صبــــــاح السويفان .. جماليات أدب

[{فجر الكويت}]

السلام عليكم

بنات بغيت أسألكم شرايكم بالدكتوور صباح السويفان أبي أخذ عنده ماده جماليات أدب

بلييييييييييييييييييز

 

[اسيل الصمت]

رد : صبــــــاح السويفان .. جماليات أدب

اب اب اب اب ،،،
اب اب اب اب ،،،
اب اب اب اب ،،،
اب اب اب اب ،،،
اب اب اب اب ،،،
اب اب اب اب ،،،

بالتوفيق​

 

[سارة ة]

ااااااااااااااااب
ااااااااااااااااااااااب
اناماخذه عنده بس مااعرفه

 

[رمز الترف]

بكتب باختصار

الشرح زيروووووووووووووو


الامتحانات دقيق حييييييييييل
التصحيح يلووع الجبددددد

كان امبدع فينا بالمدتيرم
بس البنات كلموه و تعدل بالفاينل حط لنا امتحان سهلللللللللللل و موووو دقيق و تصحيحه كان حلو


يعني ما اقدر احكملج عليه

اول الكورس كان سيء
اخر الكورس عجيب



بس يطيرررررررررررر قريداااات موووو صج
لكن اذا كلمتيه


انا كنت بحول و طيرني قريدات لما كلمته


الله يجززاااااااه خير و يوفقه و يحقق له ما يتمنى

 

[{فجر الكويت}]

بعد قلبوووو يسلمووووووووو

أنزين شلون هالحضور والغياب ؟؟؟؟

 

[أم*سلمان]

آب

آب

لعيوونج و ان شالله البنات يفيدونج

 

[FoFa stylish]

رد : صبــــــاح السويفان .. جماليات أدب

هذا من تقييم الدكاترة

التقييم ملاحظات الطلبة
- النجوم:
- المستوى: سهل
- الشرح: شرح جيد جدا
- حصلت على: B
ننصح به
المـادة: جماليات الادب العربي التاريخ: 2010-12-26
الطالب: JMALY رقم التقييم: 22307

الصراحه من افضل الدكاتره ازلي خذيت عندهم

دكتور طيب ويفهم حال الطلبه

وامتحانته سهله الحمدلله

- النجوم:
- المستوى: سهل
- الشرح: شرح متوسط
- حصلت على: A
ننصح به
المـادة: جماليات ادب التاريخ: 2010-12-14
الطالب: Nasser alali رقم التقييم: 22195

الدكتور بمثابه ابو للطلبه
دمه خفيف بس وايد يسولف
يعطي قريدات
امتحاناته سهله جدا ويحذف وايد
يحب الطالب اللي يشارك واللي يكون هادي ومايسولف
مايشدد عالحضور وايد


- النجوم:
- المستوى: سهل
- الشرح: شرح جيد جدا
- حصلت على: A
ننصح به
المـادة: جماليات الادب العربي التاريخ: 2010-12-13
الطالب: Fahad رقم التقييم: 22178

تبي واحد بس يغيب ؟

بس شرح ممتع مع انه ينوم ؟

تبي درجات بالهبل وامتحانات سهله ؟


بختصار اخذ عند صباح السويفان بس هااا ترا متقلب المزاج

تحياتي لك دكتوور ويعطيك الصحة والعافيه

- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: جماليات الادب العربي التاريخ: 2010-09-13
الطالب: ناصر العنزي رقم التقييم: 21914

الدكتوووووور ررررروووعة وغشمرجي لبعد درجة وكان يحط علي حطة ويزفني بدون مبرر احينااااا وانا اضحك ف يستانس علي انة متقبل الزفة والغشمرة برحب صدر ف لا تتضايقون منة قلبة طيب ويزف لمصلحة الطالب ونزل مادة هالكورس (الثقافة والادب بالكويت ) وكنتتت اتمنيييي احصل عندة ووقت تسجيلي الشعبة فللل لو عندة ربع مقاعد اسجلها بدون تردد ومحاظرتة ممتعة جدددددددددا والمحاظرة كانت 50 دقيقة بدون مبااالغة كانت 5 دقايق واذ خلصت المحاظرة يضيق خلقي واللي يدش بالمدتيرم ما يدش بالفاينل احسسن شي ودكتور يريح الطالب لي ابعد درجة وغيابات للي يحبون انة الدكتور يغيب وعلي فكرة مجموع درجاتي 70 يعني C- حط لي A لانة شاطر معة بالمحاظرة بس الامتحانات اخرربط وسهلة امتحاناتة بس انا ماادرس وانصح فية بقوووووووووووووة

- النجوم:
- المستوى: سهل
- الشرح: شرح جيد جدا
- حصلت على: B
ننصح به
المـادة: 0310100 التاريخ: 2010-09-05
الطالب: بهبهاني رقم التقييم: 21824

خوش دكتور ممتاز يعطي جريدات بالهبل

- النجوم:
- المستوى: سهل جدا
- الشرح: شرح جيد جدا
- حصلت على: A
ننصح به
المـادة: جماليات الادب العربي التاريخ: 2010-08-31
الطالب: Q8hamad رقم التقييم: 21706

دكتور صباح السويفـان
ونعم والله
بكل صراحة دكتور مبدأه شاركني وقدرني اشاركك واقدرك
يعني بكل بساطه الدكتور مزاجي نوعا ما وحتى بالاختبار احيانا يكون متوسط الصعوبه واحيانا سهل جدا ..
يهتم بالطالب الي يشارك معاه وينتبه له .. يعني اقعد اول واحد وخلك منتبه وتناقشه احيانا تحصل على اهتمامه وتقديره ..
من ناحية الواجبات بسيطه جدا وتسليما اخر الكورس
ولا احد ينسى شدة الحيل بالفاينل والميدتيرم عند اي دكتور كان

- النجوم:
- المستوى: سهل
- الشرح: شرح جيد جدا
- حصلت على: A
ننصح به
المـادة: جماليات أدب عربي التاريخ: 2010-07-25
الطالب: shosho رقم التقييم: 21421

كنت استمتع بالمحاضره
شرحه زين و امتحاناته سهله
بس ترى مو الكل يمشون معاه لانه اذا حط على وحده خلاص

انا كنت من المفضلين عنده لاني كنت اناقشه واشارك معاه
والحمدلله طلعت منهها بقريد حلو وكان يساعدني وايد
خوش دكتور اذا عرفت شلون تتصرف معاه ولا تعارضه على ولا شي
ويغيب بعد هذا افضل شي بالآداب دكاتره يغيبون

- النجوم:
- المستوى: متوسط الصعوبة
- الشرح: شرح متوسط
- حصلت على: B
ننصح به
المـادة: جماليات ادب التاريخ: 2010-01-06
الطالب: alafasy رقم التقييم: 19373

خووش دكتور وتحسه يتكلم من قلبه ويعبر عن احاسيسه بشكل خيالي ولاحظوووا عدل انه يغمض عيونه لماا يندمج بالشرح الماده متوسطة الصعوبه واهو امتحاناته عاديه مو سهله ولا صعبه بس اكيد فيه احسن منه حق هالماده بس اذا صارتلكم مثل حالتي ماكو دكاتره والشعب كلها مغلقه وجدولك ناقص ولازم اتكمله بهالماده اخذ عنده راح تشبع اوفااات لانه ما يلتزم بشي اسمه دوام

- النجوم:
- المستوى: متوسط الصعوبة
- الشرح: شرح جيد جدا
- حصلت على: B
ننصح به
المـادة: جماليات الأدب العربي التاريخ: 2009-12-27
الطالب: Al Failkawi رقم التقييم: 19316

الصراحة دكتور صباح خوش دكتور ويورزع درجات بالهبل ويعطي الطلبة اكثر من حقهم

- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: أدب مقارن وشعر عربي حديث ونظريات النقد الحديث التاريخ: 2009-12-26
الطالب: غرام رقم التقييم: 19309

دكتور صباح سويفان شخص رائع ودكتور فاهم ونظامه اوروبي نفس نطام بريطانيا في التدريس يمر الكورس بسرعه وشرحه حلوو وامتحاناته سهله وفوق هذا يعطيك اكثر من حقك ويقدر الطالب المجتهد واللي يحرص على تسليم واجباته وبحوثه وانصح جميع الطلبة والطالبات عنده لاتفوتون الاي عليكم ...

- النجوم:
- المستوى: متوسط الصعوبة
- الشرح: شرح متوسط
- حصلت على: B
لا ننصح به
المـادة: جماليات الأدب العربي التاريخ: 2009-10-10
الطالب: sm-sm رقم التقييم: 19087

الدكتور صباح زين بس مثل ما قالو الباجي مزااجي و وايد يفز و يهزأ البنات و يااا ويلها اللي يشوفها قاعده تتكلم بالمحاضره يحط عليها حطه يعني احسن شي تقعدون ساكتين مثل حالتي و بالنسبه حق الواجبات عطانا 5 و كل واحد فيهم تقريبا تكتبون 5 صفحات و غير هذا بحث نكتب عن 10 شعراء كل واحد صفحه اوكي ما قلنا شي بس لييييييش نكتب بإيدنا و الله اني تعبت ايدي تكسرت و ما يقبل طباعه و نصيحه لا تأجلون كتابة الواجبات لأني أجلت و توهقت ما كنت عارفه شبدي اكتب الواجبات و لا أدرس حق امتحانات الفاينل
و بالنسبه حق امتحان الفاينل هذا قصه ثانيه صح مثل ما قالت وحده "احنا في صراع مع الوقت" ههههههه تخيلو عطانا درجات المدتيرم بوقت امتحان الفاينل و احنا بقمة التوتر و غير هذا ضيع وقت الامتحان و اهوا يسأل البنات عن الأسئله اللي يبونها البنات و طبعا صار في صراخ و لويه يعني المفروض يكون مزهب الأسئله عطانا اربع اسئله مقالي و قال يبي جواب كل سؤال صفحتين @@ شلون مادري و ما يمدي بعدين قعد يسولف و يوم بقى ساعه يمكن نبي نحل و نركز بهدوء قام يبدي يعد لنا العد التنازلي للوقت واااي يعني مثلا يقول ترى بقى نص ساعه لييين بقى دقيقه :/
و بالنهايه خذيت عنده +B بالتوفيق ان شاء الله

- النجوم: لا يستحق نجوم
- المستوى: صعب جدا
- الشرح: شرح ضعيف
- حصلت على: B
لا ننصح به
المـادة: جماليات ادب التاريخ: 2009-09-18
الطالب: sl2yer رقم التقييم: 18967

ما اقول الا الله يجازيه على اللي سواه فينا......بالمختصر المفيد وعلشان ما اخذ سيئات .....لحد ياخذ عنده

انحش...انحش.....انحش....انحش

- النجوم: لا يستحق نجوم
- المستوى: صعب جدا
- الشرح: شرح ضعيف
- حصلت على: B
لا ننصح به
المـادة: جماليات الادب العربي التاريخ: 2009-09-11
الطالب: bianconeri رقم التقييم: 18771

للاسف يمووووووووووووووت بالواسطه

د . صباح السويفان والله ظلمت تعليم
ويا ليت صوتي يوصل لك .



- النجوم:
- المستوى: سهل
- الشرح: شرح جيد جدا
- حصلت على: B
ننصح به
المـادة: جماليات الادب التاريخ: 2009-07-28
الطالب: bo6bo6 رقم التقييم: 18452

الدكتور وايد زين و شرحة بسيط و يحدد الي معانا بالامتحان

ووايد يحذف و ما حفضنا الا قصيدة 1

واهم شي عندة انك تبينلة انك مهتم بالمادة وتسألة

و ما عطانا الا مدتيرم 1 والكمية الي تدخل بالمدتيرم ما تدخل بالفاينل

و امتحان الفاينل 8 اسئلة صح وخطأ و 4 اكمل الفراغ

- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: جماليات الادب التاريخ: 2009-06-26
الطالب: aliii رقم التقييم: 17954

شرح جميل وياخذك في عالم ثاني

اهم شي تقرأ وتسلم الواجبات

واختبارات الفانيال اختياري او صح وخطأ او اكمل فراغ

- النجوم: لا يستحق نجوم
- المستوى: متوسط الصعوبة
- الشرح: شرح غير مفهوم
- حصلت على: B
لا ننصح به
المـادة: جماليات ادب التاريخ: 2009-06-26
الطالب: rmmanah رقم التقييم: 17944

انا مابيني وبينه شي بس للاسف ...

لاشرح ولا احترام

عادي يهزأ بما انه مزاجي

وعادي يطرد متأخر واللي وراه يدخله

..........

عادي يقول عندنا كوز اليوم الفلاني وندرس ومايمتحن

وعادي فجأه يقول اليوم بمحاضرتنا عندنا كوزين !!

نظامه مدتيرم واحد عليه 30 درجه وواجب طووووووووووووووووووويل بس اول الكورس يقوله والتسليم نهاية الكورس

والفاينل 55 درجه
بس انا انصدمت الفاينل كان صفحه وحده 7 اسئله صح وغلط و4 اسئله اكمل الفراغ

بس كل سؤال عليه 5 درجات
يعني كل سؤال بقريد

وراحت عليك ياللي ماتسحب اذا مسجل عنده

انا شاطره عطاني B-

- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: جماليات الادب العربي التاريخ: 2009-05-03
الطالب: معوذي رقم التقييم: 17293

والله على راااااااااااااسي ولد السويفان

نص الشعبة ماخذه عنده A

اهم شي عنده انك تسلم الواجبات والبحث وحتى اخر الكورس يقولك هاتهم

وانا بصراحة مفوض اخذ عندهB بس عطاني A

وبعد لازم تشارك وياه بالمحاضرة يعني تناقش وصج بيحبك

الله يوفقه

- النجوم:
- المستوى: متوسط الصعوبة
- الشرح: شرح جيد جدا
- حصلت على: B
ننصح به
المـادة: جماليات أدب التاريخ: 2009-04-26
الطالب: CHNDL رقم التقييم: 17159

الدكتور حلييو طيب ، يشجع على المشاركه معاه في الفصل اذا شافك شاركت مره ومرتين يبيك كل يوم تشارك دايما ينظر للطالب المهتم أثناء شرحه ، يمكن بروده ينرفز بعض الطلبه

في طالبه كانت معانا الله يذكرها بالخير كلش ما كانت تحترم الدكتور من ناحية تأخير من ناحية سوالف من ناحية و من ناحية المشاركه والحفظ ايضا كان تقصيرها واضح ، حمقت على الدكتور في امتحان الفاينل وطلعت وقالت له عطني اف ، وما كان منه إلا الإبتسام ولما طلعت قال كنت ناوي احطلها B للأسف ضيعت على روحها ! يعني المراد انه فوق ماهي كسلانه ومو محترمه كان راح يعطيها B

امتحاناته عاديه لا هي بالسهله ولا هي بالتعجيزية
الدرجات يعطيك اكثر من حقك ! وويحترق عليك بالدرجه أكثر من روحك
مقالي يحب الكتابة والشرح وتكلم عن ..
شرحه حلو انا من الطالبات الي اندمج معاه بالشرح أحب طريقته
ما أخفي اني كنت متخوفه بالأول وتوقعت آخذ D لكن بالنهاية كانت مفاجأه و مفاجأه حلوه حقيقة

- النجوم:
- المستوى: متوسط الصعوبة
- الشرح: شرح ضعيف
- حصلت على: B
لا ننصح به
المـادة: جماليات ادب التاريخ: 2009-04-16
الطالب: HaMaD رقم التقييم: 17060

دكتور مو زين


نظام واسطات


المحاضره تمر جنها دهر


شرح ماكو

- النجوم: لا يستحق نجوم
- المستوى: متوسط الصعوبة
- الشرح: شرح غير مفهوم
- حصلت على: B
لا ننصح به
المـادة: الشعر العربي الحديث التاريخ: 2009-02-05
الطالب: TRBWY رقم التقييم: 16475

السلام عليكم


طبعا ما أنصحكم تاخذون عنده ..

ما يعرف يدرس ولا أذكر وصل لنا معلومة واحدة ..


ما امتحنه إلا فاينل وكان عباره عن 6 أسئلة فقط وحده سهله وجاوبتهم كلهم ما أدري ليش حط لي ب


.. علاقته بالأدب مثل علاقتي باللغة الصينية !!

- النجوم: لا يستحق نجوم
- المستوى: صعب
- الشرح: شرح غير مفهوم
- حصلت على: C
لا ننصح به
المـادة: أدب الخليج التاريخ: 2009-02-01
الطالب: الوميض رقم التقييم: 16299


مزااااااااااجي حيل يعني لاتظن انك اذا درست بتاخذ خوش درجة والعكس صحيح والمصيبة ماعنده ساعات مكتبية تقدر تناقشه فيها (والله غريب)وكل يوم زافله وحدة عباله بهالطريقة بيفرض شخصيته ......

يعني اعرفوا اذا الدكتور صار فيه شي ترى هذا من دعاوينا عليه
في النهاية ماقول الا حسبي الله هو نعم الوكيل

- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: F
لا ننصح به
المـادة: جماليات التاريخ: 2008-12-26
الطالب: barbie رقم التقييم: 15791

الدكتور داومت عنده اسبوع وسحبت الماده
فعلا فاجئني وصدمني
دكتور مو محترم الجامعه اللي اهو فيها

مستغربه شلون عينوه بالجامعه !!!!!!!!!

- النجوم:
- المستوى: متوسط الصعوبة
- الشرح: شرح غير مفهوم
- حصلت على: C
لا ننصح به
المـادة: مكتبة ادبيه التاريخ: 2008-08-17
الطالب: غنج رقم التقييم: 15022

الصراحه

مثل ماقالو هالدكتور إمسح واربح

يعني حظك نصيبك

لاصار رايق هالكورس تاخذ الإي لاصار مزاجه حموضه لو تشتغل بيدك ورجلك تاخذ سي او حتى إف لاتنصدم

لكن انصح بشي واحد خلك محترم معاه وطقها سوالف بالرايحه والجايه وعطه جوه لاقال هذا صح قول صح لاقال هذا غلط قوله غلط وستين غلط

ويجيط الإيه طوالي

- النجوم: لا يستحق نجوم
- المستوى: متوسط الصعوبة
- الشرح: شرح ضعيف
- حصلت على: B
لا ننصح به
المـادة: جماليات التاريخ: 2008-07-23
الطالب: *&*&*&* رقم التقييم: 14654

الصراحة الدكتور حسافة عليه المعاش الي ياخذه,جد وين المسؤولين عنه دكتور ما عنده منهج و كله سوالف عن نفسه و شلون ما عنده اصدقاء و مشاكله مع زوجته لا و قبل الاستبيان الي يقيم الدكتور قعد يهددنا و يقول ان اهوا الي يقراهم و يعرفنا من خطوطنا بالنهاية خفت اكتب الحقيقة القبيحة عن مستواه بالشرح مو بسبب الكلام الي قاله بس لاني ادري ان اذا شاف اغلبيتنا ذامينا راح يحط علينا و يبهدلنا بالامتحان ,شوفو الصراحة الصراحة و بدون تحيز و لا حقد الدكتور سوالفه ممتعة و هذا كل الي عندة "دكتور حجي"سوالف حلوة و بس يعني الي يبي وناسة من غير الاستفادة الحقيقية من المادة يروح عنده , بس شنو الدكتور صج مافي شرح و يحسسك ان الامتحان راح يكون ولا اسهل بس الصج مو جذي الحقيقة ان وقت الامتحان يصير فلم رعب و صراع مع الوقت وبالنهاية الدكتور في حقد و غل على المجتمع و متنفسه الوحيد اهوا بالترهيب و الزعيق على الطلبة و تذليلهم و اهانتهم لان هذا الشيء الي يعطيه الاحساس بالرضا النفسي اتجاه نفسه و بصراحة الي يبي ياخذ عنده لازم يكون ذكي و يعرف شلون يجاري الدكتور و يكبرعقله بالنهاية الدكتور بياع حجي فاذا تبي الدرجة الحلوة لازم تبيعه الحجي الحلو

- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: جماليات الادب التاريخ: 2008-07-08
الطالب: ^زعزوع ^ رقم التقييم: 14470

بصراحه , هالدكتور الكلمات ما توفيه حقه

يعني الدكتور صباح يهتم انه يعطيك A اكثر من ما انت تهتم انك تاخذها

ومحاظرته تمر خفيفه حيييييييل مثل الريشه , من كثر ما اهوا يحاول يخليها خفيفه بسوالفه وغشمرته

و مثل ما قال الاخ ( صلاح ضاحك ) يعطيك A وانت اصلا ما تستاهلها

باختصار : ( على راسي دكتور صباح )

- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: جماليات الادب التاريخ: 2008-07-07
الطالب: صلاح ضاحك رقم التقييم: 14457

دكتور صباح سويفان ( رجل بمعنى الكلمة )

يعني مهما اقول ما اوفيه حقه ( بس الناس مو فاهمينه )

وعيب على اللي يتكلمون عنه كلام موزين
اقولهم ( خافوا الله وقيموا الناس على حقيقتهم )

اصلا دكتور صباح معطيني A وانا اصلا ما استاهلها

- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: جماليات التاريخ: 2008-07-07
الطالب: مدمن^قز رقم التقييم: 14456

تبي A اخذ عنده وانت مغمض
ماكو حفظ
ولادوام
الي يبي يداوم يداوم بكيفه
والميدتيرمات يعطيكم اياها من قبل

لا تطوفووووون الـA

- النجوم: لا يستحق نجوم
- المستوى: متوسط الصعوبة
- الشرح: شرح غير مفهوم
- حصلت على: F
لا ننصح به
المـادة: جماليات التاريخ: 2008-06-10
الطالب: onotha رقم التقييم: 14073

دكتور سيء بكل ما معنى الكلمة ...

و الغريب أن الأخ ron ما خذ مثل المادة وهي مدخل للدراسات الأدبية و النقدية و طالع منها مره A ومره B الظاهر ......... !!!!!!!!!!!!!!!!!!

- النجوم:
- المستوى: سهل جدا
- الشرح: شرح جيد جدا
- حصلت على: A
ننصح به
المـادة: جماليات الادب التاريخ: 2008-04-25
الطالب: دلال رقم التقييم: 13678

الصرااااحة خوووش دكتووووووووور

مع انه مايدري الله وين قاطة بس يغيب واااااايد ويتكلم بموااضيع مو متعلقة بالعربي كللللللللللش

بس يسااااعد حييل في التسميع ويقلل كمية الحفظ


ويرااعي الطلبة ويناااااقشهم

والمدتيرم سؤالين ماااااي ماي

والفانيل سهل بس يبله كلااااام شوي


ويرفع في النهاااية حيل



- النجوم:
- المستوى: صعب
- الشرح: شرح ضعيف
- حصلت على: B
لا ننصح به
المـادة: جماليات الادب التاريخ: 2008-02-03
الطالب: eng-zozo رقم التقييم: 13078

دكتوور موشي
واذا كنتي بنت لاااااااااااااااااااااتااااااااااااااخذوووووووون عنده

- النجوم: لا يستحق نجوم
- المستوى: متوسط الصعوبة
- الشرح: شرح غير مفهوم
- حصلت على: F
لا ننصح به
المـادة: جماليات التاريخ: 2008-02-01
الطالب: onotha رقم التقييم: 13048

و الله لا اتصدقون أحد يقولكم زين أ......

شرحه ... أصلا ما يشرح ... بس يسولف طول المحاضرة عن نفسه ... و لاحظوا إن هالصفة قالها عنه كل اللي قيمه بالصفحه قريبا ... ... دايما يقول إنه ما عنده أصدقاء ... علشان جذي يحب يسولف معانا بالمحاضرة ...
و الله نصيحه كل اللي أخذ عنده يسحب المادة الحين الحين الحين ...

لا تاخذون عنده ... ما انصح فيه أبدا


- النجوم:
- المستوى: سهل جدا
- الشرح: شرح ضعيف
- حصلت على: A
ننصح به
المـادة: جماليات الادب العربي التاريخ: 2007-09-26
الطالب: zidane_k8y رقم التقييم: 11890

صراحه دكتور صباح سويفان قليل من الطلبه يعرف نظامه واهو يتساهل حيل مع الشباب عكس البنات وانا واحد ماخذ عنده درجه كامله ومادري الماده عن شنو اصلا وكل الشباب درجاتهم عاليه بس ما انصح البنات فيه وامتحاناته تافهه يعني 4 اسئله ومحددهم لك قبل الاختبار ووالله هالدكتور على راسي ولو ينزل ماده ثانيه دايركت اسجل معاه

- النجوم: لا يستحق نجوم
- المستوى: صعب
- الشرح: شرح ضعيف
- حصلت على: C
لا ننصح به
المـادة: جماليات الأدب التاريخ: 2007-09-09
الطالب: bint-el-badw رقم التقييم: 11638

والله كرهنا بالأدب واللغة العربية كلها
شرح موزين ، وفالح بالطنازة
الدرجات على الكيف والمزاج
التقييم ما ندري على شنو !!!
ما راح تعرفون إلا إذا طيحكم الله عنده


- النجوم: لا يستحق نجوم
- المستوى: صعب
- الشرح: شرح غير مفهوم
- حصلت على: C
لا ننصح به
المـادة: قراءات ونصوص التاريخ: 2007-08-10
الطالب: Newcastle Lover رقم التقييم: 11213

دكتور واااااااااااااااااااااااااااااااايد مو شي
أبد الشرح ما يتعلق بالمادة
دايما يضيع الوقت ، وغير منتظم بالحضور
الدرجات ما تخضع لمعيار والحق ينقال لازم يغير من هالأسلوب في التدريس كل اللي أخذوا عنده في الأغلب يذمون واللي يمدحون أخذوها بالساهل بدون تعب كيرفات بدون مناسبة واللي قالته الأخت شيووم الظفيري عين الحقيقة .

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: قراءات ونصوص التاريخ: 2007-08-07
الطالب: bentelnor رقم التقييم: 11111

من أكثر الدكاترة إلي تأثرت فيهم , شرح راقي و جاد بالتعامل, كنت أتمنى لو موادي بالآداب عشان اخذ عنده, شخصيه يعجز الكلام عنها

- النجوم: لا يستحق نجوم
- المستوى: متوسط الصعوبة
- الشرح: شرح ضعيف
- حصلت على: B
لا ننصح به
المـادة: مدخل لدراسات ادبية ونقدية التاريخ: 2007-07-28
الطالب: شيووم الظفيري رقم التقييم: 10995

حده مزاااجي
حرام الواحد ياخذ عنه لان الماده سهلة واهو اللي معسرها.. وايد ينظر للطلبه بفوقية والادهى معاملته للطالبات وكانهم مع اعتذاري للكلمة (جواري ) يفرح لما يشوف الطالب يترجاه وخاصة البنات . تقييمه في نهاية الفصل تابع لحالته المزاجية وياما كانت سيئة على حظي ..

الله على ما اقول شهيد شفت منه شي ماقط مر على دكتور من قبل تخيلو بعد الفاينل قالنا تعالو المكتب جميع الطالبات بنس اللحظة طلع من الاختبار وقالنا جذي !!!
رحنا جان تدش كل وحدة بالدور وخذت درجتها النهائية واقسم بالله بدون لايشوف الاختبار ..
ما قول
الا
لاتاخذون عنده
لانه نموذج للتكبر والفوقية مو طبيعي ..

شرح ماكو يتفلسف زيادة
وامتحانات سؤالين وبالطقاق فهمت ولافهمت ..
صج. الله يعين اللي بياخذون عنده .

- النجوم:
- المستوى: سهل
- الشرح: شرح جيد جدا
- حصلت على: B
لا ننصح به
المـادة: جماليات ادب التاريخ: 2007-07-11
الطالب: ينبوع رقم التقييم: 10833

دكتور مزاجي

المتحان الاول كلن سؤالين ولا وانت تختار اي سؤالين

والفاينل كان تقربا محدد شنو يبي وعطان لامتحان نفس ما قال بس للاسف عند الدرجات مزاج يعني انا مسمع عنده ولا محاظرة غبت واقعد جدام , رحت له قالى انت B+ يمكن تقولون حلوة بس انا كنت شاق نفسي حق المادة والدكتور ما قدر , اصلا ما راواني امتحاني , وما ادري اذا صلح الامتحانت ولا لأ , وغيري اللي ما سوي نص اللي سويتا عطاهم A فانت وحظك , بس ترى محاظرته تونس

- النجوم:
- المستوى: سهل جدا
- الشرح: شرح ممتاز
- حصلت على: B
لا ننصح به
المـادة: جماليات ادب عربي التاريخ: 2007-04-27
الطالب: 6mo7a رقم التقييم: 9499

اسوأ دكتور ..وايد يتفلسف .. ماله منهج معين بالكورس .. يشرح عالبركه.. يكره اللي ما يكتبون معاه بالشرح ..

خلانا نحفظ 68 بيت شعر بالكورس بس للامانه اختباراته ماي ماي بس الدرجات بالمزاج وحسب نفسيته ومحد يقدر يناقشه

يسرح ويشطح بالمواضيع وايد مادري شنو الرابط بين هيفا وهبي وامرؤ القيس

بس والله يعطيكم المختصر المفيييييد ويحدد لكم شنو بالاختبار بس لازم تحفظونه بالفاصله ورقم الصفحة بالضبظ مثل ماهو مكتبوب مو حسب فهمكم
بيكرهكم بعيشتكم

- النجوم:
- المستوى: متوسط الصعوبة
- الشرح: شرح متوسط
- حصلت على: B
ننصح به
المـادة: قراءات و نصوص التاريخ: 2007-02-28
الطالب: JoE_Q8 رقم التقييم: 8963

يبا و الله دكتور اصلي و عجيب

على راسي دكتور صباح

انصح فيه و نصص بعد

مع اني ما حليت عدل بالفاينل و خرعني و قالي بحطلك D

تفاجأت بالــ B

: )



- النجوم:
- المستوى: صعب
- الشرح: شرح غير مفهوم
- حصلت على: B
لا ننصح به
المـادة: جماليات الأدب العربي 102 التاريخ: 2007-01-30
الطالب: bosalim رقم التقييم: 8680

الدكتور غريب !!
ما تدري شنو يفكر فيه .. ما تدري شنو يحب .. شنو يكره !!
معيشنا طول الكورس في رعب !! و الـMidterm كان شي فظيع !! خاسف فينا كلنا !! يحاسبنا على الواو و الفاصلة يمكن .. يبينا نحفظ كل شي حتى أرقام الصفحات !!
و الفاينل كان صعب و يعتمد على الحفظ و الحفظ و الحفظ .. باختصار ما استفدت أي شي بالكورس كله !!
بس الزين فيه إنه يرفع آخر شي و طبعا ما أدري على أي أساس يرفع !! أنت و حظك عاد

- النجوم:
- المستوى: سهل جدا
- الشرح: شرح ممتاز
- حصلت على: B
ننصح به
المـادة: لغه عربيه التاريخ: 2006-12-29
الطالب: bdoor رقم التقييم: 8373

في الحقيق والواقع انه في المجتمع الوطن العربي يصلح ان يكون دكتور في هذا الحال الان بصراحه ومن غير مجامله دكتور يقيم الانسان الي قدامه اذا كان محترم ام لا هذا اول شي وبصراحه الدكتور صباح ماكو احسن منه بشرح ويعطي كل واحد حقه الي يستاهله هذا اول شي وثاني شي انتو قاعدين تعذربون في دكاترة سوءين جدا جدا وانا افضل ومعا ومعا للابد معه الدكتور صباح السويـــفــان شـكـرا لكم جميعــــــــــــــــــا




- النجوم:
- المستوى: متوسط الصعوبة
- الشرح: شرح غير مفهوم
- حصلت على: B
لا ننصح به
المـادة: جماليات الأدب العربي التاريخ: 2006-09-08
الطالب: البطة رقم التقييم: 7039

من دشيت الجامعة ما مر علي دكتور بالسوء والبياخة مثل هالدكتور اللي شايف نفسه وطول المحاضرة يهدد ويخرع ولازم كل محاضرة يفشلله طالبة أو ثنتين
ما عنده ميدتيرمات وكل محاضرة كويز مفاجئ يعني لازم تدرس عنده أول بأول وأنت ما تدري شنو تدرس لأنه ما يشرح شي ولا عنده نوت والفاينال دخلت فيه كمية أهو أصلاً لاغيها ويم الشعبة أحتجت قالولنا مسافر للعلاج وطلب من بحث على آخر أسبوعين دوام وبحث تعجيزي حيييييييييل طلع روووووحي المينون ياخذ عنده

- النجوم:
- المستوى: متوسط الصعوبة
- الشرح: شرح ضعيف
- حصلت على: C
لا ننصح به
المـادة: مدخل دراسات نقدية التاريخ: 2006-08-08
الطالب: الفراشه رقم التقييم: 6467

أظن هالدكتور يايبينه لقسم اللغة العربية بالغلط ؟؟؟
شرح ما كو
فهم ماكو
يغيب و ما كو ساعات مكتبية
شايف روحه حيل ...

و الله العظيم هالدكتور ما ظلمته ،،، هالانسان مو طبيعي

- النجوم:
- المستوى: سهل جدا
- الشرح: شرح ممتاز
- حصلت على: B
لا ننصح به
المـادة: مدخل دراسه ادبيه ونقديه التاريخ: 2006-06-23
الطالب: نوفه رقم التقييم: 5391

شايف نفسه كل المحاضره سوالف عن سيارته بي ام دبليو 2005 وكل ساعه مطلع فلوسه من جيبه يعني اني عندي فلوس ... ومااذكر شنو شرح لان ماشرح طول الكورس ... صراحه حراااااام يكون دكتور....... يعني انا جبت بي وانا صامه كل شي ...

- النجوم:
- المستوى: متوسط الصعوبة
- الشرح: شرح ضعيف
- حصلت على: B
لا ننصح به
المـادة: مدخل دراسة ادبية ونقدية التاريخ: 2006-06-14
الطالب: طالبة رقم التقييم: 5181

دكتور مايعرف ارضه من سماه ولايدري الدنيا وينهي رايحه
اغلب المحاضره تضيع على سوالفه وخرابيطه و يحط
الدرجات على الشكل اللي يعجبهA واللي مايعجبه له الله
لا فوق هذا كله يحط جواسيس بين البنات طبعا البنات يسوون هذا كله في سبيلA
ووالموووت كله في يوم الامتحان يعطينا الدرجات
بالعربي مايصلح الامتحانات

- النجوم:
- المستوى: سهل جدا
- الشرح: شرح متوسط
- حصلت على: B
ننصح به
المـادة: قراءات و نصوص ادبية التاريخ: 2006-06-04
الطالب: Joe رقم التقييم: 4686

صج شرحه ينوم على قولت الشباب بس احلى شي فيه كله اعتذارات و الامتحانات سهلة و واضحة ومافيها لف و دوران

و بالفاينل ما توقعت يكون سهل

يعني تعتمد على الحفظ بس

شلون طلعت B ماني مصدق

- النجوم:
- المستوى: متوسط الصعوبة
- الشرح: شرح متوسط
- حصلت على: F
ننصح به
المـادة: نصوص وقراءات التاريخ: 2006-05-22
الطالب: اصايل رقم التقييم: 4381

soooooooooooooooooooo badوايتفلسف وايد عن اللزوم ...مع انه بالاول يدلع طلبه وكل يغيب بس بعدين يويلهم واخذت عندهfa

- النجوم:
- المستوى: سهل
- الشرح: شرح غير مفهوم
- حصلت على: D
لا ننصح به
المـادة: جماليات الادب التاريخ: 2006-04-18
الطالب: سارة رقم التقييم: 3541

طلعت من المادة والله العالم اني مادري عن شنو تتكلم.......


الدكتور نايم ومنومنا معاه وما يحضر حيل و يحاسب على الغياب امتحاناته سهلة بس عيبة يحب البنت اللي حيل تسال وتستفسر بس بحدود عشان لا يقولج ((انتي وايد تسألين...)) ويعلق حيل ويجرح اكثر قدمت الامتحان عندة والله يشهد كلة صح وطلعت ب d

- النجوم:
- المستوى: سهل
- الشرح: شرح غير مفهوم
- حصلت على: B
لا ننصح به
المـادة: جماليات الادب التاريخ: 2006-02-11
الطالب: صريحة رقم التقييم: 2337

دكتور مزاجى ..
وشرحه غير مفهوم لانه ما يدري عن شنو يتكلم في المحاضرة .. امتحاناته كلها تعتمد على الشرح .. وما يعجبه أى شىْء ..
بالنسبة للدرجات ( A) ما يعطيها أى وحده .. و ما أدرى على أى أساس يعطيهم ..
و امتحان الفاينل يعطى ثلاث أسئلة و يشترط اجابة السؤال الواحد صفحتين كاملتين و بدون ترك أسطر .. والاجابة ما تاخذ أكثر من 17 سطر أو أقل حسب ما درسنا .. و لـــي يـــبي يتعذب طووووول الكورس يسجل عنده ...

- النجوم:
- المستوى: متوسط الصعوبة
- الشرح: شرح ضعيف
- حصلت على: C
لا ننصح به
المـادة: جمــاليـات الادب التاريخ: 2006-02-11
الطالب: الـكـايـده رقم التقييم: 2331

حيــــل شـــايــف نفســـه
ومايعــرف يشــرح بالمـــره
نــــص المحاضــره ساكــت ومغمـض عيـونه
واذا أحـد شـارك معـاه يسويـله تحقيــق
ويفشـله ..

دايمــاً موهقنــا ((مايحضــر ولا يعطينـا خبــر انـه ماراح يحضـر))
يعنـي اللـي بينـه وبيـن محاضرته الثانيه ساعات مثلي
يقعــد لا شغله ولا مشغلــه ..

مــايســاعد بالدرجــات
ويعطــي واجبــات واجــد


- النجوم:
- المستوى: متوسط الصعوبة
- الشرح: شرح غير مفهوم
- حصلت على: B
لا ننصح به
المـادة: جماليات التاريخ: 2006-01-02
الطالب: المقرود رقم التقييم: 1855

مدرس لاتاخذ منه لا حق ولا باطل.حيل شايف نفسه ولا يهمه اكبر راس-على قولته-
مزاجي بالتصحيح .الي يحبه ويسولف معاه ضمن A
والا الباجي مساكين مثلي وشرواي،

الله يسامحك د.كرهتنا بالعربي كله.اشوا انه بس هالمقرر ونفتك؟؟؟وعلى فكره ياخذ ربع ساعة زيادة على المحاضره :::

مخلص مسكين.بالاسبوع يداوم مرة وحدة بس:::والحسبة عليكم.

- النجوم:
- المستوى: متوسط الصعوبة
- الشرح: شرح جيد جدا
- حصلت على: A
ننصح به
المـادة: قراءات ونصوص التاريخ: 2005-09-11
الطالب: بنوتة رقم التقييم: 809

اهوا دكتووور ينومك بالمحاضرة بس انا اخذت عندة قراءات ونصوص هالمادة حلوووة

وامتحاناتة زوييييييينة بس ككل اهوا خوش دكتور ويراعي على حسب المزاج بس اشوية دقيق هالدكتور

ويخورها مرات بس بالنهاية خووش دكتور ينوم والحلو فية انه ما يدوام على طوووووووول لوول يعني اللي يبي يشبع من الاوف ياخذ عندة لوول




المختصر المفيد- معظم الطلبة يقولون
5/2.6
ان مستوى الاختبارات متوسط الصعوبة
وشرح المدرس شرح ضعيف
والأغلبية حصلو على تقدير C
بإختصار لا ننصح به

 

[M!U-M!U]

انا ماخذه عنده والدكتور عجيب حييل ويساعدج وامتحاناته مااااااااي واحلا دكتور مر علي صراحه وواجباته سهله حييل

وعنده تضمنين الa بس التزمي شوي بالحضور واذا غبتي كلميه ويشيل عنج الغياب

واااايد حبوووب وطلعت مادته ب A

 

[توتو ستايل]

ريلي ماخذ عنده الحين طالب منهم يحفظون قصايد
ريلي طبعا ملسون قام يتلاسن معاه قاله خلاص من كل قصيدة احفظ 4 ابيات
اللي عندها امتحانات او اي شي ممكن يفيدنا لا تقصر معاي
والله يوفقكم
وياليت لو عالخاص اخاف انسى ادش الموضوع