,, صب القفشه ,,

[MaDnEsS]

السلام عليكم جميعاَ ..
اليووم اشتهيت اسوي صب القفشه وعندي طريقة من زماان وايد حلوه ومجربه
عاد سويت ومشالله ما مداني اشووف شكله النهائي كل ما احطه بالشيره اييون الحلوين وياخذون << عليهم بالعافيه
الطريقة : 2 كوب طحين ابيض >>> ينخل
1 كوب طحين نخي + هيل بوودر + زعفران
4 بيض
1 كوب حليب سائل >>> اذا ما عندج سائل ممكن بودر
ثلث كوب زيت
ملعقة خميره + ماء + ملعقة صغيره سكر
الطريقة : اول شي حضري الخميره على ما تصير بعدين خلطي المقادير الجافه عدل واذا انخلطو ضيفي عليهم المقادير الساائله وخليها تتخمر على الاقل لمدة ساعه

طريقة عمل الشيره :
2 كوب سكر + 1 كوب ماء لمن يغلي تحطين عليه قليل من الليمون وتتركينه لمدة 50 دقيقه على نار هاديه
انا بالنسبة لي احب الهيل والزعفران فحطيت على الشيره شويه هيل حب + زعفران + ماء ورد

ملاحظة : لا تقلين الصب القفشه على دهن غزير اقليه على دهن عادي واول ما تشيلينه من المقلاة حطي عليه الشيره
خلج محظره الشيره قبلها عشان تكون بردت وتحطين الصب القفشه الحار بالشيره الباارده

وبالهنا والشفا ...

 

[دموع تائهه]

تسلم الايادي

 

[جارة القمر]

رد : ,, صب القفشه ,,

مشكووووووووره


وتسلم ايدج

 

[أحلى همبه كويتية]

ما قصرتي
بالعافية
وياربت فيه صورة نستمتع اكثر

 

[شـــــوـوقـ q8]

رد : ,, صب القفشه ,,

مشكــــــــوـوره حبيبتــــي 00
:eh_s(7):

 

[78MariMar78]

تسلم ايدك حبوبة

 

[هيفــاء]

رد : ,, صب القفشه ,,

اتوقــع قــريبه من اللقيمآت عندنا بـ السعوديه ...

لكن شنو الطحيـن النخي ... ؟

يسلمو حبيبتـــــــي ...

 

[MaDnEsS]

مشكورين كلكم وبخصوص الصور والله ما مداني اصور اقوولهم بصور شكل صينية التقديم ما خلووني انشالله المره اليايه اذا سويتها اصور
هيفااء : بخصوص طحين النخي في شي اسمه طحين نخي وبعض المرات يكتبون عليه طحين حمص تحصلينه صوب الطحين

 

[أوتــار الهــوى]

رد : ,, صب القفشه ,,

تسلم الايادي

 

[كثر خيري]

لذيذ طعمها بس انا اختلف معاج بطريقه القلي اقليها بزيت غزير علشان ماتتشرب دهن والشيرة رش علشان ماتطلع ثقيله واتصير كانها كيكة بطعم الشيرة خفيف هاذي طريقتي واخذها من الجمعيه زاهبة وشكرا

 

[الحلى مبتليني]

رد : ,, صب القفشه ,,

مشكورة على موضوع الجميل

 

[<<لمار>>]

تسلم الايادى

 

[ام جسوم@@]

رد : ,, صب القفشه ,,

تسلم ايدج

 

[MaDnEsS]

 

[MaDnEsS]

اليوم سويت صب القفشه لكن نص المقدار مو مقدار كامل وما ظل احد ما ضغطني على الاشكال @@
يقولون سويهم كلهم نفس الشكل انا وحده صغيره وحده كبيره ووحده عويه ;p
بس عاد المهم الطعم مو الشكل << ترقع حق نفسها

 

[MaDnEsS]

الله يسلمكم جميعاَ ;**

 

[MaDnEsS]

كثر خيري : حبيبتي انا لمن اقليها بدهن غزير تصير الاشكال الله لا يوريج دهن عادي مو غزير والاشكال لا تعليق مره قليتها بدهن غزير يقولون لي مسويه صب البالون ؟؟ وغير جذي ما يتشرب الشيره ويصير شكله مو مدور ومضغوط اذا مو دهن غزير وعلى العموم كل واحد والي يريحه
وبالنسبه حق شيرة الجمعيه ما جربتها لاني احب يكون مع الشيره الهيل والزعفران

 

[G.U.C.C.I]

رد : ,, صب القفشه ,,

اللـه احبهٍـآ ,
تسسسٍلم إيدج خيتي

 

[MaDnEsS]

G.u.c.c.i : حبتج العافيه والله يسلمج حبيبتي

 

[!بنوته شيطونه!]

رد : ,, صب القفشه ,,

مشكووره وتسلم ايدج