صج مستحيه اقولها بس بنات ...ودي اتزوج :(

[no-hope]

سلام عليكم شلونكم بنات

سامحوني اذا يت فضفضت بس مالي غير هل منتدى اقول اللي بقلبي كله بدون خجل

بنات انا قبل اقنعت نفسي اني خلاص مراح اتزوج بسبت ابوي الله يسامحه
بس والله مو بيدي الشعور اللي احس فيه
والله قاعده الهي عمري طول اليوم بس ماكو فايده بس ادش الفراش اقول ودي و ودي
اليوم و امس دريت في وايد بنات اعرفهم تزوجو والله و بالنعمه اللي جدامي مو حاسدتهم بل عكس مستانستلهم
صج في ناس حسيتها نا تستاهل اصلن لانه كانت حيل شيطانه بس على نياتكم ترزقون
يمكن اله هداها ما احط بذمتي
بس نظره الشفقه قاعده اتعبني حيييييييييييييييل
ادري بتقولون 24 توناس عليج
بس انا في المجتمع اللي حولي كلهم ان طقت 23 خلاص تتزوج الا انا
بس يسألون عني و ينحاشون


بنات انا الحمدالله صلي و فرض في فرضه بس ما اسوي شي غيره
شنو تنصحوني ؟ شنو الادعيه اللي الوحده تدعيها و الله يرزقها بالزوج الصالح؟
بنات انا استحي اسأل احد هل شوأل و مالي غيركم انتو اتكلم و اسأل
انا جدام الناس وحده ثاااااانيه
عبالهم قويه و الكل عباله اني مستانسه بحياتي و ومركزي بس اللي بالقلب بالقلب

سامحوني على الايطاله
و بنات عفيه لا تجرحوني بالكلام ...

 

[العنود22]

لاتستعجلين بعد قلبي عيشي حياتج الحين وانتي ببيت اهلج وربي باجر رح تقولين شحلات العزوبية

ادري رح تقولين بجرب نفس ماجربوا البنات بس لاحقة على المسئوؤلية والهم والله يرزقج ان شاء الله وتتزوجين وتعيشين حياة سعيده بعيده عن المشاكل والهم​

مابعد ضيق الا الفرج​

 

[( مي )]

باختصار حبيبتي
متى مالله كتب لج الزواج
بتتزوجين مهما حاولوا الناس تعطيل زواجج

لا تدعين لنفسج بالزواج بس
ادعي اهم شي بالزوج الصالح والذرية اللي ترفع راسج
والله يوفقج انشالله ​

 

[KOKO_284I]

رد : صج مستحيه اقولها بس بنات ...ودي اتزوج

تدرين انا كنت افكر نفسج وكل ريال ارفضه ولنفس السبب اللي انتي ذاكرته وبنات عايلتنا اللي طولت اتزوجت 19 سنه

انا قعدت لي 24 سنه وبين يوم وليله الله دزلي ريلي اللي فعلا ما صبرت الا عشان انول الريال المثالي اللي كنت اتمناه

فلا يضيق خلقج وانتي انسانه مصليه طلبي من الله واهو مستحيل يقصر معاج

ومو عيب ولا فيها مستحا هذي غريزه الله حطتها بالانسان

 

[Tulips]

حبيبتي ماله شغل اذا ابوج يبي يزوجج ولا لا

اذا ربج كاتب انج تتزوجين بتتزوجين من هالشغله لا تحاتين ابد

اهي مسألة نصيب ومسألة وقت مو اكثر

والله يرزقج بولد الحلال

 

[محرومة من الحب]

تبين الصراحة عيشة العزوبية ماكو مثلها حتى لو كنا نتمنى الزواج

الزواج مو قرار سهل الواحد يتخذه

الله يرزقج بالزوج الصالح

ومرة مفسر قالي طريقة سهلة

ادعي 10 مرات بالسجود بكل صلاة اللهم ارزقني زوجا صالحا بكل سجدة

والله يرزقج الي بببالج ان شاء الله

 

[الـفـجـر الـبـعـيـد]

حبيبتي محد ياخذ غير نصيبه وخلي عندج امل بالله انه نصيبج ياي بالطريج

ولا تفكرين بالزواج وايد وترى ماله سن معين متى ما الله اراد بتزوجين

ويمكن اللي تزوجوا قبلج مو مرتاحين انتي بس صلي لج ركعتين

قبل صلاة الفجر وادعي الله من كل قلبج باللي تبينه وكثري استغفاااااار

وراح تشوفين النتيجة ان شالله

والله يرزقج بالزوج الصالح والذرية الصالحة

 

[om shaheeen]

رد : صج مستحيه اقولها بس بنات ...ودي اتزوج

حبيبتي اي شي في خاطرج طلبيه من ربج

عليج بــ صلاة القيام و طلبي من ربج كل اللي تبينه و عسى الله ينولج كل اللي في بالج

 

[ابدا يالغالي مانساك]

رد : صج مستحيه اقولها بس بنات ...ودي اتزوج

حبيبتي
سمعي كل انسااان الله تعالي يبتليه بهالدنيا
ويقيس ايمان الانسان يشوفنا مومنين ولا لا
وانتي الحين الله تعالي بيشوف ايماانج ويقيسه ويشوف وتومنين ولاتسخااطين
وثاني شي ياحبيبتي انتي توج صغيره وشيللي فكرة الزوااج من بالج وعيشي حياتج
بطوله وعرضه ودرسي وستانسي مع رفيجاتج ولاتحطي لحضه الياس في قلبج
وذكري ربج وخللي الحمد دايما علي لسانج

 

[فـدوه]

يارب يرزقج و يرزقني و كل بنات المنتدى يارب العالمين.... دايما خليج واثقة برب العالمين

 

[حياتي تكنولوجيا]

:yaaaaaarb:الله يرزقني وياج بالزوج الصالح والذريه الصالحه يارب:yaaaaaarb:

 

[أم حمودي**MALL**]

شوفي هالرابط حق دكتور بشير الرشيدي وانشالله يفيدج
http://www.youtube.com/watch?v=agBihXytNRI

 

[نكهةالبرتقال]

الله يرزقك بالستر و الزوج الصالح و الذرية الطيبة

 

[<<ام تركي>>]

حبيبتي هذا كله قسمه ونصيب وان شاءالله اذا الله كتبلج نصييب بيجييج لا تحاتين

 

[معلمة شيسمونه]

انا كبرج والله ما اقولج نا ابي بس مازلت دقيقه بالاختيار مع انا وايد يقولون تنازلي وعادي
بس لا حبيبتي انا متاكده انه نصيبي عند ربي مكتوب
ادري تقولين اللي كبري تزوجوا حتى انا نفسج واحساسي للوضع عادي متقبلته بكل رحابه صدر ومستانسه بعد والله
واعرف بنت عمرها 19 سنه بتمووووووووووووت علشان تتزوج بدعت وحاشها اكتئاب ليش يبا
الرزق عند رب العالمين ويمكن هالريل اللي تستعيلين عليه بيكون سبب الام لج تخليج تكرهين حياتج
ما اقولج لاتتزوجين بسسسسسس لا يهمج خليج قويه وعيشي حياتج وادعي ربج بالثلث لاخير انه يرزقج بالنصيب اللي يرضيج وعسى ربي يوفثج ويرزقج ان شاء الله

 

[** محبوبه**]

الله يرزقج بالزوج الصالح وبالذريه الصالحه يارب وعلييييج يالأستغفار

 

[معلمة شيسمونه]

سوري ع ااغلاط شابكه تلفون شكثررررر بدلياتي

 

[صمــت_ALsHfaaH]

الله يوووفقج ياقلبي

ويرزقج بالزوج الصالح الي يعوضج ويريح بالج ويسسعدج

 

[حسنة المندسمة]

الله يرزقج ويرزقنا

 

[عيالي ذيابه]

رد : صج مستحيه اقولها بس بنات ...ودي اتزوج

الله يرزقش بالرجال اللي يبرد كبدش