صبغت شعري و ضيعت احلى ليله :(

[Dalal85]

السلام عليكم





بناااات انا حدددددييييييي مقهوووووووووورة من اللي صبغت شعري اليوم ...

قلتلها " حبيبتي ابي اغير لون شعري عندي مناسبة باجر عيد زواجي و الصراحة ابي اصبغ لون واحد ..و انا عمري ما صبغته !! " و وريتها صورتين بموبايلي .. و الصورتين تقريبا نفس اللون و الروح .. يعني بني غامج من غير شي .. جان تقولي " حبيبتي هذا مع هايلايت !!! " و انا طبعا ما اعرف حق الاصباغ عدل و لا اعرف شنو لون الهايلايت .. بس اللي اعرفه انه خصل !!..

جان اقولها دام هذا الهاي لايت .. سويه !! و ورتني عينات من الالوان و قالتلي انتي يبيلج هذا و قلتلها اي بالضبط انا ابي جذي و كانت حاطة على صفحة الكوول براون !!!


و بلشت تصبغ بشعري لييييييييييييييييييييين خلصت و شالت الفوطة و قمت حطيت ايدي على ويهي من الصدمة !!!!!!!!!!

مسويتلي هاي لايت اصفر مال اول و صابغة شعري البني اللي على برتقالي جني زهيوية استغفرالله و بنت خالي تقولي جنها مدخلة لون برتقالي على نحاسي @@

و انا مورية المرا صورة حليمة بولند مالت مسلسلات حليمة مال الرمضان اللي طاف !!!!!!

اقولها انتي اي لون سويتيلي من العينات ؟؟؟ تقولي ولا واحد !! انا اخلط الوان !!! @@

جان اقولها بس انا ما طلبت خصل صفرة و ماله شغل اللون باللي وريتج اياه .. تقولي لا حبيبتي نفس الشي !!! و اهلي يقولون اللي بالصورة شي و اللي مسويته لج شي ثااااااني

قالتلي المرا " اذا مو عاجبج عادي ممكن نغيره باجر ... اغمجه لج " قلتلها الخصل كلها مابيها !! قالتلي " اوكي مو مشكله" !

امي خرعتني تقولي هذي ما عندها ضمير !! صبغتلج هاي لايت عشان تلط منج الفلوس و ما عندها ضمير بعد لانه ما عندها مشكلة تحرقلج شعرج باجر !! "


الحين شسوي ؟؟ مو قادرة انام من الحرررة .. راح اروح بار تغمجه بني .. بس خايفة تخربلي شعري و انا باجر عيد زواجي و حاجزة فندق و حالتي حاله

شسوي اكلم صاحبة الصالون لان مو معقوله ادفع زووووود على غلطتها و انها بتحرقلي شعري بعد !! الصراحة مو من حقهم ياخذون فلس مني ولا شرايكم ؟؟؟


:eh_s(2):

 

[سعوودية]

طيب جيبي صبغه بنيه بالبيت وصبغيه
انتى ساحله لون قلبي يعنى لو رحتى راح تصبغه الخوف يخرب ويتنتف الشعر
حاولى بالبيت لون بنى وانشالله مع الخصل الفاتحه يبان الله يعينك يارب
مالومك الشعر شي مهم ونصًجمال الوجه
الله يرشدك للحل الصائب

 

[الأنسة ناعمة MA]

رد : صبغت شعري و ضيعت احلى ليله

يارب يكون بعونج حبيبتي لازم لارحت تصبغ لج أولا قولي وولا فلس راح تأخذين زيادة ولو دمرتي اللون بدمر مستقبلج
ثانيا هذي توفر على الصالون معاجين الصبغ جذي حطت لج أوكسجين وقصت عليج الله عليها حسبي الله عليها ونعم الوكيل
مهم أنتي أنصحج لاتروحين لها .....
أنتي خسرتي فلوس أنصحج ماتخسرين شعرج بصبغة وتحرقة لج من جديد وتلعبة فية هذي فاشلة جسبي الله عليها
أنصحج روحي صالون ثاني ممتاز صج بتدفعين بس على الأقل يكون صبغة صجية وولون ترتاحين لة
وعلى الفلوس الله يعضوج
أهم شي نفسيتج ولاتضيقين عمرج
أكتبي وأسألي البنات وحدة تصبغ صح
لما تصبغين أبدي حمامات زيت وو أهتمام
الله يسعدج تعشين الليلة وأنتي مبسوطة
قبل لاتروحين أي مكان أستودعي الله شعرج من خراب الصبغة

 

[jana-nana]

حبيبتي تري عادي وايد تصير رفيجاتي نفسج اذا اللون ما عجبهم تقول حق اللي صبغ لها فتحبه او غمجيه

انا انصج تروحين حق صالون ليلي هارموني وايد برفيشينال واعرفون بس همن بياخذون منج فلوس

بس لا تحاتييين ماكو الا العافيه

 

[Dalal85]

يا ريت اعرف اصبغ بالبيت .. ما اعرف كلشششش !!!!
مو قادرة انام من القهر ..

 

[ام مضاوي]

اختي بصراحه مابي اضيق خلقج
انتي تقولين ماعندج خبره بالصبغ غير ان اول مره!!! فانتي الغلطااااانه
المفروض تروحين لصالون بروفيشينال وله سمعه بالصبغات
حتى لاقدر الله لي ماضبطت تكون ملزومه تغير الصبغه حفاظا على سمعة صالونها

 

[غلاي من غلاه]

رد : صبغت شعري و ضيعت احلى ليله

ياحبيبتي الله يكون بعوووونج

بس اصحي تروحين لها خل تولي اهي بتعدم شعرج حيل

اصبغيه بالبيت مثل الحنه ماتتعبين حالج بس لاينوش فروة الرأس

والا روحي صالون زين يسوونه لج عدل

ربي يعوضج

 

[رحيق الورد]

ياحياتي الله يعيينج ..

حاسة فيج ..

روحي صالون فاهم و يعالج الشعر ..

روحي لصالون لابلوبيل الي بالشعب ..

ع الأقل يحطون لج امبولة حماية للشعر من الصبغ و ترقع الصبغة الي صبغتها لج ..


بس زحمة عندهم رووحي امبجر ..

 

[عبقرية]

دام خسرتي فلوس لاتخسرين شعرك

حتى لو صبغتي بالبيت بيحترق مثل اختي تماما

صار لها مثل مشكلتك

وصبغت بالبيت واحترق بعض جذوره وستر الله ان شعرها قصير ولو انه طويل لكان بان اللعب

اصبري لاتستعجلي
اول الامر الصبغة تهيج بعدين اللون بيغمض​

 

[bint_looda]

عسى الله يعوضج عن الي دفعتيه بس نصيحه لاتردين لها واضح انها طماعه ولا تدري وين الله قاطها بالصبغ لو انا منج يومهالا وحزتها اسويلها سالفه واطلع مو دافعه

 

[Tutti-Frutti]

جان سالتي اهلج رفيجاتج اللي عنده خبره او حتى هني بالمنتدى حق احسن صالون حق الصبغات
لانه حرام كلش ولا الشعر لونه يخترب

مثل ما قالو البنات روحي صالون عدل وممتاز يعدلون شعرج