صج اللي سمعته ولا لا؟!

[آنثى طآغيه]

كيييفكوووون ي نسووووان!! ان شاء الله منيحين>> شرايكم بلهجتي الجديده خخخخخ

المهم بسالكم صج العسل النحل او السدر او العسل الاسود يضر الجنين صج يوقف نكو خلايا مخه،، بصراحه احترنا ناس يقولون يضر ويسقط وناس يقولون مايضر يكبر البيبي ويغذيه وسالتي دكتورتي قالت العسل والحلبه بعد ماتضر وهذا شفاء الله كاتبه بالقران ازي يضر؟! قلت مدري دكتوره وسالت بعد وناس تذم وتقول امراض وسكري والجنين اصلا يطلع متخلف بسسب انها توقف الخلايا المخ وماتنمو ،، عاد ودي اعرف منو يوم كانت حامل تاكل عسل اسود او نحل وسدر وماضرها وطلع بيبيها سليم؟!!! ابي تجاربكم مع العسل والله يقومنا بالسلامه ونفرح بشوفة بيبياتنا معافين وكاملين الخلقه من غير زياده او نفصان باذن الله

 

[زين ودلال]

الله اعلم ماعندي فكره

بس ماتوقع يضر اول مره اسمع هالشي

 

[.:lady bug :.]

سمعي حجي الدكاتره وخلي عنج الحريم

 

[Aloe Vera]

لووووول

اكلي عسل باعتدال
و خليج على كلام الدكاترة

 

[N.o.d]

الحين الله سبحانه قال ( فيه شفاء للناس )

مابي اتفلسف واقولج يضر وما يضر بس مو معقوله يعارض الايه القرآنيه !


بس الاعتدال واجب لا تفرطين بالاكل

 

[آنثى طآغيه]

اشكركم ع الرد


اب اب ا ب

 

[Ririi]

ما يضر لان مذكور بالقرآن
قال عز وجل
ثُمَّ كُلِي مِن كُلِّ الثَّمَرَاتِ فَاسْلُكِي سُبُلَ رَبِّكِ ذُلُلاً يَخْرُجُ مِن بُطُونِهَا شَرَابٌ مُّخْتَلِفٌ أَلْوَانُهُ فِيهِ شِفَاء لِلنَّاسِ إِنَّ فِي ذَلِكَ لآيَةً لِّقَوْمٍ يَتَفَكَّرُونَ (69)
فيه شفاء اكيد مايضر
بس العسل موزين للرضيع الصغير اللي توه مولود لان معدته ماتحمل هضمه فقط لاغير

 

[Koko7taty]

الله اعلم

 

[قرمووشه]

عاد انا غراااااامي العسل مع الحليب
ماأتوقع مضر
العسل شفاء سبحان الله
بس على قولت الخوات الاعتدال احسن مايكون

 

[حبيبي مالكني]

ثبت طبيا ان العسل مضر للمولود الجديد
لعمر ٦ شهور
لان يضر دماغ الطفل
بس مو الجنين ابي في بطن امه

 

[baa6aa]

ما اتوقع يضر ! امي اكثر وحده تقولي مع الحليب كثري العسل فايده حق الياهل

مفيد اذا كنتي حامل بس اذا والده لا بعد ال6 شهور

 

[ام برهوووومي]

والله ماعندي خبر الله اعلم يمكن الخوات يفيدونج حبيبتي
وان شالله ربي يرزقني ويرزقج ويرزق كل الامهات بالذريه الصالحه

 

[Mrs.H]

لا جذب

بس يقولون اللي ينزل منها دم ماتاكل عسل لانه ينزل الدم زيادة ويمدحونه للنفاس

بس عموما انتي اكليه عادي

 

[<miss botamba>]

اذا انتي حامل وتاكلينه اتوقع عادي عمري ماسمعت ان يضر الجنين

بس العسل ممنوع للاطفال الرضع لان معدتهم تكون للحين ماتكونت عدل ومو اي شي تهضمه ويستحن العسل فوق ال 10 شهور جنه

 

[آنثى طآغيه]

مشكوووراااات خواتي

 

[ريتاج_90]

امبية مو مٍـٍْ♡̨̐ـِْْنْ صجكم شلون العسسل يضر واهو مفيد

حبيبتي اناا مٍـٍْ♡̨̐ـِْْنْ اول ماحملت ليما اخر التاسع
وانا اكل عسسل والحمدلله ولدت ولدي سليم ومافيه اي شي
الحمدلله ..
وكنت اكل عسل الشفاء

الله يتمم ڵــچ على خيرر ياارب
ويهون عليج

 

[انصاريه قمره]

خليج بالسيف سايد انا أي شي يشككون فيه اتجنبه

 

[@أم يوســـف@]

باذن الله مايضر وانا عيالي بعمر 3شهور اعطيهم عسل ومافيهم الا العافيه وعلى فكره بنتي لما ولدتها حطوها بالشيشه وكانت تبجي وشفت السستر تحط راس المميه بالعسل وتعطيها