واروح احلل ويطلع خطييييييييين :eh_s(11):
واروح
والرجال مو مصدق يقول ايه خلاص بكل برووود وانا مصدومة من ردة فعله
ولما جا من الدوام قلت بحلل دم قال لا بعد اربع ايام قلت الحين قال انا تعبان بنام

والعصر
جهزت القهوة والحلو وصحيته وقهويته واقنعته احلل الحين وقلت يمكن اسقط على الاقل يصرفون مثبتات على المغرب اقتنع هههههههه

المهم
رحنا المستوصف وحللت وقالت بعد ساعه
كنت حيييييييييييل متوترة وشافني زوجي متوترة قال خلينا نروح نتمشى ونمرهم بعد ساعه قلت احسن

وبعد ساعه
جيت مستعجله معاي ورقة التحليل وانادي الممرضة ومتوترة حييييييييييييل وقلبي والله اسمع دقاته وماقدرت اقعد بس افتر واخذت ورقتي وتطلع تحليلي
وتناديها الممرضة الثانية تبيها بشغلة وانا هنا انجنيت اعصابي تلفت
عمري ماتوترت نفس كذا لما شفت نفسي متوترة قلت اكيد حامل
المهم وتروح الممرضة الاسيوية للسورية وتكلمها وتعطيها قلم مدري وش تكتب
قالت الممرضة للسورية مافيه ماااااااافيه ؟
وانا واقفة اقول لا فيه ليش مافيه الا فيه وهم يطالعوني كذا
اثريها تقصد القلم مافيه حبر ؟
ههههههههههههههههههههههههههههههههه
المهم
نادت اسمي
وجيت ركض وتقول فيه يامدام فيه ههههههه
وانا اقول شنو شنو اللي فيه ابتأكد اخاف حبر بعد ههههههه
تقول هامل مدام هاااااااااامل
وزوجي واقف واقوله سمعت فيه انت مو مصدقني شفت
وارجع للممرضة واقول اكيد بشوف
وارجع اقول ايش الاسم اتاكدي اسمي وزوجي يابنت الحلال انتي هذا التحليل معاي
وقعدت ابكي لا شعوريا ويدخلني زوجي مكتب فاضي وسجدت سجود الشكر

وجلسني على الكرسي
والتفت له واقوله اخيييييييييييييرا وطالعت فيه ولا مبتسم وعيونه ملياااااااااااانه دموع ويضحك

وانا اقعد اصيييييييييييح ههههههههههههههه
وجت السورية وتقول المفروض تفرح مو تبكي فاهمه غلط بغيت اقول طيييييييري زين
قالها زوجي معليش متاخرة عشر سنوات
قامت تهديني

ولما طلعنا الكارثة
قعدت اضحك كني سكرااااااااااانة ودموعي تصب ههههه
وزوجي يضحك يقول شفيك ؟!!!!!!!!!
مستغرب

ولما ركبنا السيااااااااااااارة
اخذت راااااااااااااااااااحتي اضحك لا شعوريا كركرة مو طبيعية وزوجي مات من الضحك على شكلي
ولما جينا الشقة بدت النصايح والارشادات من زوجي
ومانمنا البارح
وحنا بالفراش ساااااااااااااااااااكتين ونفكر وكل شوي حبي نمت ؟ لا
حبيبتي نمتي ؟ لا
ههههههههههههههههههههههه

ادري طولت عليكم
وهذريت بس لحظات لا تنسى وماكنت متوقعه فرحة الحمل كذا
والله يرزقكم يارب
​

 

[غير كل الناس]

الف مبروك وعلي نياتكم ترزقون

 

[jaaanooo]

هههههههههههههههههههههههه يحليلج والله .. يارب يرزقج على قد نيتج يااارب والله ضحكيتي وانتي قاعده توصفين شنو صااار .. الحمد لله وربي يثبته ويقومكم انتو الاثنين بالسلامة يارب العباد ...

 

[{الجارحه}]

ياماشاءالله

يارب يثبت حملج

وعسى الله يرزقج ب٤ تؤام ويفرح خالتي مثلج

 

[شنوووفه]

وااااي بعد عمري ربي رزقج الحمدلله والشكررر الله مايقصر وكرييم بعبااده ربي لك الحمد الفال حق البنات الباجيين
وديري بالج يااعمري والله يتمم عليج

 

[الاهله]

ياعمريييييييييييييي انتى

يمكن انتى ماتعرفيني بس والله من كتبتي موضوع التحليل ان طلع خطين وانا احاتيج وادعيلج

اقسم بلله صرت ابكي الحين فرحت مرره والله كان انا

الحمدالله رب العالمين بس زي ماقالت لج الاخت لاتعلمين خبي لين تدخلين الخامس

الله يتمم عليج ويحفظج

ويرزقني الذريه الصالحه انا وكل محروم

 

["*آآآنؤؤؤقهـ*"]

ياسبحان الله ،، صج والله كل شي بيد الله مقدر ومكتووب


والحمدلله على النعمه اللي الله انعمهاا عليييييكم


الحمدلله وعسى الله يثبته ويسرلج حملج ولادتج

والف الف مبرووووك ،،











بس تدرين ،، اني اقرا كلامج واعيوني غرقانه تدمع

الحمدلله الحمدلله ،،

 

[لبااابه]

الحمدلله
ربي ماينسى عباده وهو اكرم الاكرميين الف مبروك اختي وعسى الله يثبته ويتتم لج حملج
ويرزق كل محرومه ويرزقني ياكريم