صبغ بدون امونيا

[(meemeee2)]

قووووه خواتي

منو اتعرف احسن صبغ للشعر من غير مايخشنه وانا سامعه ان الامونيا اتخشن الشعر وانا ودي اصبغه لون ابيض اللي على رمادي عارفينه
اتمنى من البنات اللي يصبغون في البيت ياعاونوني شنو احس صبغ بدون اضرار

 

[زبده]

حبيبتي روحي السالمية صوب النسائم هناك فيه كل المحلات و اكيد بتلقين

 

[(meemeee2)]

اب
اب اشدعوه محد رد علي
مشكوره حبوبه زبده

 

[shoshowoo]

چنه في بالجمعيات صبغات بدون امونيا
وفي عندج معهد اف جي لازتيك الي بالسالميه عندهم صبغات بدون امونيا ويصبغون لج اذا تبين

 

[(meemeee2)]

shoshowoo يعني اتوقعين اللون الفاتح اذا صبغته مو شرط يصير شعري خشن مثل الحطب

 

[دلوعة مغليها]

شوفي حبيبتي ...............انا اصبغ بدون امونيا بس اللون البني الغامج عشان الشيب مع اني صغيره بس شسوي
و اصبغ كل شهر و نص و فرق معاي بالحيل بصراحه الشعر ما يخشن مثل الصبغة العادية و لا يتساقط عقب الصبغة العادية
للامانة انصحج فيها بس على اللون ما ادري يظبط و الا لا
انا اصبغ عند اسما كانت تشتغل بشاتومون قبل و الحبن فتحت صالون فوق شاتومون شاطرة و صريحة
بالتوفيق

 

[زبــــــــدة]

اذا بتصبغين لون فاتح لازم صالون خوفج ما تضبطينه @@

 

[Angel_store]

اب اب اب

 

[(meemeee2)]

مشكورين وماقصرتو
الله يوفقكم ويسهل اموركم

 

[<miss botamba>]

شوفي بوتس بنت عمتي تمدح صبغهم

بس جنه ماكو لون بلاتيني

 

[barbie_78]

صبغ بدون امونيا موجود بالجمعيات الحين
جنه كوليستون بعد
واكو صبغ في صالون جمعية صباح السالم ق 4 هم بدون امونيا
اسمه اينوا
لو ماتبين الصالون روحي سالي عنه بالمحلات اللى تبيع مستحضرات الصالونات

 

[سكره مالحه]

مااظن يطلع اللون فاتح الامونيا اهيا اللى تطلع اللون
بالدرجه اللى تبينها
اكو مثل ما قالوا البنات صبغة اينوا هذى بروفيشنال بالصالونات يصبغونها وانا جربتها بس لون قامج شوى
ما جربت فاتح منها
واكو صبغة بالجمعية كوليستون بدون امونيا وصبغه يديده من شوارسكوف تحصلينها بكورنر بجمعية الشامية عند الدرى من شوارسكوف
على صيغة موس بدون امونيا مثل الرغوه تحطينها بس 35 دقيقه وتغسلينها
بس افتح درجه شوكلاته لوزى عسلى شوى
بس هذا اللى بالسوق حاليا