صج لي حطت الحامل صوره ياهل حلو جدامها يطلع ولدها نسخته؟؟

[عروووسته]

السلام عليكم


بنات بغيت اسئل صج الشخص اللي تطالعه الحامل اول حملها يطلع ولدها شبهه؟؟

انا وايد شفت بعيني يهال نسخ خدمهم وهالسر مادري شنو تفسيره ؟؟؟

ياليت اللي تعرف تذكرلي قصص وتجارب

وبسئل بشي ثاني النساة متى تبدي وعادي وحده ماتتنسى نهائي ؟؟!

 

[ام ساره 4]

لا ماله شغل

 

[مناوووي]

وعليكم السلام



خرافات

هذي مشت عليهم دايم يقولونها للحامل



انا سمعت حريم ماتجيهم النساه


وفيه حريم بس شوي وتختفي


علي حسب الوحده

 

[احلى ديما]

ههههههههه الله يونسج مثل ماونستيني
حبيبتي اكيد ماله شغل هذي جينات وراثيه

 

[أإلع ـشق دلع ـهـأإ]

ماله شغل الشبه ياخذه من جينات امه وجينات ابوه يعني لو تطالعين مني لي ولادتج ماراح يطلع ع الصوره لانه بيطلع ياعليج او على اهلج او على زوجج واهله

سالفة النساة يقولون في بنات ماتتنسى كلشش

 

[-فلانة-]

الأشابيه وراثة حبيبتي لو تتمقلين بالصورة ليل و نهار ماكو فايدة..
و النساة عادي ما تحوشج وايد بنات ما يتنسون.​

 

[*ضيفة*]

هههههههههه لو هالكلام صحيح جان عيالي كلهم مثل الاجانب نسخة عنهم لاني عايشة ببلد اجنبي
والنساة تختلف من حامل لحامل واكو منهم ما يحسون بشي كلش اصلا ينسون انهم حوامل ماشاء الله

 

[*مطبخ الذواقة*]

سالفة الصورة والشبه وايد سمعت فيها بس ما ادري اذا صج او لا

ياليت البنات يفيدوننا :rerrerek:

 

[sosowaty]

و عليكم السلاام


هههههههه لا جذب و خرااافات حبيبتي

و في حريم ما يتنسوون نهائيا

 

[naseem]

السالفه صح ومو صح !!

يعني حسب االام وعيونها باللقط هذي هبه من ربنا

يعني عندنا وحده مشاء الله عيون بناتها ملونه مع ان كل عيلتهم عادي اسود بني وهذي طالعه اخضر



وبعد وحده كانت بزياره لقرايبها المهم تقول بالشارع كان فيه ولد قدام الباب مره عجبها جاسه تتأمل فيه كذا مو عارفه ليه تقول فيه شيء جذبني له الهم طلع ولدها ما يسمع ولا يتكلم >>> المصيبه ان الولد اللي شافته لايسمع وا يتكلم وماكانت تدري عنه !!


تعرفون نعمان اللي يجي بفتح ياسمسم >>> غبار

والله عاد هذي من القرابه مره كانت تحب نعمان بشكل فضيع وتابعه الهم ولدها طلع رجله زي نعمان مصطحه !!

والجزم غير تفصيل بس سبحان الله احين متزوج وعنده اطفال


فهو حسب الام اعتقد مو الكل يجيه هالشيء


رجاء لاحد يقول خوفتينا او جنا احباط ههههههههههه هذي حقيقه شفناها قدامنا ما نقلتها من هنا ولا هناك

 

[عطور وبخور]

كلش ماله علاقه

 

[حآلية الذوق ~]

الوراثه والجينات اهيا الي تحدد مااعتقد له شغل بالصوور
اما النساه من وحده لي وحده يختلف

 

[((غلاي))]

ماله شغل الشبه ياخذه من جينات امه وجينات ابوه يعني لو تطالعين مني لي ولادتج ماراح يطلع ع الصوره لانه بيطلع ياعليج او على اهلج او على زوجج واهله

سالفة النساة يقولون في بنات ماتتنسى كلشش

:rerrerek::rerrerek:

 

[عروووسته]

انا اصلا متاكده ان اللي تطالع شخص وتحبه حيل او تكرهه يطلع الياهل شبهه لكن ابي قصص شلون ؟؟
يعني قبل كان يجذبوني وايد اشخاص بجمالهم الحين ماشوف احديترس عيني او قادره اصير مهوووسه فيه هههه

 

[عروووسته]

رفففففففع

 

[ام فواازي]

ماله شغل على الجينات الوراثيه انا واحد على ابوه واحد للحين مالقينا شبيهه و بنتي نفسي و لدي الصغير للحين مابين عمره شهرين بس اقرب ماله ابوه
بس فعلا اللي مالقينه له شبيه توحفه الكل يسأل على منو طالع ماندري يمكن على سابع جد مو العرق يوصل لي سابع جد فديته العنيد اللي براسه يسويه مايرد على احد ياحلوه عاد هو الوحيد اللي كل ماشفت واحد مزيون حكيت بطني ههههههههههههههه متأثره بسالفة حكي بطنج اذا شفتي واحد حلو عشان يطلع نفسه وهو الزين بصوب وهو بصوب زوجي حلو وانا بعد وعيالي حلوين بس هذا اللي الكل منصدم ان هذا ولدي عاد هو الغالي بينهم